Jesaja 10:14 - O Debleskro Lab 2024 (Sinte-Manouche)

¹⁴ Yaake har yek peskro vast ap i čirklengro kheer čivell oun i yare vin lell, yaake tapras miro vast o bravlepen an kol themma oun las les peha. Oun yaake har lell yek i čirklengre yare peha, hoy mouklo van, yaake lom me i tsele themma mange. Kote his kek, kay peskre moussyentsa pal mande dals, oun kek, kay peskro mouy pre krals, te vell i gole vin.

O Debleskro Drom 2021 (Sinte)

¹⁴ Jaake har jek peskro wast ap i tchirklengro kheer tchiwell un i jare win lell, jaake tapras miro wast o brawlepen an kol themma un las les peha. Un jaake har lell jek i tchirklengre jare peha, hoi muklo wan, jaake lom me i tsele themma mange. Kote his kek, kai peskre mussjentsa pal mande dals, un kek, kai peskro mui pre krals, te well i gole win.

Jesaja 10:14 Iomraidhean Croise

2. Familjakro liil 32:13

Djinenn t'mer gar, hoy me oun mire phoure kram i menshentsa an i vavar themma? Nay lan lengre debla pengro them vin dran miro vast?

Hiob 31:25

Me stom gar i barhtyatar, te vas miro bravlepen baro, oun mange yaake boud khetne lom.

Gosewe laba 18:12

Pre-phourdepen vell glan o perepen. Kolenge, kay krenn pen gar bares, vell ko tsiro, kay sharenn len i vavar.

Jesaja 14:6

Tou dal i menshen an boud themma, oun dal oun dal oun moukal gar tele. Divyi rholyah rikral tou len tele, oun lal len palla kek lačepah.

Jesaja 37:25

An i vavarengro them pani hatsom, oun kolestar piyom. Pash i Egiptarya kanna djau, oun lengre panya mire pirentsa trouk krau.”

Jesaja 5:8

Djungelo djal kolenge, kay krenn pen yek kheer pal o vavar, oun ginenn penge yek kotar phoub pal o vavar, bis te bouder kek kotya phoub pral ačenn, oun lenge kokres o tselo them hi.

Ezekiel 35:13

Yaake phourdan t'men pre, oun t'maro baro mouyeha hadan t'men pral mande. Me shounom halauter.

Obadja 1:4

Te krals tou ninna tiro kheer dour pral ap i berga har i adlari, yaake te dikell kova vin, har te vals tiro kheer mashkral i bolepangre momlia, djiness, me vitsrau tout tele, penell o baro Devel.

Nahum 2:9

Halauter nashenn dran o foro Ninive har pani, hoy dre-pandlo his, vin nashell, te vell o voudar pre kerdo. Ačenn tardo! Ačenn tardo! denn le gole pal lende. Kek rissrell pes!