Jesaja 1:1 - O Debleskro Lab 2024 (Sinte-Manouche)

¹ Kova hi, hoy moukas o baro Devel o morshes Yesaya te dikell pral o them Youda oun pral o foro Yerusalem. O Yesaya his o čavo ko morshestar Amoz. Kova his an ko tsiro, kay his o Usiya, o Yotam, o Ahas, oun o Hiskiya i bare raya pral o them Youda.

O Debleskro Drom 2021 (Sinte)

¹ Kowa hi, hoi mukas o baro Dewel o murshes Jesaja te dikell pral o them Juda un pral o foro Jerusalem. O Jesaja his o tchawo ko murshestar Amoz. Kowa his an ko tsiro, kai his o Usija, o Jotam, o Ahas, un o Hiskija i bare raja pral o them Juda.

Jesaja 1:1 Iomraidhean Croise

2. Rajengro liil 15:1

Har o Yerobeam an o 27. (biish-te-eftato) bersh baro ray pral o them Israel his, vas o Asarya baro ray pral o them Youda. Leskro dad his o Amazya.

2. Rajengro liil 15:13

O Shalloum, koleskro dad o Yabesh his, vas baro ray pral Israel, har o Usiya an o 39. (triyanda-te-enyato) bersh baro ray pral o them Youda his. Oun o Shalloum his yek čon baro ray an o foro Samaria.

2. Rajengro liil 15:32

Har o Peka, koleskro dad o Remalya his, an o douyto bersh ko baro ray his pral o them Israel, vas o Yotam baro ray pral o them Youda. Leskro dad his o Usiya.

2. Rajengro liil 15:7

Oun o Asarya meras oun vas paskedo pash peskre phourende an o Davideskro foro. Oun leskro čavo, o Yotam, vas baro ray pal leste.

2. Rajengro liil 18:1

O Hoshea, koleskro dad o Ela his, his an o triinto bersh o baro ray pral o them Israel, har vas o Hiskiya o baro ray pral o them Youda. Leskro dad his o Ahas.

2. Rajengro liil 19:2

Oun yob bičras ko pralstounes pral leskro kheer, o Elyakim, ninna o Shebna, kay činas i lila, oun kol phoureder rashaya pash o Debleskro rakepaskro, o Yesaya, koleskro dad o Amoz hi. Kol morsha his ninna rido an gone.

2. Familjakro liil 26:1

Pal o merepen o baro rayestar Amazya, lan i tsele menshe dran o them Youda leskro čaves, o Usiya, oun kran les baro ray.

2. Familjakro liil 26:22

Ko tselo vavar koova, hoy pral o Usiya penepaske hi, kova hi činlo an o liil, hoy o Debleskro rakepaskro, o Yesaya činas, koleskro dad o Amoz his.

2. Familjakro liil 27:1

O Yotam his 25 (biish-te-panč) bersha, har lo baro ray vas. Oun 16 (deesh-te-shob) bersha his lo baro ray an o foro Yerusalem. Leskri day kharas Yerousha, lakro dad his o Zadok.

2. Familjakro liil 28:1

O Ahas his biish bersh, har lo baro ray vas. Oun 16 (deesh-te-shob) bersh his lo baro ray an o foro Yerusalem. Leskro phouro dad, o David kras, hoy glan o baro Debleskre yaka mishto hi. Kova kras o Ahas gar.

2. Familjakro liil 29:33

Koy pashel van 600 groumya oun 3.000 bakre anlo, te venn le maredo o Debleske. Lengro mass rhan i menshe.

Debleskri gili 89:19

Baro Devel, tou dal men koles, kay ap mende garda della. Tou, o Devel pral o Israel, rodal les vin, te vell lo maro baro ray.

Jesaja 13:1

Kava hi, hoy sikras o Devel o Yesayes pral o foro Babilon. O Yesaya hi o čavo o morshestar Amoz.

Jesaja 2:1

Kava hi, hoy dikas o Yesaya, pral o them Youda oun o foro Yerusalem. Leskro dad hi o Amoz.

Jesaja 20:2

rakras o baro Devel ap o Yesaya, koleskro dad o Amoz his, oun penas: “Rib tiri goneskri damdira oun tire kirrha vin!” Kova kras o Yesaya. Yob rivas peskre koola vin, ninna peskre kirrha, oun djas yaake trouyel triin bersha rah.

Jesaja 21:2

Havo pharo koova vas mange siklo! O phoukepaskro phoukrella, oun o randepaskro randella. T'mer lourde dran i themma Elam oun Media, krenn t'men ap o drom, oun čivenn t'men pre troul lo foro Babilon. O baro Devel krell, te hounte rovell bouder kek pral kova, hoy i Babilonarya kran.

Jesaja 37:2

Oun yob bičras morshen pash o Debleskro rakepaskro, o Yesaya, koleskro dad o Amoz hi. Kol morsha his o pralstouno pral leskro kheer, o Elyakim, oun o Shebna, kay činas i lila, oun kol phoureder rashaya. Yon his ninna rido an gone.

Jesaja 38:1

An kol divessa vas i merepaskro nasslepen pral o Hiskiya. Oun o Debleskro rakepaskro, o Yesaya, koleskro dad o Amoz his, vas pash leste oun penas ap leste: “Kava penell o baro Devel: Tou veh gar sasto kava nasslepastar, oun hounte meress. Doleske pen tire menshenge, har te djal pal tiro merepen doureder!”

