Jesaja 15:9 - O Debleskro Lab 2024 (Sinte-Manouche)

⁹ Pash o foro Dimon hi i panya pherdo rat. Oun gomme boudeder bibarht moukell o baro Devel pral o foro Dimon te vell: I levo djal ap kolende, kay pral ačenn an o them Moab.

O Debleskro Drom 2021 (Sinte)

⁹ Pash o foro Dimon hi i panja pherdo rat. Un gomme budeder bibacht mukell o baro Dewel pral o foro Dimon te well: I lewo djal ap kolende, kai pral atchenn an o them Moab.

Jesaja 15:9 Iomraidhean Croise

2. Rajengro liil 17:25

An ko ersto tsiro, kay djivan le kote, mangan le gar o baro Deblestar an. Kote bičras lo leve mank lende, oun kolla maran menshen lendar.

Jesaja 15:8

Troul o tselo them Moab trouyel vell ko ropen shounlo, oun djal bis Eglayim oun Beer-Elim.

Jeremia 15:3

Me, o baro Devel, lom man glan, te anap star kope pharo koova pral lende: o rhareha te venn le moulo dino, i djoukle tserdenn len krik, i čirkle rhan len, oun kova hoy lendar pral ačell, rhan i divye firhe pre.

Jeremia 50:17

O Israel his har i nashedo bakro, hoy lan i leve palla. Ko ersto his o baro ray dran o them Assour, kova rhas les. Pal leste vas o baro ray pral o them Babilonia, o Neboukadnezar. Kova dandras ko mass tele, hoy ap leskre kokale ačas.

3. Mose 26:18

Te shounenn t'mer ninna palle gar ap mande, dau t'men i phagi, hoy hi efta kope phareder har kaya, hoy bis kanna dom.

3. Mose 26:24

palle sikrau me t'menge o doumo, oun dau t'men i phagi, hoy efta kope phareder hi har kaya bis kanna.

3. Mose 26:28

palle djau me an rholi ap t'mende, oun dau t'men i phagi hoy hi efta kope phareder har kaya, hoy bis kanna ap t'mende vas.

Amos 5:19

Kova hi har te nashals yek peske glan o levo, oun i vavar baro divyo firho taprals les. Yob khatrell pes an i kheer, čivell peskro vast ap i vanta, oun i sap dandrell les.

4. Mose 21:30

O Heshbon hi paash, oun o tselo them bis pash o Dibon. Či ačas. I yag rhačras halauter pre bis pash i forya Nofa oun Medeba.