Jesaja 2:19 - O Debleskro Lab 2024 (Sinte-Manouche)

¹⁹ Ap ko dives, kay o baro Devel pre stell, te anell lo i traash pral i phoub, khatrenn pen i menshe an i grotte, mank i bare barra oun an i phoub, i daryatar o baro Debleskri rholyatar oun glan leskro raylo barepen.

O Debleskro Drom 2021 (Sinte)

¹⁹ Ap ko diwes, kai o baro Dewel pre stell, te anell lo i traash pral i phub, khatrenn pen i menshe an i grotte, mank i bare barra un an i phub, i darjatar o baro Debleskri choljatar un glan leskro railo barepen.

Jesaja 2:19 Iomraidhean Croise

2. Samuel 22:46

Len hi bouder kek zoor an pende. Daryah venn le dran pengre zorele rayengre khera vin.

Hiob 9:6

Yob taprell ap i phoub oun koya trissell, Ninna i barra, hoy hidjrenn lat, trissenn.

Debleskri gili 7:6

palle mou lenn man palla kolla, kay hi rhoyede ap mande! Mou taprenn le man, oun vitsrenn man ap i phoub, oun moukenn le man an i čik čiddo!

Jesaja 13:13

Me moukau o bolepen te trissell. Oun i phoub ačell bouder gar kote tardo, kay li kanna hi, ap ko dives, kay me, o baro Devel, o ray pral o bolepen oun i phoub, anau miri rholi pral i phoub.

Jesaja 2:10

Dja mank i bare barra, oun khate tout an i čik, i daryatar o baro Deblestar oun glan leskro raylo barepen.

Jesaja 2:21

Oun yon khatrenn pen mank i bare barra oun an i barrengre grotte i daryatar o baro Deblestar oun leskro raylo barepen, te stell lo pre, te anell lo i traash pral i phoub.

Jesaja 24:1

I dives vella, kay lell o baro Devel o djipen i phoubyatar krik. Oun i phoub vell i moulo them. Oun kova, hoy ap late tardo hi, vitsrell lo trouyel. Oun i menshe venn kate te kote tradedo:

Jesaja 24:18

Kova, kay nashell nay peske glan i trashakri gole, perell an i grouba. Oun kova, kay tserdell pes pral dran i grouba, vell an i netsa tapedo. O bolepen krell pes pre oun dell baro brishin oun o telstunepen, hoy i phoub hidjrell, trissella.

Jesaja 24:19

Oun i phoub phagell khetne, phagell an kotya oun perell khetne.

Jesaja 30:32

Oun pash haki dap, hoy o baro Devel ko kashteha ap lende tele dell, dell bashepen ap i tikne pauke oun harfe. Yaake dell lo len trad oun kourell pes lentsa an o kourepen.

Jesaja 33:10

“Kanna kamau me pre te stell”, penell o baro Devel. “Kanna hadau man oun sikrau miri zoor.”

Jesaja 7:19

Oun yon lauter beshenn pen ap hake platse – an i telstouni tala oun mank i bare barra, an i bourra oun ap o zenlepen.

Jeremia 16:16

Me kamau boud mačepangren vin bičrell. Kolla hounte mačrenn len. Pal kova bičrau boud yegaryen vin, te taprenn yon len, kay yon ninna hi: ap haki bari oun tikni berga, oun mank kol bare barra, kay khatran le pen.

Jeremia 4:29

Dran kol tsele forya nashenn le penge glan koy gole kol lourdendar, kay klissenn ap i graya, oun kolendar, kay denn karye, oun nashenn an pesse vesha oun khatrenn pen mashkral i barra. Hako foro vell mouklo čiddo. Kek djivell bouder koy dren.

Jeremia 48:28

T'mer menshe an o them Moab, nashenn vin dran t'mare forya, oun djivenn mank i bare barra! Oun krenn les har i taube, kay krenn pengre khera kote, kay i barra dour tele djan.

Ezekiel 33:27

Yaake peness tou lenge: Kava penell o baro Devel, maro ray: Pash miro djipen dau man sovel, halauter, kay an kol tele phagede forya djivenn, venn maredo o rhareha. Oun kolla, kay vin ap o them djivenn, venn khetne dandedo i divye firhendar. Oun kolla, kay khatrenn pen an zorele barrengre khera oun an i phoub, kolla merenn ap i djoungelo nasslepen.

