Jesaja 12:4 - O Debleskro Lab 2024 (Sinte-Manouche)

⁴ Oun ap ko tsiro denn t'mer gole: Parkrenn t'men pash o baro Debleste! Denn ap leste gole, te vell lo ap t'mari rig! Penenn i menshenge an i tsele themma, hoy lo kras. Penenn hakeneske te hi leskro lab bareder har hako vavar lab!

O Debleskro Drom 2021 (Sinte)

⁴ Un ap ko tsiro denn tumer gole: Parkrenn tumen pash o baro Debleste! Denn ap leste gole, te well lo ap tumari rig! Penenn i menshenge an i tsele themma, hoi lo kras. Penenn hakeneske te hi leskro lab bareder har hako wawar lab!

Jesaja 12:4 Iomraidhean Croise

1. Familjakro liil 16:8

Parkrenn t'men pash o baro Debleste, oun hadenn leskro lab! Penenn i menshenge an vavar themma kova, hoy yob kras!

1. Familjakro liil 29:11

Baro Devel, tou hal o baro ray, hal zorelo, raylo, zorleder har hako vavar, oun o pralstouno pral hako vavareste. Halauter, hoy an o bolepen oun ap i phoub hi, hi tiro. Tou hal o ray pral i tsele themma, oun tout hi penepaske pral halauter.

Nehemia 9:5

Oun i Levitarya, o Yeshoua, oun o Kadmiel, oun o Bani, oun o Hashabneya, oun o Sherebya, oun o Hodiya, oun o Shebanya, oun o Petaya penan: Stenn pre! Sharenn o baro Debles! Yob hi t'maro Devel. Sharenn les kanna oun hako tsireske! Baro Devel, hakeno te sharell tiro raylo lab! Kek vavar lab hi yaake baro oun raylo har tiro lab.

Debleskri gili 105:1

Parkrenn t'men pash o baro Debleste, oun hadenn leskro lab! Penenn i menshenge an i vavar themma kova, hoy yob kras!

Debleskri gili 107:22

Ninna hounte anenn le leske shoukar koova, te parkrenn le pen pash leste. Oun i barhtelo djiyeha hounte rakrenn le kolestar, hoy yob lenge kras.

Debleskri gili 113:5

Koon an o bolepen oun ap i phoub hi yaake har maro baro Devel?

Debleskri gili 148:13

Kolla lauter mou sharenn o baro Debleskro lab. Leskro lab hi bareder har i tsele vavar laba. Leskro raylepen djal pral i phoub oun o bolepen.

Debleskri gili 18:46

Len hi bouder kek zoor an pende. Daryah venn le dran pengre zorele rayengre khera vin.

Debleskri gili 21:13

Tou leh tiro bogo oun rikreh ap lende, oun kreh, te rissrenn le pen trouyel oun nashenn penge.

Debleskri gili 22:31

Ninna kolla, kay bolde venna, venn leske koy. Oun yon rakrenn ap pengre čavende oun čavengre čavende o baro Deblestar.

Debleskri gili 34:3

Kova, hoy yob lauter kras an miro djipen, kamau me te sharell. Mou shounenn kova kolla, kay tele rikedo hi, oun venn barhtele!

Debleskri gili 40:5

Barhtelo hi ko mensho, kay rikrell pes ap o baro Debleste, oun djal gar kolentsa, kay hi pre-phourde oun rhorhene.

Debleskri gili 46:10

Ap o marepen penell lo: “Mouk tele ap i tseli phoub!” Kol kashta, kolentsa dan le karye, phagell lo khetne, oun lengre rhare dell lo paash, i kourepangre vourdya rhačrell lo pre.

Debleskri gili 57:5

Me hom čiddo mank menshe, kay hi har leve, kay kamenn man pre te rhal. Lengre danda hi har čourya oun fayle, oun lengri čip dell čourye har i rharo.

Debleskri gili 68:5

Givenn o Debleske! Bashrenn oun hadenn leskro lab! Krenn leske i drom, koleske, kay oulerell ap o bolepen. Baro Devel hi leskro lab. Avenn barhtelo oun givenn glan leste!

Debleskri gili 73:28

Mange hi mishto, te rikrap man ap miro Debleste. Te vap pash toute, miro ray, baro Devel, kova hi miri barht, te rakrap halauterestar, hoy tou kral.

Debleskri gili 9:11

Doleske rikrenn kolla ap toute, kay tiro lab prindjrenna. Koon tout, o baro Debles, rodella, koles moukeh tou gar kokres.

