Jesaja 10:1 - O Debleskro Lab 2024 (Sinte-Manouche)

¹ Havi bibarht vell ap kolende, kay krenn čačepangre laba vin, hoy denn i menshen gar lengro čačepen, oun činenn laba pre, hoy krenn lenge o djipen phares.

O Debleskro Drom 2021 (Sinte)

¹ Hawi bibacht well ap kolende, kai krenn tchatchepangre laba win, hoi denn i menshen gar lengro tchatchepen, un tchinenn laba pre, hoi krenn lenge o djipen phares.

Jesaja 10:1 Iomraidhean Croise

1. Rajengro liil 21:13

Palle van kol douy či-molde, oun beshan pen vergel leste, oun anan čomone pre ap leste oun penan glan i tsele menshende: “O Nabot praasas o Debles oun o baro rayes.” Palle vas lo dran o foro anlo, oun yon vitsran ap leste barra, yaake meras lo.

Debleskri gili 58:2

T'mer zorele, rakrenn t'mer čačepah o čačepen vin pral i menshende? Denn t'mer hakeneste peskro čačepen?

2. Mose 23:3

Pen o čačepen, ninna te hi kova i čorvelo, kay rhorhras.

2. Mose 23:6

Te hal tou i čačepaskro, hounte dess tou koles peskro čačepen, koon an o čačepen hi, ninna te hi lo čorvelo.

Jesaja 29:21

kolla, kay rhorhepah doosh ap i vavarende anan, oun rhorhenn i čačepangre morshen, oun anenn len pengre rhorhene labentsa yaake dour, te denn le kek čačepen koleste, kay kek doosh ap leste hi.

Jesaja 3:11

Ap i čilačende vell bibarht. Lenge djal gar mishto. Ap lengro shero vell ko čilačepen pale, hoy le kran.

Jesaja 3:14

Ap i phourende oun rayende pral peskre menshende penell yob: T'mer rhan i tsele drake, hoy ap miro drakengro them bares van, An t'mare khera hi kova, hoy t'mer i čorvelenge randan!

Jesaja 5:11

Djungelo djal kolenge, kay stenn pre taysarlake, te djan le an i kerčima, oun rati gomme koy beshdo hi oun mato venn!

Jesaja 5:18

Djungelo djal i čilačenge, kay kamenn o rhorhepen. Yaake har i gray o vourdin tserdell, yaake tserdenn yon lengri doosh pal pende,

Jesaja 5:23

Djungeles djal kolenge, kay i lovenge koles an o čačepen čivenn, kay doosh ap peste anas, oun kolenge lengro čačepen krik lenn, kay an o čačepen tardo hi.

Jesaja 5:8

Djungelo djal kolenge, kay krenn pen yek kheer pal o vavar, oun ginenn penge yek kotar phoub pal o vavar, bis te bouder kek kotya phoub pral ačenn, oun lenge kokres o tselo them hi.

Jesaja 59:13

Mer phagam maro baro Debleha, djivam har te prindjrams les gar, oun peram lestar tele. Kram i vavaren tiknes maro rakepah, oun phoukram ap lende. Lam men rhorhepen glan oun rakram rhorhepen.

Jesaja 59:4

Kekeske t'mendar, kay djal glan o čačepaskro morsheste, djal troul o čačepen. Oun kek, kay anell čomone ap i vavareste pre, penell o čačepen. Pash t'mende hi yaake: Ap kova, hoy či moldo hi, rikrenn t'men, oun rakrenn o rhorhepen. Kova, hoy an t'mare sherya trouyel djal, hi har nay rhorhenn oun doukrenn i vavaren. Ko čilačo koova, hoy vin vell, anell o merepen,

Jeremia 22:13

Bibarht ap koleste, kay krell peskro kheer rhorhepah, oun djal gar pal o čačepen, te krell lo peskro kheer bareder oun shoukeder! Oun moukell peskre boudepangre čičeske te boudrell, oun dell len kek love.

Amos 2:7

Yon stakrenn i čorvelen an i čik, oun i tiknen dran o drom. Doleske lenn le pengri phagi, oun khaytenn man gar. I morsh oun peskro dad djan dren pash i emligi djouvyate. Yaake anenn le ladj ap mande.

Micha 6:16

Ko čilačo koova, hoy kol raya, o Omri oun o Ahab, t'menge glan kran, kova kran t'mer ninna. Oun hoy yon penan, kova kran t'mer ninna. Doleske krau me dran t'maro foro i moulo foro. Oun pral t'mende, kay kote djivenn, san i vavar menshe. Bari ladj vell pral t'mende.

