Jesaja 19:2 - O Debleskro Lab 2024 (Sinte-Manouche)

² Oun me kamau len yek ap o vavareste pre te anell, yaake te marell pes yek phraal o vavareha, yek maal o vavareha, yek foro o vavareha, oun yek them o vavareha.

O Debleskro Drom 2021 (Sinte)

² Un me kamau len jek ap o wawareste pre te anell, jaake te marell pes jek phraal o wawareha, jek maal o wawareha, jek foro o wawareha, un jek them o wawareha.

Jesaja 19:2 Iomraidhean Croise

1. Rajengro liil 16:21

An ko tsiro peran i menshe an Israel an douy kotya, kolla ap koy yek rig nashan o Tibni palla, koleskro dad o Ginat his, te vell yob lengro baro ray, oun kol vavar rikran ap o Omri.

2. Familjakro liil 15:6

O Devel moukas traash oun hakelay bibarht pral lende te vell. Yaake kouras pes yek them o vavar themeha oun yek foro o vavar foreha.

Jesaja 3:5

Oun an o them djal hakeno ap o vavareste oun dell les pral o kand: o terno o phoures, o či-moldo o an-dikles.

Jeremia 46:12

Tiri ladj vas an i vavar themma vin gole dino. Halauter shounan tiro ropen. Tire zorele kourepangre peran yek pral o vavar, oun ačan yek pash o vavareste čiddo.

Jeremia 51:46

Te shounenn t'mer, hoy an o them rakedo vell, nay darans t'mer, oun nay nashrans t'mare djia pengri zoor. Hako bersh vell vavar djoungelo koova rakedo: Bari zoryah djan le ap i tiknende an kava them, oun yek ray djal ap o vavareste.

Ezekiel 38:21

Oun me dau o rharo gole, te vell lo pral o Gog ap mire tsele berge, penell o baro Devel, maro ray. Leskre lourde djan pengre rharentsa yek ap o vavareste pre.

Zakarie 8:10

Bis kanna his kek love koy, te playsrenn le morshen pengre firhentsa lengri boudjake. Oun kolla, kay djan vin oun dren an o foro, hounte daran pengro djipaske. Hakeno djas ap o vavareste pre.

Mateo 10:21

Ap ko tsiro dell i phraal peskro phrales an lengre vasta, te vell lo maredo. Oun o dad dell o čaves an lengre vasta, te vell yob maredo. Oun i čave hi midjak ap pengre dadende oun pengre dayende, oun denn len an i vasta kolendar, kay marenn len.

Mateo 10:36

Oun kova, kay ap o vavareste rhoyedo hi, djivell leha an leskro kheer khetne.

Mateo 12:25

O Yezous hayvas, hoy an lengro shero trouyel djas. Oun yob penas ap lende: Hako them oun hako foro djal paash, kay douy bare raya kourenn pen. Oun an yek kheer nashte venn gar douyen penepaske. Kova djal gar.

Mateo 24:7

I pralstoune pral bare themma kourenn pen i vavar pralstunentsa. Oun i menshe dran yek them marenn kolen an i vavar them. An boud themma hi i menshen gar doha te rhal. Oun kate oun kote vell i phoub trisslemen.

Markus 3:24

Te kourenn pen i bare raya an yek them, palle djal ko them paash.

Čačepangre 7:22

Oun har kol triin sheel morsha an pengre phourdepangre phourdan, kras o baro Devel, te kouras pes ap i platsa hakeno hakeneha. Oun yon lauter nashan bis pash o foro Bet-Shitta ap o drom pash o foro Zereda, oun ninna bis pash o foro Abel-Mehola pash o foro Tabbat.

Čačepangre 9:23

Oun palle bičras o Devel i čilačo dourho mashkral o Abimelek oun i menshende an o foro Sichem. Oun kolla rissran pen lestar tele, oun rikran bouder gar pash leste.

1. Samuel 14:16

Oun kol morsha, kay yak denn pash o Saul an o foro Gibea an o them Benyamin, kal morsha dikan, har i Filistarya nashan yek rigyatar ap i vavar.

1. Samuel 14:20

Oun o Saul oun i tsele lourde, kay pash leste hi, van khetne, oun djan ap i kourepaskri platsa. Oun har le koy van, dikan le, te maran pen i Filistarya kokres. Yek djas ap o vavareste. Lauter his har dineles.