Jesaja 13:2 - O Debleskro Lab 2024 (Sinte-Manouche)

² Ap i bari nangi berga čivenn i sikepen pre! Denn zoreles i lourden khetne gole! Sikrenn len i vastentsa, te djan le dren an o foreskre voudya, kay i raya djivenn.

O Debleskro Drom 2021 (Sinte)

² Ap i bari nangi berga tchiwenn i sikepen pre! Denn soreles i lurden khetne gole! Sikrenn len i wastentsa, te djan le dren an o foreskre wudja, kai i raja djiwenn.

Jesaja 13:2 Iomraidhean Croise

Debleskri gili 60:4

Tou kral, te trissas i phoub yaake, te phagas li. Kre lat pale tseles, te phagell li gar khetne!

Jesaja 10:32

I lourde dran o them Assour ačenn an o foro Nob. Lengro baro ray hadell peskro vast, te dell lo trad o fores Yerusalem ap i berga Sion.

Jesaja 11:12

Oun yob čivell i sikepen pre, te sikrell lo kol menshen an i vavar themma, te anell lo kolen khetne, kay dran Israel oun Youda vin tradedo his. Kolen anell lo pale dran hake rigya i phoubyatar.

Jesaja 11:15

Oun o baro Devel moukell i kotar o baro panyestar pash o them Egiptia trouk te vell. Oun leskro vast moukell i zorelo tato dourho pral o pani Eufrat te djal, te ačenn lestar kokres efta tikne panya pral, hoy nashenn, yaake te nay djan le pengre kirrhentsa koy vergel.

Jesaja 18:3

Denn yak, t'mer menshe, kay ap i phoub djivenn, te rikrell yek o themeskri plarhta pre pral ap i berge, palle denn yak! Oun te phourdell yek an i phourdepaskri, palle shounenn koy!

Jesaja 19:16

Ap ko dives darenn i Egiptarya har djouvya; yon trissenn i trashatar glan o baro Debleste, ko rayeste pral o bolepen oun i phoub, ap ko dives, kay hadell lo peskro vast, te dell lo len.

Jesaja 31:9

Oun lengre zorele kourepangre hi har moulo i trashatar, oun lengre pralstoune moukenn koy pre-čiddi plarhta, hoy lengro sikepen his. Kova penell o baro Devel, kay ap i berga Sion khere hi, kay leskri yag rhačell. Oun leskro bob hi an o foro Yerusalem.

Jesaja 5:26

Oun yob bičrell i sikepen i menshenge an i them, hoy dour krik hi. Oun yob sholell, te venn le dran o palstouno i phoubyatar. Dik, kote venn le – yaake sik har djala!

Jeremia 50:2

Denn vin gole an i vavar themma! Halauter hounte shounenn! Hadenn t'mari themeskri plarhta pre! Hakeno te shounell kova! Rikrenn les gar pale! Penenn: O foro Babilon hi dren lino, Lengro devel Bel nay kras či, lengro devel Marduk hi khetne phagedo; lengre moule debla nay kran či, lengre figure hi pash kerdo!

Jeremia 50:41

Denn garda: Boud menshe venna dran lengro them, hoy kote čiddo hi, kay norden hi. Ava, boud menshe pengre bare rayentsa krenn pen ap o drom dran ko dour them, te djan le an o kourepen.

Jeremia 51:12

Hadenn o kourepaskri plarhta pre, te sikrenn, kay djan t'mer an o kourepen o foreha Babilon. Čivenn boud kourepangren troul o foro! Čivenn ninna kol lourden kote koy, kay garda denn! Čivenn ninna lourden khatemen pal o foro, te nay perenn le i Babilonaryen an o doumo. O baro Devel krell, hoy yob pes glan las, oun hoy lo pral i menshende an o foro Babilon rakras.

Jeremia 51:25

Babilon, tou marepaskri berga, tou, kay o merepen anal pral i tseli phoub, dik, me vau pral toute, penell o baro Devel. Me taprau tout miro vasteha, oun vitsrau tout i berga tele. Hoy toutar ačell hi rhačede barra.

Jeremia 51:58

Kava penell o baro Devel, ko ray pral o bolepen oun i phoub: I massurya ko baro forestar Babilon venn tele phagedo bis ap i phoub, oun o foreskre bare voudya venn rhačedo. Palle hi koy boudi čičeske kerdo, hoy menshe dran vavar themma kran. Koleske yon pen tele maran, kova rhačrell pre.