Jesaja 1:11 - O Debleskro Lab 2024 (Sinte-Manouche)

¹¹ “Hoy krap me kol tsele firhentsa, hoy t'mer mange anenn”, poučell o baro Devel. “Man hi doha t'mare bakrendar, hoy mange rhačran, hom čalo ko thulepastar i pesse groumyendar. Ko rat i morshkane groumyendar oun tikne bakrendar oun bouzyendar kamau me gar.

O Debleskro Drom 2021 (Sinte)

¹¹ “Hoi krap me kol tsele viechentsa, hoi tumer mange anenn”, putchell o baro Dewel. “Man hi doha tumare bakrendar, hoi mange chatchran, hom tchalo ko thulepastar i pesse grumjendar. Ko rat i murshkane grumjendar un tikne bakrendar un busjendar kamau me gar.

Jesaja 1:11 Iomraidhean Croise

Debleskri gili 40:6

Miro baro Devel, har boud hi ko baro koova, hoy tou ap mende kral, hoy kek vavar nay krals, har tou kokres. Te kamoms pral kova lauter te rakrell, nay kroms kova gar, yaake boud hi kova.

Debleskri gili 50:8

Čingrau gar, te anals tou mange kek firhen. Kol firhen, hoy tou mange rhačral, hi hako dives glan mire yaka.

Debleskri gili 51:16

Me anom rat ap mande, ma de man moulo, miro Devel! Tou hal o Devel, kay lell man vin dran o merepen. Oun me kamau tiro čačepen te sharell.

Gosewe laba 15:8

O baro Devel dikell rhoyedes ap kova, hoy o čilačo leske anell. Te mangenn les kolla an, kay an o čačepen tardo hi, dikell lo lačes ap lengro mangepen.

Gosewe laba 21:27

Kova, hoy anenn i čilače o baro Debleske, hi djoungeles glan leskre yaka. Har boud boudeder, te krenn le kova dran i čilačo dji.

Gosewe laba 21:3

Te djah o čačo drom oun djiveh pal o Debleskro čačepen, hi kova o baro Debleske boudeder moldo har te anals leske firhen.

Jesaja 58:2

Yon venn hako dives, har te rodans le man, oun penenn, te kamans le mire dromma te djinell, har te vans le menshe, kay o čačepen krenn, oun pengro Debles gar moukan. Oun yon kamenn, te krap me o čačepen lenge vin, oun te vap pash lende.

Jesaja 66:3

Kova, kay mange i gouroum marell, marell ninna i menshes i rhorheno debleske. Kova, kay mange i terno bakro temerl dell, marell ninna i djoukles i rhorheno debleske. Kova, kay mange rhapen glan anell, anell ninna balengro rat i rhorheno debleske. Kova, kay mange soungepaskro koova rhačrell, parkrell pes ninna pash i rhorheno debleste. Yon djan pengre dromma yaake har yon les kamenna. Oun shoukar hi an lengre yaka, hoy an mire yaka djoungeles hi.

Jeremia 6:20

Me poučau či pal o soungepaskro koova dran o them Saba, oun pal ko goudlo soungepaskro djet, hoy vell dran i dour them. Kol firhe, hoy t'mer mange rhačrenna, kamau me gar. Oun ap kol firhe, hoy t'mer mange marenna, dikau gar lačes.

Jeremia 7:21

Kova penell o baro Devel, ko ray pral o bolepen oun i phoub, kay hi o Israeleskro Devel: Hoske rhačrenn t'mer firhen mange? Čivenn len pash kol vavarende, hoy rhan t'mer khetne glan mande! Rhan ko tselo mass!

Hosea 6:6

Dikenn, hoy kamau: Kamau, te rikrenn t'mer i lačo djiyeha ap mande, oun kamau gar, te anenn mange firhen. Kamau te prindjrenn man čačepah, oun kamau gar, te rhačrenn mange firhen.

Hosea 8:13

Yon anenn mange firhen, oun rhan pen čalo ap ko mass. Me, o baro Devel, dikau gar lačes koy pre. Lengri doosh bistrau me gar, oun lengro čilačepen vell pral lende: Yon hounte djan pale an o them Egiptia pale.

Amos 4:5

Anenn shoutlo maro o Debleske, te parkrenn pen pash leste! Denn vin gole, te anenn i menshe pendar čomone o Debleske! Oun palle denn vin gole, hoy hakeno anas. Savo koova kamenn t'mer yaake, t'mer Israelitarya! Kova penell o baro Devel, maro ray.

Amos 5:21

O baro Devel penell: Rhoyedo hom me pral kol bare divessa, kay venn t'mer khetne. Mange hi le i čadepen.

Amos 5:22

Ninna te rhačrenn t'mer mange firhen oun rhapen, hom gar barhtelo pral kova. Kol thoulle firhen, hoy mange marenn oun glan mande rhan, nay dikau bouder gar glan i yaka.

Micha 6:7

Hi o baro Devel barhtelo pral boud zerya bakre, oun deesh zerya khore djet? Hounte dap leske miro phoureder čaves, te vell miri doosh krik lino oun ko čilačo koova, hoy krom?

Haggai 2:14

Koy penas o Haggay: Yaake hi ninna kal menshentsa an kava them. An mire yaka hi le pale-čidde. Oun lauter, hoy krenn le pengre vastentsa, hi pale-čiddo, ninna ko koova, hoy le mange anenn.

Zakarie 7:5

“Pen i tsele menshenge an o them oun kol rashayenge: Har rhan t'mer či oun dan gole ropah an o pančto čon oun an o eftato čon an kal efta-deesh bersha, kran t'mer kova mange? Na-a!

Maleachi 1:10

Kamaus, te vals yek t'mendar koy, kay krals o voudya an miro kheer pandles, te krenn t'mer gar čičeske i yag ap miri rhačepaskri! Man hi doha t'mendar, penell o baro Devel, ko ray pral o bolepen oun i phoub. Oun kol marede firhe, hoy mange anenn, hi mange gar mishto.

Mateo 22:4

Oun pale bičras lo vavar boudepangren pash kolende, te penenn le ap lende: Shounenn, me krom i rhapen t'menge, oun marom thoulle groumya. Oun vavar lačo rhapen oun pipen hi lauter koy. Avenn ap i biyab!

Mateo 9:13

Kova hounte djinenn t'mer: O Devel penas: Me kamau gar, te marenn mange firhen. Na-a! Me kamau, te hi t'men i baro dji i vavarenge. Me vom gar, te dap kolen pash mande gole, kay djan ap o čačo drom. Na-a! Me vom, te dap kolen pash mande gole, kay hi ap o čilačo drom.”

1. Samuel 15:22

O Samuel penas: “Hoy patseh, hi shoukar o baro Debleske: Fiche, hoy leske maredo venn, save hoy leske tseles rhačedo venn oun save, kolengre feteder kotya mass leske rhačedo venn? Kamell lo gar boudeder, te shounell yek ap kova, hoy lo penell? Djin, te shouneh tou ap o baro Debleste, hi kova leske feteder, har te deh les firhen. Te shouneh tou mishto ap leste, hi kova feteder, har te deh les thoulle kotya i bakrestar.