Jeremia 9:25 - O Debleskro Lab 2024 (Sinte-Manouche)

²⁵ kol menshe an i themma Egiptia, Youda, Edom, Ammon oun Moab, oun lauter kolla, kay činenn pengre balla trouyel tele, oun djivenn an o moulo tato them. Ninna te hi yon oun i tsele Israelitarya činlo ap pengro mass, djivenn le, har te vans le gar činlo.

O Debleskro Drom 2021 (Sinte)

²⁵ kol menshe an i themma Egiptia, Juda, Edom, Ammon un Moab, un lauter kolla, kai tchinenn pengre balla trujel tele, un djiwenn an o mulo tato them. Ninna te hi jon un i tsele Israelitarja tchinlo ap pengro mass, djiwenn le, har te wans le gar tchinlo.

Jeremia 9:25 Iomraidhean Croise

Jeremia 25:23

i menshe an i forya Dedan, Tema, oun Bouz; i menshe, kay činenn pengro bal tiknes;

Jeremia 4:4

Rikrenn t'men ap i laba, hoy t'mentsa vin krom! Oun krenn t'mare djia mange pre, t'mer menshe an Youda oun Yerusalem. Te krenn kova gar, vell miri rholi pral t'mende har yag, oun rhačella yaake, te nay krell kek koy yag vin.

Jeremia 49:32

Lenn t'menge lengre khamele oun lengre boud firhen! Kolla, kay lengro baal troul o shero tele činenn, kolen tradau ap hake rigya. Haki rigyatar anau bibarht pral lende. Kova penell o baro Devel.

Ezekiel 28:10

Tou meress har yek, kay hi gar činlo ap peskro mass. Vi-themarya denn tout moulo. Kava penau me, o baro Devel.

Ezekiel 31:18

Kek hi yaake baro oun raylo har tou, Farao – kek mank i tsele rouka an i bar Eden! Ninna tou hounte djas an i telstouni phoub, khetne kol roukentsa dran Eden, oun hounte vess čiddo pash kolende, kay hi gar činlo ap pengro mass, oun kay van maredo o rhareha. Yaake djal o Faraeske oun leskre pre-phourde menshenge. Kava penell o baro Devel, maro ray.

Ezekiel 44:7

T'mer moukan vavar menshen an miro kheer dren, saven kolengro dji gar mange hi, oun kay hi gar činlo ap pengro mass. Yaake kran, te vas miro kheer pale-čiddo. Yon his koy pashel, har anan t'mer rhapen oun thulepen oun rat glan mande. Yaake phagan t'mer, hoy mer vin kram. Koy pashel vell kava tselo djoungelo kova, hoy kran.

3. Mose 19:27

Ma činenn t'mare balla ap i rigya t'maro sherestar! Ma činenn t'mari čor tiknes!

3. Mose 26:41

Doleske sikrom lenge o doumo, oun tradom len an o them kolendar, kay kouran pen lentsa. Kote krenn le pen tiknes glan mande. Te hidjran le pengri phagi tele,

Amos 3:2

Mank i tsele natsyone ap kay phoub han t'mer kokres kolla, kolen mange vin rodom, oun ap lende yak dom. Doleske hi t'mari doosh yaake baro, oun me hounte dap t'men i phagi.

Remarja 2:28

I čačo biboldo hi gar kova, kay hi činlo ap peskro mass.

Remarja 2:29

Na-a! Kova hi i čačo biboldo, koleske o Debleskro Dourho i nevo dji das. Kova nay krenn i činle laba gar. Savo biboldo rodell gar, te vell lo i menshendar sharedo. Yob vell o Deblestar sharedo.

1. Samuel 14:6

Oun o Yonatan penas ap ko terno morsheste, kay leskro kourepaskro koova hidjrell: “Ab, mer djas pash kol rhalende, kay koy vergel yak denn. Nay hi, te vell o baro Devel menge ap i rig. Te krell lo kova, hi yek, kitse mer ham, boud oder gar boud.”

1. Samuel 17:26

Kote penas o David ap kol morshende, kay koy tardo his: “Hoy lell kova, kay ko morshes kote marella oun i ladj i Israelendar pale krik lella? Hoy patsell ko Filistari, koon yob hi? Yob hi gar činlo ap peskro mass, oun patsell, te nay praasell lo i lourden ko djido Deblestar!”