Jesaja 11:3 - O Debleskro Lab 2024 (Sinte-Manouche)

³ Leske hi shoukar, te rikrell lo peske o baro Debles glan i yaka pash kova, hoy lo krell. Yob krell gar o čačepen vin pal kova, hoy glan leskre yaka hi oun leske penlo vas.

O Debleskro Drom 2021 (Sinte)

³ Leske hi shukar, te rikrell lo peske o baro Debles glan i jaka pash kowa, hoi lo krell. Job krell gar o tchatchepen win pal kowa, hoi glan leskre jaka hi un leske penlo was.

Jesaja 11:3 Iomraidhean Croise

2. Samuel 14:17

Čačepah, miro ray, me penom mange: Kova, hoy o baro ray penell, hi mange mishto. Yob hi har i Debleskro bolepaskro, kay djinella, hoy lačo oun hoy čilačo hi. Tiro baro Devel mou ačell touha!”

2. Samuel 14:8

Koy penas o baro ray ap koy romyate: “Dja khere! Me krau ko koova touke.”

1. Rajengro liil 3:28

Oun an o tselo them Israel shounan le ko čačo lab, hoy o baro ray hatsas. Oun yon dikan pre ap o baro rayeste, oun yon hayvan, kay o gosvepen o Deblestar an leste his, te nay dell lo i menshenge lengro čačepen.

1. Rajengro liil 3:9

Doleske mangau tout, de man i dji, hoy shounella, hoy tou peneh, te nay rakrap o čačepen vin pral i menshende, oun te hayvap, hoy mishto oun hoy gar mishto hi. Har nay dap hakeneste tire boud menshendar peskro čačepen, tou te deh kova mande gar?”

Hiob 12:11

Te shounell i mensho, hoy rakedo vell, poučell lo pes gar, hoy čačo oun hoy gar čačo hi? Kova hi yaake har peskro mouy djinell, havo rhapen lačo oun havo rhapen gar mishto hi.

Hiob 34:3

Yaake har o mouy hayvell, hi o rhapen lačo oder gar, yaake hounte hatsell o kand vin, hi ko rakepen mishto oder gar.

Gosewe laba 2:5

Palle hayveh, har nay djiveh o baro Debleha, oun prindjreh les boud oun boudeder.

Gosewe laba 2:9

Palle hayveh, hoy glan o Debleste mishto oun čačo hi, har nay djah ap leskro drom, oun djiveh i djipen, hoy an leskre yaka lačo hi.

Jesaja 33:6

Oun t'mer menshe an Yerusalem, t'menge vell i tsiro, kay hounte darenn či. Boud barht oun gosvepen vell t'menge. T'mer djinenn, hoy t'menge mishto oun gar mishto hi, oun djivenn o baro Debleha. Yob hi t'maro bareder bravlepen.

Ezekiel 45:8

Kava kotar them vell o rayeske. Les vell gar boudeder them an Israel. Kamau gar, te čorenn mire raya o them mire menshendar. Na-a, yon hounte moukenn o them i Israelenge yaake har kova o Yakobeskre čavenge dino vas.

Micha 4:3

Yob krell o čingepen vin mank bare natsyone, oun rakrell o čačepen vin pral boudende an dour themma. Yon krenn dran lengre rhare harhetikre koola, kolentsa vitsrenn le i phoub trouyel. Oun dran lengre vitsepangre čourya krenn le čourya, kolentsa yon i drake tele činenn. An ko tsiro hi kek them o vavareha an o kourepen. Kek hounte sikrell len bouder, har te kourenn le pen i rhareha.

Louka 2:52

Yob vas gosveder oun phoureder. Oun o Devel oun i menshe dikan lačes ap leste.

Johanni 2:25

Yob djinas, har i menshe hi. Leske hounte penell kek, hoy an o mensheskro dji hi.

Johanni 7:24

T'mer te penenn, kay i mensho i doosh ap peste anas, palle djan pal o čačepen oun gar pal kova, hoy dikenn t'mare yakentsa!”

Hebrearja 5:14

O morsheskro rhapen hi kolenge, kay djivenna pal o Debleskro lab oun hayvenn boud oun boudeder, hoy lačo oun čilačo hi.

1. Samuel 16:7

O baro Devel penas ap o Samuel: “Ma dik ap kova, har yob vin dikella oun har baro yob hi! Koles rodom me gar vin. O baro Devel dikella gar ap kova, kay i menshe pre dikenna. I menshe dikenn ap kova, hoy glan lengre yaka hi, o baro Devel dikella ap o dji.”