Jesaja 10:12 - O Debleskro Lab 2024 (Sinte-Manouche)

¹² An ko tsiro, kay kras o baro Devel, maro ray, lauter, hoy yob peske glan las, te krell lo ap i berga Sion oun an Yerusalem, lell lo peske o baro rayes o themestar Assour glan, koleskro dji yaake pre-phourdo hi, oun koleskre yaka tele dikenn ap i vavarende.

O Debleskro Drom 2021 (Sinte)

¹² An ko tsiro, kai kras o baro Dewel, maro rai, lauter, hoi job peske glan las, te krell lo ap i berga Zion un an Jerusalem, lell lo peske o baro rajes o themestar Assur glan, koleskro dji jaake pre-phurdo hi, un koleskre jaka tele dikenn ap i wawarende.

Jesaja 10:12 Iomraidhean Croise

2. Rajengro liil 19:31

Ava, dran o foro Yerusalem venna pale menshe, kay kolendar venna, kay djido ačan. Oun ap i berga Sion djivenn kolla, kay vin lino van dran o merepen. Yob, o baro Devel, ko ray pral o bolepen oun i phoub, hi, kay kova krell.

Debleskri gili 18:27

Tou hal lačo ap koleste, kay hi lačo ap i vavarende oun hal gosveder har kova, kay ap bange dromma djal.

Debleskri gili 21:10

Tou rhačreh len har an i bobeskri yag, an ko tsiro, kay tou moukeh tout te dikell. Tiri rholi rhačrell har i yag, oun rhal len pre.

Debleskri gili 76:10

har o Devel pre stas, te rakrell lo o čačepen vin, oun te vell lo halauterenge ap i rig, kay tikno rikedo van ap kay phoub.

Debleskri gili 76:5

Tou hal rayleder oun bareder har i berge, hoy hako tsiro ačenna.

Gosewe laba 21:4

I čilačen hi i pre-phourdo dji oun yaka, hoy tele dikenn ap i vavarende. Kova hi lengri doosh.

Gosewe laba 30:13

Hi menshe koy, kay patsenn pendar, har lačo yon hi, oun dikenn tele ap hako vavareste.

Jesaja 2:11

Hakeno, kay dikell tele ap o vavareste, hounte dikell tele glan peste i ladjatar. Oun i pre-phourde menshe venn phagedo. Ap ko dives hi kokres o baro Devel baro.

Jesaja 2:12

Leskro dives vella, ko dives o baro Deblestar, ko rayestar pral o bolepen oun i phoub. Ap ko dives vell hako pre-phourdo tiknes kerdo, ninna hakeno, kay hadas pes, hakeno kay kras pes bares.

Jesaja 24:21

Oun ap ko dives dell o baro Devel i bolepangre lourden lengri phagi, oun ninna i bare rayen ap i phoub.

Jesaja 27:7

Das o baro Devel i Israelitaryen yaake har lo kolen das, kay len dan? Maras yob yaake boud lendar, har maras lo kolendar, kay len maran?

Jesaja 27:9

Yaake vell o Israelengri doosh krik lino. Oun ap kova sikrell pes, te hi lengri doosh krik lino: Te denn le i pre-čidde barra yaake khetne, kay mangan le i vavar deblen an, te ačell či har čik. Oun te moukenn le kek figure tardo, hoy sikrenn i debletsa Ashera, vitar kek boba, kay lake soungepaskro koova rhačedo vas.

Jesaja 29:14

Doleske krau kal menshentsa pale savo koova, hoy le gar hayvenn, oun hoy vin dikell, har te vals kova gar mandar, yaake te ačell lenge o rakepen krik. Lengre goseve menshe hi palle bouder gar gosevo. Oun kolla, kay boud hayvan, hayvenn bouder či.

Jesaja 33:1

Djungeles djal touke, kay tou lauter khetne dal, oun kokres val gar khetne dino. Djungeles djal touke, tou phoukepaskro, ap koleste kek phoukras. Pal kova, kay dal halauter khetne, veh tou ninna khetne dino. Pal kova, kay phoukral ap hakeneste, phoukrenn le ap toute ninna.

Jesaja 37:23

Koon hi kova, pral koleste čilače laba rakral? Oun kones tire labentsa praasal? I pre-phourdo hal, oun ap mande tele dikal, pral o Israeleskro Debleste tout hadal!

Jesaja 37:29

Tiri rholi vas glan mire kanda. Tiro pre-phourdo rakepen hi prindjedo mandar. Kanna shoun, hoy touke krau: An tiro nak i goustri čivau, oun i ledertikri rima troul tiri meen pandau, oun ap ko drom, kay tou val, bičrau me tout kanna pale pale.

Jesaja 5:15

Oun yaake vell o mensho tikno, oun hounte dikell dren, te hi lo či. Oun kolla, kay dikan tele ap i vavarende, hounte čivenn pengre yaka tele pherdi ladj.

Jesaja 50:11

T'mer lauter, kay i yag krenn, oun kashta činenn oun an-rhačenn, te denn čourye lentsa, nashenn an t'mari yag! Oun rhačrenn t'men kokres kol kashtentsa, hoy an-rhačan! Kava hi, hoy ap t'mende vell dran o vast o baro Deblestar: An phare douka venn t'mer koy čiddo.

Jesaja 65:7

Ko čilačo koova, hoy yon kran, oun ko čilačo koova, hoy lengre phoure kran, penell o baro Devel. Yon rhačran ap i berge vavar deblenge soungepaskro koova, oun koleha anan le ladj ap mande. Yaake dau me kova ap lengre sherya pale, kova lauter, hoy kran le ninna an i phoure tsirya.

Jesaja 9:9

“Kol barra dran rhačedi čik peran, – kova krell či. Mer čivah mare khera zorele barrentsa pale pre. I faygetikre rouka van tele dino. Kote čivah cedertikre rouka an i phoub.”

Jeremia 25:29

Shounenn, ko foro, hoy pal mande kharedo hi, hi kova, kay anau i bibarht glanstounes ap leste. Patsenn t'mer, kay lenn gar t'mari phagi? Na-a! T'mer ninna lenn t'mari phagi. Me bičrau o kourepen pral halauterende, kay djivenn ap kay phoub. Kova penell o baro Devel, ko ray pral o bolepen oun i phoub.

Jeremia 50:18

Doleske penell o baro Devel, ko ray pral o bolepen oun i phoub, kay o Israeleskro Devel hi: Čačepah, me dau o rayes pral o them Babilonia oun leskro them pengri phagi, yaake har dom o rayes pral o them Assour peskri phagi.

Jeremia 50:32

Kote perell ko pre-phourdo oun ačell čiddo. Oun kek hi koy, kay čivell les pale ap peskre pire. Me kamau an leske forya yag te čivell, kova te rhal halauter pre, hoy kote trouyel hi.

Ezekiel 31:10

Doleske penell o baro Devel, maro ray: Ko rouk vas yaake baro, bareder har i vavar rouka, oun leskro dji phourdas pes pre dran leskro barepen.

Ezekiel 31:14

An ko tsiro, hoy vella, vell bouder kek rouk yaake baro – bareder har i tsele vavar – te nay phourdell lo pes pre, ninna te hi lo pash o pani tardo. Kek rouk nay hadell pes pral i vavarende. Kol tsele rouka hounte merenn, oun djan tele an o moulengro them, pash i vavar menshende, kay meran.

Daniel 11:45

Oun yob čivell peskre kouč plarhtene khera pre mashkral o baro pani oun o Debleskri berga. Oun kote vell leske o merepen, oun kek vell ap leskri rig.

4. Mose 24:24

Oun shiffe venna dran o them Kittim oun anenn lourden, kay perenn an i themma Assour oun Eber. Pal halauter djal ninna Kittim paash.”

Mateo 12:33

Te hi t'men i lačo phabyengro rouk, hi t'men ninna lače phabya. Te hi t'men i phabyengro rouk, kay gar lačo hi, hi t'men ninna phabya, kay gar lačo hi. Ap kova, hoy o roukestar vella, dikenn t'mer, har ko rouk hi.

Mateo 15:19

Dran o mensheskro dji vell o čilačo koova, hoy an leskro shero trouyel djal. Dran leskro dji vell, te dell lo i vavares moulo. Te rhorhell i morsh peskri romyat, vell kova dran leskro dji. Te rhorhell i djouvel peskro romes, vell kova dran lakro dji. Dran o dji vella o vi-ladjedo koova, o čorepen, o rhorhepen, oun o praasepen.

1. Petro 4:17

Kanna vas ko tsiro, kay venna i čilače divessa pral o Debleskre čavende. Pal kova vella bari bibarht pral kolende, kay patsan gar ap o Debleskro lačo lab!