Jeremia 9:9 - O Debleskro Lab 2024 (Sinte-Manouche)

⁹ Me kamau pral kava them an i berge rovell, oun pral ko zenelo pralstouno them i ropaskri gili te givell. Lauter hi pre-rhačedo. Kek mensho djal koy trouyel. Kek groumya oun bakre denn kote gole. Ninna kol čirkle oun i divye firhe nashan penge, oun moukenn pen bouder gar te dikell.

O Debleskro Drom 2021 (Sinte)

⁹ Me kamau pral kau them an i berge rowell, un pral ko senelo pralstuno them i ropaskri gili te giwell. Lauter hi pre-chatchedo. Kek mensho djal koi trujel. Kek grumja un bakre denn kote gole. Ninna kol tchirkle un i diwje vieche nashan penge, un mukenn pen buder gar te dikell.

Jeremia 9:9 Iomraidhean Croise

Jesaja 1:24

Doleske penell o baro Devel, ko ray pral o bolepen oun i phoub, kay hi o Israeleskro zorelo Devel: Dikenn t'men glan! Me dau t'men pale, hoy ap mande kran, t'men, kay kamenn man gar. Miri bari rholi vell pral t'mende, kay krenn lauter vavarčandes, har me kamau.

Jesaja 10:3

Hoy kamenn t'mer te krell ap ko dives, kay vell t'mari phagi pral t'mende? Ap ko dives, kay vell i bibarht foun doural pral t'mende? Pash koneste kamenn t'mer palle te nashell? Oun kay moukenn t'mer palle t'maro bravlepen?

Jesaja 57:6

Oun ap kol lače platse an i tala čorenn t'mer lenge rhapen oun pipen vin. Doleske vell ko dives, kay venn kote maredo čiddo! Patsenn čačepah, te dau yekes, kay savo koova krell, kova gar pale?

Jeremia 12:11

Hi ropaske, har paash ko them glan mande čiddo hi, kek djivell bouder koy. O tselo them hi paash, oun kek khaytell les.

Jeremia 12:4

I rah tsiro hi kava them kek brishineha, oun ko tselo zenlepen meras tele. I firhe oun i čirkle meran. Kova lauter vas dran o čilačepen kol menshendar, kay kate djivenn. Yon penenna: O Devel dikell gar, hoy krah.

Jeremia 4:25

Me dikom pal i menshende. Oun kek his bouder koy. Ninna kol čirkle djan penge krik.

Jeremia 5:29

Moukap me len kova te krell oun penap či koy pre, penell o baro Devel. Dap me save menshen kek phagi?

Jeremia 5:9

Oun me hounte dap len kek phagi? penell o baro Devel, oun dap have menshen har kalla gar pale, hoy yon kran?

Hosea 4:3

Doleske troushell o them, oun i menshe merenn; ninna i divye firhe, i čirkle oun i mače hounte merenn.

Joel 1:19

Baro Devel, ap toute dau gole! I yag rhačras o khass an o divyo them, oun i tsele rouka an o veesh.

Amos 5:1

Shounenn t'mer menshe an Israel, shounenn koy ropaskri gili, hoy givau pral t'mende:

Amos 5:2

Koy terni čay Israel peras, te stell li bouder gar pre. Mouklo hi li čiddi ap i phoub, oun kek hi koy, kay hadell lat pre.