Jesaja 17:4 - O Debleskro Lab 2024 (Sinte-Manouche)

⁴ An ko tsiro hi o themes Israel bouder kek raylepen, kote, kay bravlepen his, hi kanna čorvlepen.

O Debleskro Drom 2021 (Sinte)

⁴ An ko tsiro hi o themes Israel buder kek railepen, kote, kai brawlepen his, hi kanna tchorwlepen.

Jesaja 17:4 Iomraidhean Croise

1. Mose 41:3

Pal i tsiro van pal lende efta vavar groumya dran o pani vin. Kolla his djoungelo. Len his kek thoullo mass. Oun yon his tardo pash kol shoukar groumya pash o pani.

2. Rajengro liil 17:3

Oun o baro ray pral o them Assour, o Salmanassar, vas peskre lourdentsa pral leste. Oun i Israelitarya van dino. Oun o Hoshea hounte das leske hako bersh roup oun sonakay.

2. Rajengro liil 17:6

Oun har o Hoshea an o enyato bersh baro ray his, las o baro ray pral o them Assour o foro Samaria dren, oun anas i menshen dran Israel pandles krik an o them Assour, oun moukas len te djivell an o them Hala oun pash o lengsto pani Habor an o them Gosan, oun an i forya, kay i Medarya djivan.

Jesaja 10:16

Doleske bičrell o baro Devel, ko ray pral o bolepen oun i phoub, i nasslepen ap i pesse menshende an o them Assour, hoy rhal len pre. Oun i yag rhačrell lengro bravlepen pre.

Jesaja 10:3

Hoy kamenn t'mer te krell ap ko dives, kay vell t'mari phagi pral t'mende? Ap ko dives, kay vell i bibarht foun doural pral t'mende? Pash koneste kamenn t'mer palle te nashell? Oun kay moukenn t'mer palle t'maro bravlepen?

Jesaja 10:4

Te han gar mank kolende, kay moulo dino van, ačell t'menge či pral, har te čivenn t'men glan tele kolentsa, kay pandle van. Oun pral kova lauter moukell o Debleskri rholi t'mendar gar tele, oun leskro vast ačell pre hadedo, te dell lo t'men i phagi.

Jesaja 17:3

Troul i forya an Israel hi bouder kek massourya. Oun o foro Damaskus hi kek rayeskro foro bouder. Kol Syrarya, kay ačenn djido, lenge djal yaake har i Israelenge. Lengro raylepen ačell gar. Kova penell o baro Devel, ko ray pral o bolepen oun i phoub.

Jesaja 24:13

I menshentsa an i themma djal yaake har an ko tsiro vin dikell, kay van i drake i djeteskre roukendar oun i molyakre roukendar tele dino. Oun kokres i vast pherdo ačenn ap i rouka.

Jesaja 24:16

Dran themma, kay dour mendar krik hi, shounah o gipen: “Sharedo vell o Devel, kay o čačepaskro hi.” Me penom mange: Mange hi ropaske! Mange hi ropaske! Har djoungelo djal mange? Phoukepangre phoukrenn, ava, phoukepangre phoukrenn, oun moukenn gar tele pengro phoukepah.

Jesaja 9:8

Oun i tsele menshe an Efrayim oun an Samaria hayvan kova. Oun yon ačan pre-phourde oun sharan pen oun penan:

Ezekiel 34:20

Doleske penau me, o baro Devel, t'maro ray ap t'mende: Me hom kova, kay krell o čačepen vin mashkral kol thoulle bakre oun kol vi-bokede bakre.

Amos 3:12

Kova penell o baro Devel: I bakro, kay an o leveskro mouy hi, kolestar nay tserdell o bakrengro gar boudeder vin har douy herya oder i kotar kand. Yaake djal i Israelenge, kay hi kanna beshdo an Samaria ap shoukar beshepangre oun ap pernitse dran phar. Lendar ačell gar boud pral.

Zefanja 2:11

Kanna krell o baro Devel lenge bari daar, te krell lo i rhorhene deblen ap i tseli phoub paash. Oun an hake themma vitsrenn pen i menshe glan leste tele, hakeno an peskro them.