Debleskri gili 96:3

Penenn kolenge, kay les gar prindjrenna, havo raylepen les hi. Penenn i menshenge an hake themma havo baro koova yob kras.

Debleskri gili 97:9

Tou, baro Devel, hal o pralstouno pral i tseli phoub. Tou hal bareder har i tsele debla.

2. Mose 15:2

Peskri zoryah vas o baro Devel ap miri rig. Miri gilyah sharau les dran o dji. Yob las man vin. Miro Devel hi lo, oun me kamau les te sharell. Miro dadeskro Devel hi lo, oun me kamau les pre te hadell.

2. Mose 33:19

“Mishto”, penas o baro Devel: “Me kamau glan toute te djal, te dikess tou miro tselo lačepen. Oun miro lab Baro Devel rakrau me glan toute vin. Me hom lačo koneske, kones me kamau. Oun krau miro dji pre koneske me kamau.

Jesaja 12:1

I dives vella, kay i menshe an Yerusalem givenna: Me sharau tout, baro Devel! Ava, tou hals rhoyedo ap mande. Kanna hal bouder gar rhoyedo oun rakreh lačes mantsa.

Jesaja 2:11

Hakeno, kay dikell tele ap o vavareste, hounte dikell tele glan peste i ladjatar. Oun i pre-phourde menshe venn phagedo. Ap ko dives hi kokres o baro Devel baro.

Jesaja 2:17

Palle vell lenge kova krik lino, koleha i menshe phourdan pen pre. Oun lengro sharepen ačell gar. Ap ko dives hi kokres o baro Devel o Devel pral halauter.

Jesaja 24:15

Hadenn o baro Debles, t'mer kay djivenn kote, kay o kham pre djal! Oun an i panyengre themma denn vin gole: “Har raylo hi o baro Devel, kay o Israeleskro Devel hi!”

Jesaja 25:1

Baro Devel, tou hal miro Devel. Tout sharau, oun touke givau. Tou kral baro koova, hoy kek vavar nay krella. Hoy tou penal i glan rah tsiro, ap kova rikral tout oun kral kova.

Jesaja 26:8

Baro Devel, mer dikah ap toute, te peness tou o čačepen vin. Lauter an mende rodell tout, oun kamell, te vell tiro lab sharedo.

Jesaja 33:5

Sharedo pral halauter hi o baro Devel. Pral an o bolepen djivell lo. Oun ap i berga Sion krell yob o čačepen vin, te lell hakeno peskro čačepen.

Jesaja 42:12

T'mer lauter, sharenn o baro Debles! Oun kolenge an i panyeskre themma penenn, har baro yob hi!

Jesaja 48:20

Djan vin dran Babilon! Sik, nashenn dran o them Kaldea! Denn vin gole i barhtyatar, oun penenn kava doureder, yaake te shounenn le kova ap i tseli phoub. Penenn: O baro Devel las peskro boudepaskres, o Yakobes, vin dran o pandepen!

Jesaja 66:19

Oun me čivau i sikepen pre mank lende. Oun kolendar, kay djides ačan, bičrau me pash i menshende an themma Tarsis, Poul oun Loud, Meshek, Rosh, Toubal, Yavan oun pash kolende dour vergel o baro pani, kay mandar gomme či shounan, oun miro raylepen gomme gar dikan. Oun mire bičepangre penenn kol menshenge, har raylo me hom.

Jeremia 50:2

Denn vin gole an i vavar themma! Halauter hounte shounenn! Hadenn t'mari themeskri plarhta pre! Hakeno te shounell kova! Rikrenn les gar pale! Penenn: O foro Babilon hi dren lino, Lengro devel Bel nay kras či, lengro devel Marduk hi khetne phagedo; lengre moule debla nay kran či, lengre figure hi pash kerdo!

Maleachi 1:11

O baro Devel, ko ray pral o bolepen oun i phoub, penell: Foun kotar, kay o kham pre djala, bis kote kay o kham tele djal, vell miro lab sharedo pash kolende an i vavar themma. An boud gaba oun forya rhačrenn le mange soungepaskro koova oun firhen, hoy hi lačo an mire yaka. Kolla lauter sharenn miro lab.

Johanni 17:26

Me sikrom lende, koon tou hal. Kova krau me doureder, te vell tiro kamlepen, hoy hi tout mange, ninna an lende. Yaake djivau me an lende.”