Jesaja 40:9

Tou, koy berga Sion, hal har i čay, kay anell i lačo lab. Tou, o foro Yerusalem, hal bičedo te aness barht. Dja pre ap i bari berga! De zoryah gole, oun ma dare! Dja pre ap i bari berga! Pen ap i forya an o them Youda: “Ake, t'maro Devel!”

Jesaja 6:1

An ko bersh. kay o baro ray Usiya meras, kote dikom me o Debles, maro rayes, beshdo ap i bari rayli beshepaskri. Oun o Debleskro kheer his pherdo ko telstouno kotar leskri plaashka.

Jesaja 7:1

Oun i kourepen vas an ko tsiro, har o baro ray pral o them Youda o Ahas his, koleskro dad o Yotam his, oun koleskro dad o Usiya his. O baro ray pral Syria, o Rezin, oun o baro ray pral Israel, o Peka, koleskro dad o Remalya his, van pash o foro Yerusalem, te kourenn le pen o foreha. Yon nay lan les gar dren.

Jeremia 23:16

Kova penell o baro Devel, ko ray pral o bolepen oun i phoub: Ma shounenn ap i laba, hoy kol rakepangre penenn! Yon rhorhenn t'men, oun rakrenn pral dikepen, hoy vell dran lengre djia oun gar o baro Deblestar.

Ezekiel 1:1

An o 30. (triin-deshto) bersh djivom khetne vavar menshentsa, kay pandles krik anlo van, pash ko lengsto pani, hoy kharell Kebar. An o starto čon ap o pančto dives an ko bersh djas o bolepen pre, oun o baro Devel sikras pes mande.

Hosea 1:1

Kava hi o lab, hoy penas o baro Devel ap o Hosea, koleskro dad o Beeri his, an ko tsiro, har o Usiya, o Yotam, o Ahas oun o Hiskiya kol bare raya pral o them Youda his, oun o Yerobeam, koleskro dad o Yoash his, ko baro ray pral o them Israel his.

Amos 1:1

Kava hi, hoy sikras o Devel o Amoseske pral o kheer Israel an ko tsiro, kay o Usiya o baro ray his pral o them Youda. Oun o Yerobeam, koleskro dad o Yoash hi, his o baro ray pral Israel. His douy bersha glan ko tsiro, kay i phoub zoreles trissas oun pre phagas. O Amos vas dran o foro Tekoa oun his yek kolendar, kay dan yak ap i bakrende.

Amos 4:5

Anenn shoutlo maro o Debleske, te parkrenn pen pash leste! Denn vin gole, te anenn i menshe pendar čomone o Debleske! Oun palle denn vin gole, hoy hakeno anas. Savo koova kamenn t'mer yaake, t'mer Israelitarya! Kova penell o baro Devel, maro ray.

Micha 1:1

Kava hi i lab o baro Deblestar, hoy penas lo ap o Mika dran Moreshet an ko tsiro, kay o Yotam, o Ahas oun Hiskiya i bare raya pral o them Youda his. An ko tsiro sikras les o baro Devel, hoy pral Samaria oun Yerusalem vella.

Nahum 1:1

Kava hi ko liil, kay činlo hi, hoy rakras o baro Devel pral o foro Ninive. Yob sikras kova peskro rakepaskreste, o Nahoum. Kova vas dran ko gab Elkosh.

Habakuk 2:2

O baro Devel rakras mantsa pale oun penas: Čin pre, hoy touke sikrau! Čin les shoukar pre ap i tafla, te nay draverell les hakeno, kay kote djal oun kova dikell.

4. Mose 12:6

Oun yob penas: “Shounenn mire laba! Te bičrau me yekes pash t'mende, kay penell t'menge mire laba, sikrau leste čomone an i dikepen oun rakrau leha an sounya.

4. Mose 24:16

Kova penell, kay shounell o Debleskro rakepen, oun koon djinella, hoy ko pralstouno krella. Me dikau, hoy o zorelo Devel mange sikrell. Mire yaka venn pre kerdo, te djau ap i čanga.

4. Mose 24:4

Kova penella, kay shounell o Debleskro rakepen. Me dikau, hoy o zorelo Devel mande sikrella. Mire yaka venn pre kerdo, te djau ap i čanga.

Mateo 17:9

Oun o Yezous djas lentsa koy berga tele, oun penas zoreles ap lende: “Penenn kekeske, hoy t'mer dikan, yaake rah har o Mensheskro Čavo gar i moulendar pre stas!”

Bičepangre 10:17

O Petro hayvas gar, hoske yob kova dikas, oun poučas pestar, hoy kamas o Devel leske te penell. Koy his i morsha, kay o Kornelio pal o Simoneskro kheer bičras, glan o voudar tardo.

Bičepangre 26:19

Doleske krom kova, baro Agrippa, hoy ko rakepen dran o bolepen mange penas.

2. Korintarja 12:1

T'mer kamenn, te sharap man, ninna te molell kova či. Yaake kamau te rakrap pral o bolepaskro koova, hoy o Yezous Kristo i menshes moukell te dikell.

2. Petro 1:21

An kek tsiro vas o Debleskro lab i menshendar. Kol Debleskre rakepangre rakran, hoy o Devel lenge penas. Kova čivas lenge o Debleskro Dourho an o dji.