Jesaja 1:24 - O Debleskro Lab 2024 (Sinte-Manouche)

²⁴ Doleske penell o baro Devel, ko ray pral o bolepen oun i phoub, kay hi o Israeleskro zorelo Devel: Dikenn t'men glan! Me dau t'men pale, hoy ap mande kran, t'men, kay kamenn man gar. Miri bari rholi vell pral t'mende, kay krenn lauter vavarčandes, har me kamau.

O Debleskro Drom 2021 (Sinte)

²⁴ Doleske penell o baro Dewel, ko rai pral o bolepen un i phub, kai hi o Israeleskro sorelo Dewel: Dikenn tumen glan! Me dau tumen pale, hoi ap mande kran, tumen, kai kamenn man gar. Miri bari choli well pral tumende, kai krenn lauter wawartchandes, har me kamau.

Jesaja 1:24 Iomraidhean Croise

1. Mose 49:24

his leskro bogo zoreles an leskro vast, oun leskre moussya his zoreles kerdo, o Yakobeskro zorelo Devel das les zoor. Yob dell garda ap o Israel har i bakrengro ap peskre bakre, oun dell len gar pre.

Debleskri gili 132:2

Yob das pes sovel glan toute, o Yakobeskro zorelo Debleste, oun penas:

Jesaja 12:6

Givenn oun denn gole i barhtyatar, t'mer, kay djivenn an o foro Sion. O Israeleskro Devel hi bares mashkral t'mende.

Jesaja 30:29

T'mer, o Debleskre menshe, givenna gilya, har pash i baro rhapen an i rat, kay sharenn o Debles oun givenn leske. T'mer venn yaake barhtelo, har te djans bashepah pre ap i berga o baro Deblestar, kay ap o Israeleskri rig hi.

Jesaja 35:4

Penenn ap kolende, kolen i dareno dji hi: Avenn zorelo! Oun ma darenn! Dikenn, kote hi t'maro Devel! Yob vell, te dell lo t'men t'maro čačepen oun i phagi kolende, kay kran t'menge čilačepen. Yob vell oun lell t'men dran lengre vasta vin.

Jesaja 49:26

Kolla, kay rhan tout, kolla hounte rhan pengro mass oun hounte piyenn pengro rat, oun venn kolestar yaake mato, har te piyans le goudli mool. Palle hayvenn i tsele menshe, te hom me o baro Devel, kova, kay lell tout vin dran o merepen, oun tserdell tout vin dran i čilače vasta, me o zorelo Devel o Yakobestar.

Jesaja 59:18

Kolen dell lo pale pal kova, hoy yon kran. Bari rholyah djal lo ap lende. Ninna kolen dell yob pengri phagi, kay djivenn dour krik vergel o baro pani.

Jesaja 60:16

Tou leh o bravlepen i menshendar dran vavar themma oun kouč koova lengre rayendar. Palle hayveh, te hom me, o baro Devel, kova, kay las tout vin dran o pandepen, te hom me, o Israeleskro zorelo Devel, kova, kay touke playsras.

Jesaja 61:2

Me vom bičedo, te dap vin gole, te vas ko bersh, kay sikrell o baro Devel peskro lačepen ap peskre menshende. Ninna vas ko dives, kay dell maro Devel hakenes ko čilačepen pale, hoy yob ap o them Youda kras. Yob bičras man, te khossap i sva tele kolenge, kay kanna rovenn.

Jesaja 63:4

An miro dji vas o dives, kay dau hakenes pale, hoy lo kras. Oun ko bersh vas, kay lau mire menshen dran o čilačepen vin.

Jeremia 50:34

O dives vell, kay lau len kote vin, me hom zorelo. Me, o baro Devel, ko ray pral o bolepen oun i phoub, lau lengro koova an miro vast, oun lau o kourepen krik i phoubyatar, Pral i menshende an o them Babilonia anau traash.

Jeremia 9:9

Me kamau pral kava them an i berge rovell, oun pral ko zenelo pralstouno them i ropaskri gili te givell. Lauter hi pre-rhačedo. Kek mensho djal koy trouyel. Kek groumya oun bakre denn kote gole. Ninna kol čirkle oun i divye firhe nashan penge, oun moukenn pen bouder gar te dikell.

Ezekiel 16:42

Palle djal miri tati rholi pral toute krik, oun miro dji doukrell man bouder gar, oun hom bouder gar rhoyedo pral toute.

Ezekiel 21:17

De gole oun rob, tou mensho! Mire menshe hi, kolen o rharo marell. I pralstunen an Israel dell miro rharo moulo, oun lentsa khetne mire tsele menshen! Doleske de ap tiro beč o ropastar!

Ezekiel 5:12

O triinto kotar t'mendar merell ap i pharo nasslepen oun i bokatar. Oun i triinto kotar t'mendar vell glan o foro o rhareha moulo dino. Oun i triinto kotar t'mendar tradau vin ap hake rigya, oun me lau len palla o rhareha.

Ezekiel 5:13

Te moukom miri tseli rholi ap t'mende vin, oun dom t'men pale, hoy kran, palle djal miri rholi krik, oun hom bouder gar rhoyedo pral t'mende. Oun t'mer djinenn, te homs me, o baro Devel, kay das t'men trad o tselo djiyeha.

5. Mose 28:63

Oun yaake har o baro Debleske shoukar his, te krell lo t'menge lačepen, oun te krell lo t'mendar boud menshe, yaake vell leske palle shoukar, te krell lo t'menge čilačepen, bis te ačenn gar boud t'mendar pral. Oun dran ko them, kay kanna dren djan, te lenn les t'menge dren, venn t'mer palle vin tserdedo.

5. Mose 32:43

T'mer menshe dran i vavar themma, sharenn o baro Debleskre menshen! Kolla, kay maran leskre boudepangre, kolenge dell yob halauter pale ap lengre sherya. Oun yob dell kolen halauter pale, kay kouran pen leha. Oun lell krik o praasepen, hoy ap o them peskre menshendar hi.

Debleskro tsiro 18:8

Doleske vell i tseli bari bibarht ap yek kopo pral ko foro: merepen, ropen, oun bok. Oun i yag rhačrella ko foro pre. Zorelo hi o Devel, maro ray, kay rakrell pral i menshen an o foro o čačepen vin, oun dell len i čači phagi.