Jesaja 1:25 - O Debleskro Lab 2024 (Sinte-Manouche)

²⁵ Yerusalem, miro vast hadau ap toute, te dap tout, te rhačap i čik toutar vin, har kova o roupeha kerdo vell, yaake te ačell o lačo roup pale.

O Debleskro Drom 2021 (Sinte)

²⁵ Jerusalem, miro wast hadau ap tute, te dap tut, te chatchap i tchik tutar win, har kowa o rupeha kerdo well, jaake te atchell o latcho rup pale.

Jesaja 1:25 Iomraidhean Croise

Debleskri gili 119:119

I čilačen khosseh tou krik kay phoubyatar har čik. Doleske kamau me tire laba, hoy menge sikrenn, har te djivas.

Jesaja 1:22

Tou Yerusalem, hals har djoudjo roup, kanna val har čik, hoy roupenes vin dikell. Tou hals har lači mool, kanna hal har mool, kay pani dren hi.

Jesaja 27:9

Yaake vell o Israelengri doosh krik lino. Oun ap kova sikrell pes, te hi lengri doosh krik lino: Te denn le i pre-čidde barra yaake khetne, kay mangan le i vavar deblen an, te ačell či har čik. Oun te moukenn le kek figure tardo, hoy sikrenn i debletsa Ashera, vitar kek boba, kay lake soungepaskro koova rhačedo vas.

Jesaja 4:4

Kova vella, te thovell o Devel i čik tele i menshendar, kay djivenn an Sion, oun lell koy phari doosh krik dran Yerusalem. Te krell lo kova, hi kova har i yag, hoy rhačell ko tselo djoungelo koova krik.

Jeremia 6:29

Mire menshe hi har čiklo roup. O bob rhačas zoreles, kay o roup djoudjo kerdo hounte vals. Ko čik vas gar vin. Djoudjo roup ačas gar pral. Lauter his čičeske. Mire menshe hi yaake čilačo, te vell nay o čilačepen gar dran lende vin.

Jeremia 9:6

Doleske penell o baro Devel, ko ray pral o bolepen oun i phoub: Har o roup an i yag djoudjes kerdo vell, yaake kamau mire menshen doukentsa djoudjes te krell. Dell či vavares, hoy krap me nay mire menshenge.

Jeremia 9:7

Lengro rakepen hi har fayle, hoy anenn o merepen. Peskro mouyeha rakrell hakeno kamles, an o dji lourell yob, har te taprell lo o vavares.

Ezekiel 20:38

Kolen, kay mantsa phagan oun mandar tele peran, čivau ap i rig. Ninna te lau len vin dran kol themma, kay le vi-themarya his, vell kek lendar an o them Israel. Palle dikenn oun hayvenn t'mer, te hom me o baro Devel.

Ezekiel 22:19

Doleske penell t'menge o baro Devel, t'maro ray: T'mer halauter van mange har koy čik, hoy pral ačell an o bob. Doleske anau t'men halauter an o foro Yerusalem khetne.

Ezekiel 22:20

Yaake har o roup khetne o sasteha oun o blayo an o bob čiddo vell, oun i yag koy tel kerdo vell, te nashell kova har pani, yaake anau me t'men ninna khetne an Yerusalem. Kava foro vell t'menge har i bob, kay vell miri tati rholi ap t'mende.

Ezekiel 22:22

Yaake har o roup an o bob gar ačell hoy lo his, yaake djal t'menge, te vell o foro Yerusalem har i bob t'menge. Oun t'mer dikenn oun hayvenn palle, te hom me o baro Devel, kay čoras peskri rholi pral t'mende vin.

Zefanja 3:11

An ko tsiro hounte ladjenn t'mer Israelitarya t'men bouder gar doleske kay t'men pral mande hadan, oun yaake boud čilačepen kran. Me lau kol pre-phourden, kay rikran yaake boud pendar, mashkral dran t'mende krik. Ap miri berga, kay me djivau, dell bouder kekes, kay krell pes bares.

Maleachi 3:3

Yob krell har yek, kay krell o roup djoudjo an i yag. Yob krell i rashayen dran o kheer Levi yaake djoudjo, har sonakay oun roup djoudjo kerdo venna. An ko tsiro anenn yon o baro Debleske save firhen, hoy čačo hi glan leskre yaka.

Mateo 3:12

Yob hi har i harho, kay rikrell i vitsepaskri an peskro vast, te vitsrell lo o djob pral, yaake te perell o phouss tele ap i phoub. Peskro djob anell lo an peskro djobeskro kheer dren. Oun o phouss rhačrell lo an i yag, hoy hako tsiro rhačella.”

5. Mose 32:43

T'mer menshe dran i vavar themma, sharenn o baro Debleskre menshen! Kolla, kay maran leskre boudepangre, kolenge dell yob halauter pale ap lengre sherya. Oun yob dell kolen halauter pale, kay kouran pen leha. Oun lell krik o praasepen, hoy ap o them peskre menshendar hi.

Debleskro tsiro 3:19

Lauteren, kay kamau o djiyestar, kolende sikrau lengri doosh, oun penau lenge daventsa, te shounenn le ap mande. Moukenn kanna t'maro čilačo drom, oun avenn pale ap miro drom!