Jesaja 10:6 - O Debleskro Lab 2024 (Sinte-Manouche)

⁶ Me bičrom len pash kol menshende, kay kamenn mandar či te djinell, oun ap kolende rhoyedo hom, te djan le ap lende pre, oun randenn len vin oun čorenn len vin, oun stakrenn len khetne har i čik ap o drom.

O Debleskro Drom 2021 (Sinte)

⁶ Me bitchrom len pash kol menshende, kai kamenn mandar tchi te djinell, un ap kolende chojedo hom, te djan le ap lende pre, un randenn len win un tchorenn len win, un stakrenn len khetne har i tchik ap o drom.

Jesaja 10:6 Iomraidhean Croise

2. Samuel 22:43

Oun me dom len khetne, dom len tiknes har čik, hoy i baro dourho krik phourdell. Ava, har ap čik ap i dromma stakrom len khetne.

2. Rajengro liil 18:25

Patseh, kay djoms me kokres mandar kay pral, te marap halauteren, kay kate djivenn? Na-a, o baro Devel penas les mange: Dja pral an kava them oun mare halauteren!”

Jesaja 19:17

oun yon darenn o themestar Youda. Hako kopo, kay vell o lab Youda vi-rakedo, trissenn le glan kova, hoy o baro Devel, ko ray pral o bolepen oun i phoub, penas, te anell lo pral lende.

Jesaja 22:5

O baro Devel, o ray pral o bolepen oun i phoub, rodas i dives vin, kay an i dikepaskri tala boud menshe bares gole denn, kay lourde lauter khetne stakrenn, oun i menshe narvelo i daryatar venn. I massourya venn tele phagedo. Oun i gole djal pre ap i berga.

Jesaja 24:5

I menshe ap i phoub moukan o Debleskro drom, oun rikran pen gar ap leskre laba, oun djivan gar yaake, har lo lentsa vin kras, oun hoy hako tsireske čačo hi. Yaake kran le i phoub pale-čiddo.

Jesaja 29:13

O baro Devel, maro ray, penas: Kal menshe sharenn man labentsa. Lengre čipya hadenn man. Lengre djia hi dour krik mandar. Te mangenn le man an, rakrenn le palla, hoy lenge glan penlo vas.

Jesaja 32:6

Ko dinelo mensho rakrell dinlepen. Oun an leskro dji hi djounglepen. Yob rakrell douy čipyentsa, oun kova, hoy lo pral o baro Debleste penell, hi gar čačo. Kolen, kay bokenna, dell lo či te rhal, oun kolen, kay troush hi, moukell lo gar te piyell.

Jesaja 33:1

Djungeles djal touke, kay tou lauter khetne dal, oun kokres val gar khetne dino. Djungeles djal touke, tou phoukepaskro, ap koleste kek phoukras. Pal kova, kay dal halauter khetne, veh tou ninna khetne dino. Pal kova, kay phoukral ap hakeneste, phoukrenn le ap toute ninna.

Jesaja 33:14

Ap i berga Sion lenn kolla traash, kay doosh ap pende hi. Halauter trissenna, kay o Debles bistran, oun penenn kanna: Kek mendar nay ačell tardo pash i yag, hoy lauter pre rhačrell. Kek mendar nay rikrell kova vin pash koy yag, hoy rhačell hako tsiro har koy yag ap o Debleskri rhačepaskri.

Jesaja 41:25

Me dom i rayes gole, te vell lo peskre lourdentsa foun kotar, kay o kham gar diklo vell. Oun yob vas dran peskro them, hoy kote hi, kay o kham pre djala. Oun yob dell gole ap mande, oun stakrell kol vavar bare rayen khetne, har te vans le čik. oun krell lentsa har ko morsh, kay pirya dran čik rhačell, oun glan kova peskre pirentsa ap ko čik stakrell.

Jesaja 49:17

Sik venn kolla pash toute, kay tout pale pre čivenn. Oun kolla, kay tout tele phagan oun paash dan, nashenn penge.

Jesaja 49:25

Kava hi kova, hoy vell, penell o baro Devel: Ninna ko zorelo morsheske venn leskre pandlen krik lino. Oun kolen, hoy ko zorelo ray randas, venn leske krik tserdedo. Kolla, kay kourenn pen touha, kolentsa kourau me man, oun tire čaven lau dran lengre vasta vin.

Jesaja 5:25

Doleske moukell o baro Devel peskri rholi pral peskre menshende te vell. Oun yob hadell peskro vast ap lende oun dell len. Oun i berge trissenn. Oun i moule ačenn čiddo ap i dromma har čik. Oun an kova lauter moukell leskri rholi gar palla, leskro vast ačell hadedo, te dell lo trad.

Jesaja 5:29

Lengri gole hi har koya, hoy i levo dell, ava, yaake har dell i terno levo gole, hoy vell dour dran leskri meen. Oun palle stell lo pre oun taprell ko firhes, hoy lo rhapaske kamell, oun hidjrell les kote, kay kek nay lell les leske krik.

Jesaja 5:5

Yaake kamau t'menge kanna penell, hoy kamau te krell ko drakengro themeha, hoy mange hi. Me kamau kol bourra krik te lell, hoy troul leste hi, yaake te vell lo tele rhalo, oun leskri massouri moukau tele te phagell, yaake te vell lo khetne stakedo.

