Jesaja 18:3 - O Debleskro Lab 2024 (Sinte-Manouche)

³ Denn yak, t'mer menshe, kay ap i phoub djivenn, te rikrell yek o themeskri plarhta pre pral ap i berge, palle denn yak! Oun te phourdell yek an i phourdepaskri, palle shounenn koy!

O Debleskro Drom 2021 (Sinte)

³ Denn jak, tumer menshe, kai ap i phub djiwenn, te rikrell jek o themeskri plachta pre pral ap i berge, palle denn jak! Un te phurdell jek an i phurdepaskri, palle shunenn koi!

Jesaja 18:3 Iomraidhean Croise

Debleskri gili 50:1

I gili o Asafestar. O Devel rakrell, o baro oun zorelo Devel dell i menshen ap i tseli phoub gole, kotar, kay o kham pre djas bis kote, kay lo tele djal.

Jesaja 1:2

Tou, o bolepen, oun tou, i phoub, shounenn, hoy me, o baro Devel, penau: Me tserdom čaven bares. Oun har yon baro van, phagan le mantsa.

Jesaja 11:12

Oun yob čivell i sikepen pre, te sikrell lo kol menshen an i vavar themma, te anell lo kolen khetne, kay dran Israel oun Youda vin tradedo his. Kolen anell lo pale dran hake rigya i phoubyatar.

Jesaja 13:2

Ap i bari nangi berga čivenn i sikepen pre! Denn zoreles i lourden khetne gole! Sikrenn len i vastentsa, te djan le dren an o foreskre voudya, kay i raya djivenn.

Jesaja 13:4

Shounenn i bari gole ap i berge har boud boud menshendar! Shounenn koy bari gole, hoy denn i menshe dran boud themma, kay kate khetne van. O baro Devel, ko ray pral o bolepen oun i phoub, anell peskre lourden o marepaske khetne.

Jesaja 26:11

Baro Devel, tiro vast hadal dour pre, te dess len trad. Oun yon kamenn gar te dikell. Mouk len dren te dikell, havo kamlepen tout tire menshenge hi, te ladjenn le pen. Rhače len pre an tiri yagakri rholi, kolen kay kamenn tout gar.

Jesaja 31:9

Oun lengre zorele kourepangre hi har moulo i trashatar, oun lengre pralstoune moukenn koy pre-čiddi plarhta, hoy lengro sikepen his. Kova penell o baro Devel, kay ap i berga Sion khere hi, kay leskri yag rhačell. Oun leskro bob hi an o foro Yerusalem.

Jesaja 49:22

Kava penell o baro Devel, maro ray: Dik, me hadau miro vast oun miri themeskri plarhta pre, te sikrap i menshende an vavar themma, hoy te krenn le. Oun palle venn le oun hidjrenn tire morsh čaven ap i moussi pash toute, oun tire čen hidjrenn le ap pengri phik pash toute.

Jesaja 5:26

Oun yob bičrell i sikepen i menshenge an i them, hoy dour krik hi. Oun yob sholell, te venn le dran o palstouno i phoubyatar. Dik, kote venn le – yaake sik har djala!

Jesaja 7:18

An ko tsiro phourdell o baro Devel an i tikni phourdepaskri: Oun lourde venna dran o them Egiptia har matsille, oun dran o them Assour har bine.

Jeremia 22:29

T'mer menshe an kava them, shounenn! Shounenn mishto! Shounenn o baro Debleskro rakepen:

Jeremia 51:27

Hadenn o kourepaskri plarhta pre ap i phoub! Phourdenn an i phourdepaskri an i tsele themma! Denn i rayen pral i vavar themma gole, te djan le an o kourepen o foreha Babilon! Penenn i bare rayenge pral i themma Ararat, Minni oun Ashkenas, te bičrenn le lourden, te kourenn le pen i menshentsa an Babilon! Rodenn lourdengre pralstunen vin! Anenn yaake boud graya khetne har stepangre!

Micha 1:2

Shounenn t'mer tsele themma! Denn yak, t'mer ap i tseli phoub! O baro Devel, maro ray an o bolepen, kamell t'mentsa te rakrell pral kova, hoy kran!

Micha 6:2

Shounenn t'mer phoure berge, ap kolende i phoub tardo hi! Denn yak, hoy hounte penell o baro Devel peskre menshenge. Yob rakrell o čačepen vin pral peskre menshende, oun penell i Israelenge, kay kova, hoy le kran, gar mishto hi.

Micha 6:9

Shounenn, hoy dell o baro Devel gole pral o foro Yerusalem! – Koon gosevo hi, kova lell leskre laba ap o dji! Shounenn, t'mer menshe, kay venn khetne an o foro!

Zakarie 9:14

O baro Devel moukell pes te dikell pral peskre menshende, [te rikrell lo peskre vasta pral lende]. Leskro faylo djal sik har o bolepaskri yag. O baro Devel, maro ray, moukell an i bari phourdepaskri te phourdell. Yob djal an o zorelo dourho, hoy vell kotar, kay o kham pralstounes tardo hi.

Mateo 13:16

Barhtele han t'mer, kay dikenna oun shounenna, hoy me t'menge penau oun sikrau.

Mateo 13:9

Moukenn kova an t'maro shero trouyel te djal!