Habakuk 2:12

Djungeles djal touke, kay kral i foro o rateha, oun čival les pre o marepah!

Habakuk 2:15

Djungeles djal touke, kay moukeh i vavaren tiro khoro pherdi rholi te piyell, oun kreh len mato, te dikess len nango!

Habakuk 2:19

Djungeles djal koleske, kay penell ap i kotar kasht: “Ste pre!”, oun penell ap ko moulo bar: “Ab djido!” Har nay penell i moulo devel touke, hoy te kress? Ninna te hi roup oun sonakay pral leste maklo, hi kek dourho an leste.

Habakuk 2:6

O dives vell, kay givenn kolla lauter i sapaskri gili pral koleste, kay rikras len tele, oun rakrenn laba, kolentsa yon pral leste san. Yon penenna: Djungeles djal touke, kay leh touke, hoy gar tiro hi! Har rah kameh yaake doureder te krell, oun bravelo te vell ko koveha, hoy kolla hounte denn tout, kolen siyaan pash toute hi?

Habakuk 2:9

Djungeles djal touke, kay tou rhorhepah tiro bravlepen khetne aneh! Ap tiro kheer vell bibarht. Pral ap i berga kral tou tiro kheer, te nay vell kek bibarht pral toute!

Mateo 11:21

Oun yob penas: Bibarhtelo venna t'mer menshe an o foro Korazin! Bibarhtelo venna t'mer menshe an o foro Betsayda! Te krals yek an i forya Tirus oun Sidon savo baro koova an o Debleskri zoor, har me pash t'mende krom, rivans i menshe kote i gono troul pende, oun čivans yagakri čik ap pengre shere, te sikrenn le, kay lengro čilačepen khaytell len. Oun yon moukans pengro čilačo drom, oun djans ap o Debleskro drom.

Mateo 23:23

T'mer čačepangre oun Farisarya! Kova, hoy t'mer krenna, ko hi gar mishto! T'maro patsepen hi rhorhepen. T'mer denna o Debleste o deshto kotar dran hako zenlepen an t'mari baar. Oun t'mer bistrenn ko bareder koova, hoy o Devel t'mendar kamella: O čačepen, oun o kamlepen, oun o patsepen. Kava hounte krenn, oun ko vavar gar moukenn!

Mateo 23:27

T'mer čačepangre oun Farisarya! Kova, hoy t'mer krenna, ko hi gar mishto! T'maro patsepen hi rhorhepen! T'mer han har i moulengre khera, hoy parno kerdo van. Kolla hi vin shoukar. Dren hi le pherdo čik oun kokale.

Mateo 23:29

T'mer čačepangre oun Farisarya! Kova, hoy t'mer krenna, ko hi gar mishto! T'maro patsepen hi rhorhepen! T'mer krenn shoukar moulengre khera kolenge, kay his o Debleskre rakepangre. Oun i moulengre khera, kay lače menshe paskedo hi, krenn t'mer shoukar oun raylo.

Mateo 26:24

O Mensheskro Čavo hounte merella, yaake har hi lestar činlo an o Debleskro lab. Havi bibarht vell ap koleste, kay ap leste phoukrella! Koleske vals feteder, te vals lo gar boldo.”

Louka 11:52

T'mer čačepangre, hoy t'mer krenna, ko hi gar mishto. T'mer lan o klidepaskro krik, hoy krell o voudar ap o Debleskro drom pre. T'mer djan gar ap ko drom. Oun kolla, kay kamenn ap o Debleskro drom te djal, moukenn t'mer gar koy pre.”

Johanni 19:6

Har kol bare rashaya oun kol kliste o Yezouses dikan, dan yon gole: “De les ap o troushel! De les ap o troushel!” “Lenn t'mer les,” penas o Pilato, “oun denn les ap o troushel! Me hatsau kek doosh ap leste.”

Johanni 9:22

Len his daar kol pralstoune biboldendar. Doleske rakran yon yaake. I pralstoune bibolde kaman hakenes pale-čiddo te krell, kay penella o Yezousestar: Yob hi o baro ray, kolestar o Devel penas, te vell yob.

Judas 1:11

Bibarht vell ap lende! Yon djan ap o čilačo drom, kay ninna o Kayn djas. Oun i lovenge anenn le doosh ap pende, yaake har o Bileam kras. Oun yaake har o Korah merenn le. O Korah hadas pes peskre menshentsa pral o Debleskre morshende.