Jesaja 63:3

Me stakrom kol drake kokres, oun i menshendar dran vavar themma his kek pash mande. Me stakrom len miri rholyah, ava, bari rholyah stakrom len khetne. Oun lengro rat vas ap mire koola, oun miri baya vas ratlo.

Jesaja 63:6

Oun me stakrom i menshen an vavar themma khetne an miri rholi. Oun yon van mato dran miro rholi. Oun me moukom lengro rat ap i phoub te nashell.

Jesaja 7:17

Oun pral toute oun tire menshende oun i menshende an tiro them anell o baro Devel save divessa, har yon gar van, yaake rah har dran o them Israel douy themma van: o Israel oun o Youda. Kol divessa venna o baro rayeha pral o them Assour.”

Jesaja 8:4

Glan te nay dell o ternepen gole tata oun mama, moukell o baro ray pral Assour o tselo bravlepen dran Damaskus oun o tselo kouč koova dran Samaria krik hidjrell.”

Jesaja 8:8

Oun yon venna an o them Youda dren, har pani hoy dren phagell, oun hoy bis pash i meen pre djal. O Devel hi pash mende! Leskre moussya hi pral mende yaake dour har o them bourhlo hi.

Jesaja 9:17

O menshengro čilačepen hi har i yag, hoy rhal troul peste, oun rhačrell soubyengre bourra oun soubyengro zenlepen, oun ninna o tselo veesh. Oun pesso kalo yagakro dourho djal kote pre.

Jesaja 9:19

Oun lengri bok hi yaake baro, te taprenn le pal rhapen ap hake rigya, oun rhan hako tikno kotar, oun venn gar čalo. Hakeno krell o djipen o vavarestar paash.

Jeremia 25:9

Doleske moukau kol lourden te vell dran i themma, kay kote čiddo hi, kay norden hi. Lengro pralstouno hi o baro ray, o Neboukadnezar, dran o them Babilonia. Koles rodom vin, te krell yob, hoy kamau. Kolla perenn pral t'mende oun t'maro them, ninna pral kol tsele themma kay trouyel. Kal themma moukau yaake paash te dell, te ačell či har barra pral hako tsireske. Oun i vavar menshenge, kay kova dikenn, ačell o rakepen krik i trashatar, oun yon denn i vasta pral o shero khetne.

Jeremia 3:10

Oun an ko tselo koova vas i Youda, lakri pheen, gar pash mande o tselo djiyestar, kokres o mouyeha, penas o baro Devel.

Jeremia 34:22

Ava, me kharau len pale kay, oun anau len pale glan kava foro, penell o baro Devel. Yon venn troul kava foro tardo, oun lenn kava fores penge dren, oun rhačrenn les tele. Oun kol forya an o them Youda moukau yaake khetne te dell, te venn le har i moulo them, kay nay djivell bouder kek dren.

Jeremia 4:14

Yerusalem, te kameh vin lino te vell, palle thob tiro čilačepen tiro djiyestar tele! Har rah kameh tou ko čilačepen an tiro shero te rikrell?

Ezekiel 29:20

O Neboukadnezar oun leskre lourde boudran mange, har pandan le o foro Tirus dren oun kran les paash. Doleske vell lenge o them Egiptia lengri boudjake. Kova penau me, o baro Devel, t'maro ray.

Ezekiel 38:12

Tou kameh te randess lengro koova, oun te čoress touke lengro bravlepen. Lengre gaba oun forya kameh touke dren te lell, hoy paash-dino his, oun kay kanna pale menshe djivenn. Oun kameh ap kol menshende pre te djal, kay dran vavar themma pale kate khetne van, kolen pale firhe hi, oun penge vavar bravlepen khetne lan. Yon djivenn an ko them, hoy hi mashkral ap i phoub.

Ezekiel 38:13

I menshe dran i forya Saba oun Dedan oun kol tsele parepangre dran o foro Tarsis oun leskre pralstoune penenn palle ap toute: Dikah, tou val, te randess! Oun moukal tire tsele lourden khetne te vell, te čorenn le penge roup oun sonakay, oun lenn penge firhen oun halauter, hoy čomone moldo hi. Ava, koy hi boud, hoy nay randeh touke khetne!

Micha 7:10

Kolla, kay rikrenn man tele oun poučenn mandar kay hi tiro baro Devel, yon hounte dikenn kova, oun hounte ladjenn. Oun mire yaka dikenn, har le khetne stakedo venna, har čik ap i drom.

Habakuk 1:12

[Me penom:] Tou, miro baro Devel, hal kokres o čačo Devel, oun hal hako tsireske koy! Mouk men gar te merell! Baro Devel, pash toute khatrah men, tou dal len gole, te denn le menge i phagi, ava, tou bičral len, te denn le men dava.

Zakarie 10:5

I menshe an o them Youda venn zoreles har bare kourepangre, kay stakrenn kolen tele an i čik ap o drom, kay kourenn pen lentsa. O baro Devel hi lentsa an o kourepen. Ninna i klissepangre hounte tserdenn pen pale glan lende.

Mateo 15:7

T'mer rakrenn douy čipyentsa. O Debleskro rakepaskro Yesaya penas o čačepen pral t'mende, har yob penas: