Jesaja 15:4 - O Debleskro Lab 2024 (Sinte-Manouche)

⁴ I menshe an i forya Heshbon oun Elale denn yaake bares gole, te venn le shounlo an o foro Yahaz. Ninna i lourde dran Moab denn gole oun trissenn.

O Debleskro Drom 2021 (Sinte)

⁴ I menshe an i forja Heshbon un Elale denn jaake bares gole, te wenn le shunlo an o foro Jahaz. Ninna i lurde dran Moab denn gole un trissenn.

Jesaja 15:4 Iomraidhean Croise

1. Mose 27:46

Oun i Rebekka penas ap o Isaakeste: “Kol douy rhalya, kol Hetarya, kolen o Esau romedineras, krenn mange miro djipen pharo. Te romedinerell ninna o Yakob i čat dran kava them, i Hetaretsa, vals feteder, te merap.”

1. Rajengro liil 19:4

Oun yob djas i dives dour an o moulo them. Oun kote beshas lo pes tel i bourra, oun kamas te merell oun penas: “Kanna hi doha, baro Devel. Mouk man te merell! Me hom gar feteder har mire phoure.”

Jeremia 20:18

Hoske vom dran miro dakro per vin, te dikap ropen oun douka, oun djivap hako dives an ladj?

Jeremia 48:21

I phagi vas pral ko telstouno them, pral kol forya, kay kharenn: Holon, Yahaz, Mefaat,

Jeremia 48:34

Kolla golya i menshendar dran o foro Heshbon venn shounlo bis pash i forya Elale oun Yahaz. Oun koy gole dran o foro Soar djal bis pash o foro Horonayim oun o gab Eglat-Shelishiya; Ninna kol panya pash Nimrim hidjrenn bouder kek pani an pende.

Jeremia 8:3

Oun lauter kolla, kay pral ačan kal čilače menshendar, kay djivenn kote, kay me len tradom, lenge vals o merepen feteder har o djipen. Kova penell o baro Devel, ko ray pral o bolepen oun i phoub.

Jona 4:3

Oun kanna, baro Devel, le miro djipen mandar! Miro merepen hi mange mishto, boudeder har te djivap!”

Jona 4:8

Oun har o kham ap o bolepen tardo his, moukas o baro Devel i tato phourdepen dran o moulo them te vell, oun o kham das yaake čourye ap o Yoneskro shero, te nashras lo peskri zoor. Oun yob kamas te merell oun penas: “Miro merepen hi mange mishto, boudeder har te djivap!”

4. Mose 11:15

Te kameh tou mantsa yaake te krell, palle ab mange lačo oun de man moulo, te dikap gar miri bibarht.”

4. Mose 21:23

O Sihon moukas i Israelitaryen gar an leskro them. Yob las peskre tsele lourden khetne, oun djas vin an o moulo tato them, te kourell lo pes lentsa. Oun har yob pash o foro Yahaz vas, djas lo pral lende oun kouras pes lentsa.

4. Mose 21:28

I yag vas dran o foro Heshbon, dran o Sihoneskro foro vas i yag. Koya rhas o foro Ar an o them Moab, oun kol berge pash o pani Arnon rhas li pre.

5. Mose 2:32

Oun o Sihon djas vin dran o foro peskre tsele lourdentsa, te kourenn le pen mentsa pash o foro Yahaz.

Josua 13:18

Yahaz, Kedemot, Mefaat,

Debleskro tsiro 9:6

Oun an ko tsiro kamenn i menshe te merell, oun nashte merenn gar. Lengro dji nashell pal o merepen, oun o merepen nashell lendar.

Čačepangre 11:20

Oun o Sihon patsas gar, te kamell o Israel či vavares har vergel leskro them te djal. Oun o Sihon las peskre tsele lourden khetne pash Yahaz, oun maras pes i Israelentsa.