Jesaja 13:22 - O Debleskro Lab 2024 (Sinte-Manouche)

²² Divye djoukle rovenna an i rayengre khera, kay his yaake shoukar oun raylo. I tsiro o foreske Babilon vas, te lell li peskri phagi. Oun leskre divessa hi trouyel.

O Debleskro Drom 2021 (Sinte)

²² Diwje djukle rowenna an i rajengre khera, kai his jaake shukar un railo. I tsiro o foreske Babilon was, te lell li peskri phagi. Un leskre diwessa hi trujel.

Jesaja 13:22 Iomraidhean Croise

Debleskri gili 44:19

Mare djia moukan tout gar, vitar gar djan mare herya tiro dromestar tele.

Jesaja 14:23

Me krau dran o foro i sapeni platsa, kay i starhelengre djivenn. Oun khossau o tselo foro krik, har yek i besa lell oun o kheer vin khossell. Kova penau me, o baro Devel, ko ray pral o bolepen oun i phoub.

Jesaja 25:2

Tou kral o zorelo foro paash. Lestar ačas či pral har barra. Ko foro, kay i zoreli massouri troul leste his, hi čiddo an kotya. Kote, kay rayen dran vavar themma pengre shoukar khera his, hi kek foro bouder. Oun kek nay čivell len pale pre.

Jesaja 32:14

An o rayeskro kheer vell kek bouder. Mouklo vell o foro, kay yaake boud menshe trouyel nashenn. I zorele barrengre khera oun o turmo, kay pral an o foro tardo hi, perenn khetne. Oun mank lende djivenn divye bourike i rah tsireske, oun bakre oun groumya rhan kote.

Jesaja 34:13

Oun an i rayengre khera djan i soubyengre bourra pre, oun ap i barrengre massourya vell soubyengro zenlepen baro. I divye djoukle djivenn kote, oun bare divye čirkle hi kote khere.

Jesaja 34:14

Vavar divye firhe dran o moulo tato them venn kote khetne, oun divye bouzya denn gole yek ap o vavareste. Ninna o moulo, kay rati trouyel djal, hatsell i platsa kote, kay ačell lo.

Jesaja 35:7

Kote, kay yaake tato his, vell pani khetne oun ačell tardo. Oun kote, kay yaake trouk his, krenn panya i phoub sapeno. Kote, kay i divye djoukle čiddo his, vell panyeskro khass oun shilftikro khass.

Jesaja 43:20

Mire vi-rodede menshenge dau pani an o moulo them, ava, lengste zorele panya an o tato them. Doleske sharenn man i divye firhe, ninna i divye djoukle oun bare divye čirkle.

Jeremia 48:16

Hi bouder gar rah, palle djal o them Moab tele, oun leskri bibarht vell sik pral leste.

Jeremia 51:33

Kava penell o baro Devel, ko ray pral o bolepen oun i phoub, kay o Israeleskro Devel hi: O foro Babilon hi har i djobeskri platsa, hoy vell i pirentsa zoreles stakedo, te denn le nay kote o djob vin. Sik vell o tsiro o foreske, kay vell lo khetne stakedo.

Jeremia 9:11

Me poučom: Baro Devel, hoske rhačell ko them oun vell moulo, yaake kay nay djal kek bouder koy trouyel? Koon hi gosevo oun hayvell kova? Ap koneste penal tou kova, yaake te penell yob kova i vavarenge?

Ropaskre gilja 4:3

Ninna divye djoukle denn pengre čaven i čouči. I daya mank mire menshende sikrenn kek dji pengre čavenge. Har kol bare divye čirkle an o moulo them hi le, hoy moukenn pengre yare.

Micha 1:8

Pral kova halauter hounte dap i bari gole oun hounte rovap, me nashau pirkenes oun nanges, te sikrap har miro dji rovella. Har i divyo djouklo dau gole, oun rovau har ko čirklo, hoy kharell straussa.

Habakuk 2:3

Ko tsiro hi kanna gar koy, te vell kova yaake, hoy sikrom touke. Kova vell čačo ap peskro tsiro. Tou nay djineh čačepah, kay kova yaake vella. An kal laba hi kek rhorhepen. Ninna te vell kova gar yaake sik, de yak, te vell kova. Hi čačo, hoy penau: Kova vella oun ačell gar krik.

Zefanja 2:14

Boud firhe djivenn koy dren, ninna divye firhe hi kote khere. Ratsyakre čirkle djivenn mank i tele phagede turme. O mouleskro čirklo dell gole dran i vorhni. Oun o korako dell gole glan o voudar. Ko shoukar kasht i kherendar hi tele phagedo.

5. Mose 32:35

Yob penell: Me hom kova, kay dau len halauter ap lengro shero pale an ko tsiro, kay trissenn lengre herya. Gar dour hi o dives, kay vell lengri bibarht pral lende. Oun kova, hoy ap lende vell, kova vell sikepah.

2. Petro 2:3

Kol rhorhene sikepangre kamenn t'men rhorhene labentsa ap pengri rig te anell, te lenn le love t'mendar. O Debleskri rholi vell čačepah pral lende, oun lengri bibarht vella sik.