Jesaja 1:10 - O Debleskro Lab 2024 (Sinte-Manouche)

¹⁰ T'mer raya dran Sodom, shounenn o lab o baro Deblestar! T'mer menshe dran Gomorra, shounenn, hoy kamell maro Devel t'menge te penell!

O Debleskro Drom 2021 (Sinte)

¹⁰ Tumer raja dran Sodom, shunenn o lab o baro Deblestar! Tumer menshe dran Gomorra, shunenn, hoi kamell maro Dewel tumenge te penell!

Jesaja 1:10 Iomraidhean Croise

1. Mose 13:13

Kol menshe an Sodom his čilačo oun djivan an baro čilačepen glan o baro Debleste.

Jesaja 28:14

T'mer pre-phourde, kay penenn i menshenge an o foro Yerusalem, hoy le hounte krenn, kanna shounenn o lab o baro Deblestar:

Jesaja 3:9

O čilačepen dikell dran lende vin. Oun yon anenn doosh ap pende oun kolah sharenn le pen ninna gomme, yaake har kol menshe an o foro Sodom ninna kran. I bibarht vell ap lende, koya anenn yon kokres pengro djoungelo djipah pral pende!

Jesaja 30:9

Kal menshe peran mandar tele. Har čave hi le, kay rakrenn rhorhepen, oun kamenn gar mire laba te shounell.

Jesaja 8:20

Rikrenn t'men ap o Debleskro drom, oun ap kova, hoy yob t'mende sikrell! Te penenn i menshe t'menge vavar koova, palle vell lenge kek momeli ap lengro drom.

Jeremia 23:14

Ko djoungelo koova, hoy dikau pash mire rakepangre an Yerusalem, hi gomme bareder: I morsha rhorhenn pengre romyen, oun i djouvya pengre romen; yon rakrenn rhorhepen, oun krenn i čilačen zorelo. Yaake rikrenn le i menshen pale, te moukenn le pengro čilačo drom. Kal rakepangre hi yaake čilačo har i menshe an Sodom oun Gomorra his.

Ezekiel 13:2

Tou, mensho, de kolen an Israel trad, kay denn glan, te hi le mire rakepangre, oun rakrenn dran pende vin, oun penenn Kava lab vell o Deblestar. Pen lenge: Shounenn, hoy o baro Devel penell t'menge!

Ezekiel 16:35

Doleske shoun, Yerusalem, tou loubni, hoy o baro Devel penell!

Ezekiel 16:46

Tiri phoureder pheen hi i Samaria peskre čentsa, kolla ap i servi rig toutar djivenn. Oun tiri tikni pheen, hoy ap i čači rig toutar djivell, hi i Sodom peskre čentsa.

Ezekiel 16:49

Koy doosh tiri phenyatar Sodom his kaya: Yoy his pre-phourdo. Lat his boudeder har doha rhapen oun djivas pengre čentsa i shoukar djipen. Kol čorvelenge oun kolenge, kay tele rikede van, van le gar ap i rig.

Amos 3:1

Shounenn, t'mer Israelitarya, hoy o baro Devel pral t'mende rakras, pral o tselo kheer Israel peskre tsele familyentsa, kolen yob vin anas dran o them Egiptia:

Amos 3:8

O levo dell gole – kones hi kek daar? O baro Devel, maro ray, rakrell, koon nay rikrell man pale, te penap leskre laba doureder?

Amos 9:7

O baro Devel penell: T'mer Israelitarya han mange yaake har i menshe an o them Etiopia. T'men lom dran o them Egiptia vin, i Filistaryen lom dran o them Kreta vin, oun i Syrarya dran o them Kir. Hoy hi vavarčandes t'mentsa?

Micha 3:1

Oun o Mika penas: T'mer pralstoune an o kheer Yakob, t'mer raya an o kheer Israel! Shounenn, hoy t'menge penau! T'mer hounte vans kolla, kay djinenn, hoy o čačepen hi.

Remarja 9:29

Kova hi yaake har o Debleskro rakepaskro, o Yesaya, penas: Te moukals o Devel, ko ray pral o bolepen oun i phoub, gar čave mendar te ačenna pral, palle merans mare tsele menshe yaake har i menshe an i forya Sodom oun Gomorra.

5. Mose 32:32

Yon molenn gar boudeder har i menshe dran Sodom oun Gomorra, oun hi har drakengre rouka, hoy hidjrenn djoungele drake, kolendar yek nasselo vell.

Debleskro tsiro 11:8

Oun kal moule morsha hi ap o drom čiddo an ko baro foro, kay ninna lengro ray ap o troushel maredo vas. Kava foro hi har o foro Sodom oun har o them Egiptia.