Jesaja 1:16 - O Debleskro Lab 2024 (Sinte-Manouche)

¹⁶ Thovenn t'men, krenn t'men djoudjo! Anenn t'maro čilačo koova, hoy kran, dran mire yaka krik. Moukenn o čilačepen!

O Debleskro Drom 2021 (Sinte)

¹⁶ Thowenn tumen, krenn tumen djudjo! Anenn tumaro tchilatcho koowa, hoi kran, dran mire jaka krik. Mukenn o tchilatchepen!

Jesaja 1:16 Iomraidhean Croise

2. Rajengro liil 17:13

Oun o baro Devel das kol menshen an o them Israel oun an o them Youda trad, har moukas lo peskre rakepangre oun dikepangre lenge te penell: “Moukenn t'maro čilače dromma! Oun krenn hoy me penau! Oun djivenn pal miro čačepen! Oun djan t'maro tselo djiyeha ap miro drom, hoy sikrom t'mare phourende. Oun djivenn pal kol laba, hoy penan t'menge mire boudepangre, kay mire rakepangre hi.”

Debleskri gili 26:6

Me thovau mire vasta, te sikrap, kay hi kek doosh ap mande, oun djau kote, kay venn firhe touke rhačedo,

Debleskri gili 34:14

Palle denn garda ap t'mari čip, te rakrell li kek čilačepen oun kek rhorhepen!

Debleskri gili 37:27

Mouk o čilačepen pal toute, oun kre o lačepen! Palle nay ačeh hako tsireske khere an o them.

Debleskri gili 51:2

har o Debleskro rakepaskro Natan pash leste vas, pal kova o David i vavareskri romyat, i Batsheba, las.

Gosewe laba 21:3

Te djah o čačo drom oun djiveh pal o Debleskro čačepen, hi kova o baro Debleske boudeder moldo har te anals leske firhen.

Gosewe laba 4:27

Dja gar tele kava dromestar, gar čačes oun gar serves. Rike tire herya pale o čilačo dromestar!

Jesaja 52:11

Djan vin! Djan vin! Djan kotar vin, oun taprenn či an, hoy pale-čiddo hi! T'mer rashaya, kay hidjrenn o baro Debleskro koova, djan dran Babilonia vin, oun thovenn t'men yaake har glan činlo hi, te han djoudjo glan o Debleste!

Jeremia 18:11

Oun kanna Yeremia, pen kol menshenge an Youda oun kolenge, kay djivenn an Yerusalem: Kova penell o baro Devel: Djinenn, man hi an o dji, te dap t'men i phagi, oun kamau bibarht pral t'mende te anell. Doleske djan tele hakeno peskro čilačo dromestar! Oun djivenn i vavar djipen!

Jeremia 25:5

Yob moukas t'menge te penell: “Djan tele, hakeno leskro čilačo dromestar! Moukenn t'maro čilačo koova! Te venn pale ap o čačo drom, nay ačenn an ko them, hoy dom me t'mende oun t'mare phourende, kanna oun hako tsireske.

Jeremia 26:3

Te peneh lenge halauter, nay vell, te denn le yak ap kova, oun djan tele hakeno peskro čilačo dromestar. Palle rikrau man tele, te anap koy bibarht pral lende, hoy kamom ap lende te anell ko čilačepaske, hoy yon kran.

Jeremia 35:15

Me bičrom t'menge pale te pale mire rakepangre, kay mange boudrenn, oun moukom t'menge te penell: Djan tele, hakeno peskro čilačo dromestar! Moukenn t'maro čilačo koova, oun nashenn bouder gar moule deblenge palla, te mangenn len an! Palle nay ačenn an kava them, hoy me t'menge oun t'mare phourenge dom. T'mer dan gar yak ap mire laba oun shounan gar ap mande.

Jeremia 4:14

Yerusalem, te kameh vin lino te vell, palle thob tiro čilačepen tiro djiyestar tele! Har rah kameh tou ko čilačepen an tiro shero te rikrell?

Amos 5:15

Dikenn čilačes ap kova, hoy čilačo hi, oun dikenn lačes ap kova, hoy lačo hi! Dikenn koy pre, te lell kova peskro čačepen, koon an o čačepen hi! Palle nay vell o baro Devel lačes kolenge, kay dran o kheer Yosef pral ačenn. Yob hi o ray pral o bolepen oun i phoub.

Jona 3:8

Oun halauter hounte čivenn gone pral pende: i menshe oun i firhe. Oun hakeno hounte kharell ap o Debleste peskri tseli zoryah. Oun hakeno hounte moukell peskro čilačo drom oun ko čilačo koova, hoy lo kras.

Zakarie 13:1

“An ko tsiro nashell i pani an o foro Yerusalem, hoy nashell i menshenge dran o kheer David oun i vavar menshenge an Yerusalem, te thovell lo lengri doosh oun kova krik, hoy kras len pale-čiddo glan mire yaka”, penell o baro Devel.

Zakarie 7:7

Kava hi kova, hoy o baro Devel moukas te penell dran o mouy leskre rakepangre, kay glan mande koy his, har o foro Yerusalem bravelo his, oun boud menshe kote djivan, ninna an i forya trouyel oun an ko moulo them, hoy kharell Negev, oun an o telstouno them.

Mateo 3:8

Sikrenn i menshende, te djan t'mer ap o Debleskro drom oun bouder gar ap o čilačo drom!

Bičepangre 22:16

Oun kanna ste pre! De leskro lab an-gole! Oun mouk tout te taufrell, oun tiri doosh tele te thovell!”

Remarja 12:9

An t'maro kamlepen hounte vell kek rhorhepen! Moukenn o čilačepen oun krenn o lačepen!

2. Korintarja 7:1

Mire phrala, kol lače labentsa penas o Devel, hoy kamell lo menge te krell. Doleske moukas mer kol tselo djoungelo koova, oun kras mare djia djoudjo, te djivas lačes oun čačes glan o Debleste, yaake har yob mendar kamella.

Jakobo 4:8

Avenn pash o Debleste! Yaake vell yob ninna pash t'mende. Ap t'mende, kay kran čilačo koova, penau me: Krenn t'mare vasta djoudjo! Ap t'mende, kay djan ap douy dromma, penau me: Moukenn ko čilačo drom, oun djan ap o Debleskro drom!

1. Petro 2:1

Doleske moukenn hako čilačo koova! Ma rhorhenn! Ma rakrenn douy čipyentsa! Ma zilverenn! Rakrenn kek djoungelo koova pral kekeste!

1. Petro 3:11

Yob moukell o čilačo koova, oun krell o lačo koova. Peskri tseli zoryah krell lo, te djal kek čingepen mashkral i menshende!

Debleskro tsiro 7:14

Oun me penom ap leste: “Miro ray, tou djineh les.” Oun yob penas ap mande: “Kolla van zoreles palla lino, oun van vin dran ko pharo tsiro. Oun yon thovan pengre ripya, oun kran len parno an o terno bakreskro rat.”