Hosea 10:8

Khetne dine venn i moulne platse, kay i Israelitarya i rhorhene deblen an-mangan, oun o baro Deblestar tele peran. Soubyengro zenlepen oun soubyengre bourra venn bares ap lengre altare. Oun yon penenna: T'mer bare oun tikne berge, perenn pral mende, oun čakrenn men!

Micha 7:17

Yon hounte čivenn pen ap i phoub pengre mouyentsa an i čik har i sapa oun i kirme. Oun trisslepah venn le vin dran pengre zorele khera, oun venn glan toute, maro baro Debleste, bari daryah.

Nahum 3:11

Ninna tou, Ninive, veh mato i doukatar oun dinelo an o shero. Ninna tou rodeh, kay tout nay khatress kolendar, kay kamenn tout te marell.

Haggai 2:6

Doleske penell o baro Devel, ko ray pral o bolepen oun i phoub: An i tikno tsiro krau me, te trissenn o bolepen oun i phoub, o baro pani oun o trouk them.

Haggai 2:7

Ava, i menshenge an i tsele themma lau i zoor krik. Oun lengro kouč koova vell kate anlo, oun me krau miro kheer pherdo raylepen. Ko penell o baro Devel, ko ray pral o bolepen oun i phoub.

Louka 23:30

Ap ko tsiro penenn le ap i berge: Perenn pral mende!

2. Tessalonikarja 1:9

Kolla lenn i phagi: Yon djan hako tsireske nashedo, oun nay venn bouder gar pash o Debleste, oun dikenna gar leskro baro raylepen

Hebrearja 11:38

Yon nashan an o moulo them trouyel, ninna an i berge oun djinan gar, kay te djan le. Mashkral i bare barra khatran le pen, ninna tel i phoub. Kolla lauter his lače menshe. I vavar menshe ap kay phoub his gar moldo, te djivan kol lače menshe mashkral lende.

Hebrearja 12:26

An o phouro tsiro trissas i phoub, har o Devel rakras. Kanna penell lo: An ko tsiro, hoy vella, trissell i phoub i vavar kopo, oun gar i phoub kokres, na-a, ninna o bolepen trissella.

Debleskro tsiro 11:13

Oun ap yek kopo trissas i phoub zoreles. Oun o deshto kotar ko forestar peras khetne. Oun efta zerya (7.000) menshe van maredo. Oun kol vavaren tapras i bari daar, oun yon sharan o Debles, kay an o bolepen hi.

Debleskro tsiro 11:19

Oun o Debleskro kheer an o bolepen vas pre kerdo. Oun an o Debleskro kheer dikom me ko sonakaskro morhton, hoy sikrella, kay o Devel o maal peskre menshendar hi. Oun i yag das karye dran o bolepen pre te tele. Oun o bolepen das bari gole, har koy gole, hoy o bolepen della, te dell baro brishin oun te djal yag tele dran o bolepen. Oun i phoub trissas, oun das brishin har bare barra.

Debleskro tsiro 16:18

Koy das i yag dran o bolepen karye pre te tele, oun vas i bari gole vin, har koy gole, hoy o bolepen krella, te dell baro brishin oun te djal yag tele ap i phoub. Oun i phoub trissas yaake zoreles, har dikan le kova gar yaake rah, har menshe ap i phoub hi.

Debleskro tsiro 20:11

Oun me dikom i baro parno beshepaskro oun koles, kay pre beshdo hi. I daryatar nashas i phoub oun o bolepen glan leste krik. Oun kek dikas len bouder pale.

Debleskro tsiro 9:6

Oun an ko tsiro kamenn i menshe te merell, oun nashte merenn gar. Lengro dji nashell pal o merepen, oun o merepen nashell lendar.

1. Samuel 13:6

Har i Israelitarya dikan, har zorelo i Filistarya hi, tapras len i daar, oun yon khatran pen an i phoub, pal soubyengre bourra, mank bare barra, an grufte oun panyengre rhebya.

1. Samuel 14:11

Oun kol douy sikran pen kol Filistarengre lourdenge, kay koy yak dan. Oun kolla penan ap pende: “Ake, i Hebrearya venn dran pengre rhebya vin, an kolende yon pen khatran!”