Jesaja 1:6 - O Debleskro Lab 2024 (Sinte-Manouche)

⁶ Foun o shero bis pash i pire hi kek kotar ap t'mende, hoy sasto vals. T'maro mass hi pherdo doukepen, phouro oun nevo doukepen, kay dino van. T'maro činepen hi gar vi-thodo, vitar gar dren pandlo. Kek djet vas pre čiddo.

O Debleskro Drom 2021 (Sinte)

⁶ Fun o shero bis pash i pire hi kek kotar ap tumende, hoi sasto wals. Tumaro mass hi pherdo dukepen, phuro un newo dukepen, kai dino wan. Tumaro tchinepen hi gar wi-thodo, witar gar dren pandlo. Kek djet was pre tchiddo.

Jesaja 1:6 Iomraidhean Croise

2. Samuel 14:25

An o tselo Israel his kek morsh yaake shoukar har o Absalom, oun kova penas hakeno lestar. Oun foun o shero bis tel i herya his kek djoungelo koova ap leste.

Hiob 5:18

Yob doukrell, oun palle čivell lo i pandepen ap ko doukepen. Yob dell khetne, oun leskre vasta krenn pale sasto.

Debleskri gili 77:2

Me dau gole ap miro Debleste, dau bari gole ap leste. Ava, ap o Debleste dau gole, bis te shounell lo man.

Jesaja 30:26

An ko tsiro, kay pandell o baro Devel i pandepen troul o doukepen peskre menshendar, hoy yob len das, oun krell lengro nasselo oun ratlo mass pale sasto, hi o čon yaake zorelo har o kham. Oun o kham hi efta kope zorleder har kanna.

Jeremia 17:9

Koon nay prindjrell o mensheskro dji? Či hi yaake čilačo oun rhorheno har o mensheskro dji.

Jeremia 30:12

O baro Devel penell: Tiro činepen hi djoungelo, tiro doukepen nay krell kek mensho sasto.

Jeremia 30:15

Hoske deh tou gole pral tiro phagepen? Kova, hoy touke douka krell, nay krell kek sasto. Tiri doosh hi baro, oun tiro čilačo koova hi boud. Doleske dom tout kay phagi.

Jeremia 33:6

Kanna shoun, me kamau kava foro pale zoreles te krell, oun leskro doukepen sasto te krell, te djal leskre menshenge mishto, oun te nay djivenn le kek daryah.

Jeremia 6:14

oun krenn yaake, har te vans kol douka mire menshendar gar yaake pharo. Yon penenna: Lauter hi mishto, lauter hi mishto, ninna te hi či mishto.

Jeremia 6:7

Yaake har dran i brounna o pani vella, yaake vell dran o foro o čilačepen. I gole kolendar, kay venn zoryah tele rikedo oun doukedo, shounau. Menshe lenn glan mande dava oun venn maredo.

Nahum 3:19

Či hi, hoy tiro doukepen sasto nay krell! Ko doukepen, hoy tou lal, ap koleste hounte meress. Lauter kolla, kay toutar shounenn, denn i vasta pral o shero khetne. Kek hi koy, ap koleste gar pale te pale čilačo hals.

Mateo 9:12

Oun o Yezous shounas kova, oun penas ap lende: “Kolla, kay sasto hi, djan gar pash o dramaskro. Kolla, kay nasselo hi, djan pash leste.

Louka 10:34

Yob djas pash leste, čoras djet oun mool kote, kay yob dino oun činlo vas, oun pandas layntikre kotya trouyel. Palle hadas les lo ap peskro gray, oun anas les an i kerčima, oun dikas, kay vell les sopaske oun rhapaske.