Jeremia 9:6 - O Debleskro Lab 2024 (Sinte-Manouche)

⁶ Doleske penell o baro Devel, ko ray pral o bolepen oun i phoub: Har o roup an i yag djoudjes kerdo vell, yaake kamau mire menshen doukentsa djoudjes te krell. Dell či vavares, hoy krap me nay mire menshenge.

O Debleskro Drom 2021 (Sinte)

⁶ Doleske penell o baro Dewel, ko rai pral o bolepen un i phub: Har o rup an i jag djudjes kerdo well, jaake kamau mire menshen dukentsa djudjes te krell. Dell tchi wawares, hoi krap me nai mire menshenge.

Jeremia 9:6 Iomraidhean Croise

Gosewe laba 1:24

Har kharom t'men, kaman gar te shounell. Har hadom miro vast, dan t'mer gar yak.

Gosewe laba 1:29

Yon kaman o čačepen gar te djinell, oun gar o baro Debleha te djivell.

Jesaja 1:25

Yerusalem, miro vast hadau ap toute, te dap tout, te rhačap i čik toutar vin, har kova o roupeha kerdo vell, yaake te ačell o lačo roup pale.

Jesaja 1:3

Haki groumni prindjrell koles, koneske yoy hi. Oun haki bourika djinell koy platsa, kay lakro ray dell lat te rhal. O Israel prindjrell kova gar. Mire menshe hayvenn kova gar.

Jesaja 4:4

Kova vella, te thovell o Devel i čik tele i menshendar, kay djivenn an Sion, oun lell koy phari doosh krik dran Yerusalem. Te krell lo kova, hi kova har i yag, hoy rhačell ko tselo djoungelo koova krik.

Jeremia 11:10

Yon krenn savo čilačo koova har lengre phoure kran, kay glan lende his, oun kaman ap mire laba vitar gar te shounell, oun nashan kol vavar deblen palla oun mangan len an. Yaake rikran kol menshe dran o kheer Israel oun dran o kheer Youda kol laba gar dren, hoy krom lengre phourentsa vin.

Jeremia 11:19

Me homs har i terno bakro, kay djinell gar, te vell lo kote anlo, kay vell lo maredo. Yaake djinom gar, kay rakran le khetne, har te krenn le mange čilačepen. Yon penan mandar, har te voms i rouk: Mer dah ko rouk tele, yaake rah har hi lo sasto. Maras les, te vell lo bistedo!

Jeremia 13:10

Kalla čilače menshe, kay kamenn mire laba gar shounell, djan pal pengro shero, oun djan vavar deblenge pal, anenn lenge firhen, oun mangenn len an. Yon hounte venn har ko pereskro pandepen, hoy bouder či molella.

Jeremia 18:18

Koy hi menshe, kay penenn: Avenn, te rakras koy pral, havo čilačepen mer nay krah ap o Yeremia. Men hi doha rashaya, kay nay sikrenn men maro drom, oun doha goseve, kay nay penenn menge, hoy te kras, oun doha Debleskre rakepangre, kay nay penenn menge o Debleskre laba. Mer tapras les leskre labentsa, oun das či ap leskro rakepen!

Jeremia 20:10

Me shounau, har boud menshe čorrhanes rakrenna: “Yob krell menge či har traash. Anas doosh ap leste! Sikras les an!” Ninna mire mala lourenn koy pre, te perap. “Dikas, te anas les yaake dour, te penell yob čomone, hoy gar mishto hi. Palle dah les pale, hoy lo mentsa kras!”

Jeremia 5:27

oun kolen čirklengre khera pherde čirkle hi. Yaake hi lengre khera pherdo čoredo koova. Doleske van yon baro oun bravelo.

Jeremia 8:5

Hoske nashrenn pen kal menshe an o foro Yerusalem pale te pale, oun rissrenn gar trouyel? Yon ačenn pash kol rhorhene deblende, oun kamenn gar palpale pash mande te vell.

Hosea 11:8

Har nay moukaus me toutar, Efrayim, har nay daus tout an o vast kolendar, kay marenn tout, Israel? Kraus me touha, har krom kol foryentsa Adma oun Seboyim? Na-a, kova phagals miro dji! Tou khayteh man yaake!

Hosea 4:6

Mire menshe prindjrenn o čačo drom gar. Doleske djan le tele. T'mer kaman lenge gar miro drom te sikrell. Doleske kamau me t'mendar vitar či te djinell. T'mer han bouder gar mire rashaya. T'mer bistran miro drom. Doleske bistrau t'mare čaven.

Zakarie 13:9

Oun kolenge, kay pral ačenn, venn phare tsirya, kay hounte djan le dren, te venn le djoudjo kerdo, yaake har roup oun sonakay djoudjo kerdo vell an i yag. Palle denn le ap mande gole, oun me shounau len. Me penau: Yon hi mire menshe. Oun yon penenn: Tou baro Devel, hal maro Devel.”

Remarja 1:28

Yon kamenn či o Deblestar te djinell. Doleske moukas o Devel len te perell, te djivenn le pal pengro čilačo shero, oun krenna, hoy gar mishto hi.

1. Korintarja 15:34

Djan o čačo drom! Ma piyenn t'men mato! Djivenn bouder gar an o čilačepen! Mank t'mende hi menshe, kay djinenn gar, koon o Devel hi. Oun kova penau t'menge, te ladjenn t'men.

1. Samuel 2:12

O Eliyeskre čave his čilače oun kaman o baro Deblestar či te djinell.