Jesaja 10:16 - O Debleskro Lab 2024 (Sinte-Manouche)

¹⁶ Doleske bičrell o baro Devel, ko ray pral o bolepen oun i phoub, i nasslepen ap i pesse menshende an o them Assour, hoy rhal len pre. Oun i yag rhačrell lengro bravlepen pre.

O Debleskro Drom 2021 (Sinte)

¹⁶ Doleske bitchrell o baro Dewel, ko rai pral o bolepen un i phub, i nasslepen ap i pesse menshende an o them Assur, hoi chal len pre. Un i jag chatchrell lengro brawlepen pre.

Jesaja 10:16 Iomraidhean Croise

2. Familjakro liil 32:21

Kote bičras o baro Devel i bolepaskres. Kova maras i tsele lourden, ninna lengre pralstunen oun bare lourden ap i lourdengri platsa o baro rayestar dran o them Assour. Oun i ladjatar djas lo pale an peskro them. Har yob an o kheer leskro deblestar vas, maran les leskre čave o rhareha.

Debleskri gili 106:15

Kote das lo len, hoy yon mangan, oun das len yaake boud, te vas lenge kova dran o nak vin.

Debleskri gili 78:31

koy vas o Debleskri rholi pral lende, oun yob maras lengre pralstunen, oun i terne zorele morshen i Israelendar moukas lo te merell.

Jesaja 10:18

Oun i tsele shoukar vesha oun o tselo zenelo them merell tele, yaake har i nasselo, kay lokes merell oun bouder gar koy hi.

Jesaja 17:4

An ko tsiro hi o themes Israel bouder kek raylepen, kote, kay bravlepen his, hi kanna čorvlepen.

Jesaja 26:11

Baro Devel, tiro vast hadal dour pre, te dess len trad. Oun yon kamenn gar te dikell. Mouk len dren te dikell, havo kamlepen tout tire menshenge hi, te ladjenn le pen. Rhače len pre an tiri yagakri rholi, kolen kay kamenn tout gar.

Jesaja 31:9

Oun lengre zorele kourepangre hi har moulo i trashatar, oun lengre pralstoune moukenn koy pre-čiddi plarhta, hoy lengro sikepen his. Kova penell o baro Devel, kay ap i berga Sion khere hi, kay leskri yag rhačell. Oun leskro bob hi an o foro Yerusalem.

Jesaja 37:29

Tiri rholi vas glan mire kanda. Tiro pre-phourdo rakepen hi prindjedo mandar. Kanna shoun, hoy touke krau: An tiro nak i goustri čivau, oun i ledertikri rima troul tiri meen pandau, oun ap ko drom, kay tou val, bičrau me tout kanna pale pale.

Jesaja 37:36

Oun an koy rati vas o baro Debleskro bolepaskro kote, kay i lourde dran o them Assour sovan, oun maras 185.000 (sheel-orhta-deesh-te panč zerya) morsha lendar. Oun har le taysarlakro pre stan, his kote lauter moule čiddo.

Jesaja 5:17

Mank i barra ko paash-dino forestar nashenn i bakre trouyel oun rodenn o rhapen. Oun i bouzya rhan mank i khera, hoy kol bravele pale hounte moukan.

Jesaja 8:7

Doleske moukell o Devel o baro rayes dran Assour pral lende te vell. Leskre boud zorele lourde venna har o baro zorelo pani o panyestar Eufrat, hoy djal divyes pral peskre rigya oun čakrell i phoub koy trouyel.

Jesaja 9:4

I lourdengre kirrha, kolentsa i lourde phares pre stakran oun lengre baya, kay rat ap lende hi, venn an i yag vitsedo oun rhačrenn pre.

Jesaja 9:5

I ternepen vas menge boldo, i morsh čavo vas men dino. Kova vell i baro ray, oun kharell: lačo rakepaskro, zorelo Devel, dad-hako-tsireske, ray-kay-lell-o-kourepen-krik.

Jeremia 21:14

Me hom kova, kay vau pash t'mende, oun dau t'men i čači phagi koleske, hoy kran, penell o baro Devel. Me čivau i yag an t'maro veesh, te rhačrell lauter tele.

Jeremia 48:14

T'mer morsha dran o kheer Moab, har nay penenn t'mer t'mendar: Mer ham zorele kourepangre oun čače morsha?

Ezekiel 34:16

Kolla, kay nashedo hi, rodau me. Oun kolla, kay nashran pen, anau me pale. Oun kolla, kay pen doukran, pandau i diklo trouyel. Oun kolla, kay nasselo hi, krau zoreles. Oun i thoullen oun zorelen lau an i yak. Me dau yak ap lende har mishto hi.

Nahum 1:12

Kava penell o baro Devel ap peskre menshende: Ninna te hi kol kourepangre boud oun zorelo, kay venn, te kourenn le pen t'mentsa, yon venn khetne dino oun merenna. T'mende dom i phagi – kanna hi doha! Kanna krau me kova gar bouder.

Zefanja 2:13

Oun o baro Devel hadell peskro vast ap koy rig, kay norden hi, te krell lo o them Assour paash. Oun o forestar Ninive ačell či har paash-dine khera. O foro vell har i moulo them, kay bouder kek menshe djivenna.

Zakarie 7:4

Koy penas o baro Devel, ko ray pral o bolepen oun i phoub, ap mande:

Bičepangre 12:23

Yaake moukas pes o Herodes i menshendar te sharell, har te vals yob o Devel. Oun har yob kova kras, das les o Debleskro bolepaskro i nasslepen, te rhan i kirme les pre, oun yob meras.