Jesaja 1:29 - O Debleskro Lab 2024 (Sinte-Manouche)

²⁹ T'mer, kay mangan i bare rouka an, hounte ladjenn t'men koleske. Ava, t'mer venna lolo an o mouy dran ladj pral kol vavar deblen, hoy rodan vin oun mangan len an ap lengre shoukar platse.

O Debleskro Drom 2021 (Sinte)

²⁹ Tumer, kai mangan i bare ruka an, hunte ladjenn tumen koleske. Awa, tumer wenna lolo an o mui dran ladj pral kol wawar deblen, hoi rodan win un mangan len an ap lengre shukar platse.

Jesaja 1:29 Iomraidhean Croise

Jesaja 30:22

Palle dikenn t'mer ap t'mare roupene oun sonakangre figure har ap čomone, hoy pale-čiddo hi. Krik kolentsa penenn t'mer oun vitsrenn len krik har čik.

Jesaja 31:7

T'mer kran t'men roupene oun sonakangre figure, hoy an-mangan. Kova his i bari doosh. O dives vell, kay vitsrell hakeno t'mendar kal figure krik, hoy lo peskre vastentsa kras.

Jesaja 42:17

Kolla, kay rikrenn pen ap i rhorhene debla, oun penenn ap kolende, hoy i menshengre vastentsa kerdo van: T'mer han mare debla, kolla venn pale-čiddo oun hounte ladjenn pen.

Jesaja 45:16

Yon halauter, kay pen rhorhene deblen kran, hounte venn vi-ladjedo koy tardo, oun hounte venn lolo i ladjatar.

Jesaja 57:5

Tel hako baro rouk loubrenn t'mer trouyel, te sharenn i rhorhene deblen! Oun an i tala mank i bare barra marenn t'mer lenge t'mare čaven, har te vans le firhe.

Jesaja 65:3

Kol menshe moukenn gar tele, te krenn le kova, hoy man rhoyrell: Yon anenn firhen i vavar deblenge ap lengre shoukar platse, oun rhačrenn lenge soungepaskro koova ap barra.

Jesaja 66:17

Kolla hi save, kay krenn pen djoudjo, te mangenn le i rhorheno debles an, hoy hi tardo mashkral ap i shoukar platsa. Kolla hi ninna save, kay rhan ko mass i balendar oun i kermuse oun vavar pale-čidde firhendar. Kolla lauter venn khetne trouyel, penell o baro Devel.

Jeremia 2:20

O baro Devel penell: Hako tsiro hadal tout pral mande, oun kamal mange gar palla te djal. Tou penal: Me kamau kek ray pral mande. Oun čival tout koy har i loubni ap i berga tel hako zenelo rouk.

Jeremia 3:6

An ko tsiro, kay o Yosia o baro ray his, penas o baro Devel ap mande: Dikal tou, hoy i Israelitarya kran? Yon hi har i djouvel, kay moukas peskro romes, oun djas ap kol tsele berge oun tel hake zenele rouka oun das pes trouyel vavar morshentsa.

Ezekiel 16:63

Me lau tiri tseli doosh toutar krik, hoy ap toute anal. Te vell touke palle tiro phouro djipen an o shero, ladjeh tou, oun nay kreh tiro mouy bouder gar pre i ladjatar. Kava penau me, o baro Devel, tiro ray.

Ezekiel 36:31

Oun palle vell t'menge an o shero, har čilačo kova his, hoy kran oun har djivan. Oun ko tselo čilačo koova, hoy kran, oun har i rhorhene deblen an-mangan, vell t'menge čadepaske.

Ezekiel 6:13

Palle hi i moulo-dine čiddo mashkral pengre rhorhene deblende, oun troul lengre rhačepangre trouyel ap haki tikni oun bari berga, oun tel hako baro rouk boud patyentsa, oun tel hake vavar zenele rouka, kay mangan le pengre rhorhene deblen an, oun rhačran lenge lačo soungepaskro koova. Oun t'mer dikenn oun hayvenn, te hom me o baro Devel.

Hosea 14:3

Lenn kal laba t'mentsa, oun avenn pale pash o baro Debleste, oun penenn leske: Le mari tseli doosh mendar krik, oun shoun maro mangepen! Palle kamah tout te sharell mare čipyentsa.

Hosea 14:8

Oun me hom lenge har i rouk, kay leskre moussya pral lende rikrell, oun tel koleste yon beshdo hi. Oun lenge vell djob pale bares. Oun yon venn har i drakengro rouk, koles boud boud drake hi. Lačes vell pral lende rakedo, har pral koy mool dran o Libanon.

Hosea 4:13

Pral ap i berge marenn le firhen pengre rhorhene deblenge, oun ap i tikne berge rhačrenn le lenge soungepaskro koova, tel i bare oun bourhle rouka, kay gar yaake tato hi oun shoukar te beshell. Doleske venn lengre ča loubya, oun lengre čavengre romya rhorhenn pengre romen.

Hosea 4:19

I zorelo dourho taprell len oun hidjrell len krik. Oun ladj vell ap lende doleske, kay maran yon firhen kol rhorhene deblenge.

Remarja 6:21

Kova, hoy kran, his či moldo. T'mer kran savo koova, koleske kay dives ladjenn t'men. Savo koova anell an o merepen dren.