Jeremia 9:23 - O Debleskro Lab 2024 (Sinte-Manouche)

²³ Koon kamell pes te sharell, kova te sharell pes, kay yob prindjrell man, oun te hayvell yob, kay me o baro Devel hom. Me krau miro dji pre i menshenge, oun krau, hoy čačo oun mishto hi ap i phoub. Savo koova hi mishto glan mire yaka. Kova penau me, o baro Devel.

O Debleskro Drom 2021 (Sinte)

²³ Koon kamell pes te sharell, kowa te sharell pes, kai job prindjrell man, un te haiwell job, kai me o baro Dewel hom. Me krau miro dji pre i menshenge, un krau, hoi tchatcho un mishto hi ap i phub. Sawo koowa hi mishto glan mire jaka. Kowa penau me, o baro Dewel.

Jeremia 9:23 Iomraidhean Croise

Hiob 32:13

Ma penenn: “Mer hatsam vin, hoy gosvepen hi. Kova hi o Devel, kay hounte sikrell leste leskri doosh, oun kek mensho!”

Hiob 41:15

Leskro per hi masselo oun zorelo har saster.

Debleskri gili 33:5

Yob kamell i čače dromma oun i čače laba. Oun i tseli phoub hi pherdo lačepen o baro Deblestar.

Debleskri gili 34:3

Kova, hoy yob lauter kras an miro djipen, kamau me te sharell. Mou shounenn kova kolla, kay tele rikedo hi, oun venn barhtele!

Debleskri gili 44:9

Hako dives ham barhtelo pral toute, maro Debleste, oun sharah tout kanna oun hako tsiro.

Debleskri gili 62:10

I menshe hi či har i dourho. Tikne har bare hi či moldo. Te vans le ap i vaga čiddo, vans le lauter khetne lino gar phareder har i dourho.

Gosewe laba 11:4

O bravlepen hi i bravelenge či moldo ap ko dives, kay o Debleskri rholi pral i menshende vell. Kol menshe, kay an o čačepen tardo hi, venn vin lino dran o merepen.

Gosewe laba 21:30

Kote dell kek gosvepen, či hoy yek feteder nay djinals oun penals, har nay krell o baro Devel.

Gosewe laba 3:5

Čip tiro tselo dji ap o baro Debleste! Ma pats, kay djineh kokres, hoy mishto oun čačo hi!

Sikepaskro 2:19

Koon djinell, koon kova hi, kay pal mande vell, i gosevo morsh oder i dinelo morsh? Vell har vella! Yob vell o ray pral halauter, koleske man tele marom oun goseves pre čivom an miro djipen. Yaake hi kova ninna čičeske.

Sikepaskro 9:11

Pale dikom, har ap kay phoub djala: O sikeder naashepaskro vell gar glanstounes an. O zorleder kourepaskro hi gar o feteder lourdo. Sikle menshe hi gar kolla, konen o boudeder rhapen hi. I goseve hi gar i bravele. Kova, kay čomone mishto hayvell, hi gar kova, kay an-diklo hi. O tsiro oun i barht penenn, har hakeneske djal.

Jesaja 10:8

Yob penas: “Čačepah, mire tsele pralstoune lourden hi yaake boud penepaske har bare raya.

Jesaja 20:5

Palle lenn kolla bari daar oun traash, kay patsan, te venn i lourde dran Etiopia lenge ap i rig, oun kay sharan pen, te denn i Egiptarya yak ap lende.

Jesaja 47:10

Tou rikral tout ap tiro čilačepen oun penal: “Kek dikas man!” Tiro gosvepen oun lauter, hoy djineh, kras tout pre-phourdo, yaake te penal an tiro dji: “Me hom i bareder. Kek vell zorleder har me.”

Jesaja 5:21

Djungeles djal kolenge, kay an pengre yaka kokres gosevo hi, oun pash pende kokres krenn, har te hayvenn le halauter.

Jeremia 31:34

Kek hounte penell ap o vavareste: Tou prindjress o baro Debles. Halauter djinenn, koon me hom, i tikne oun i bare. Kova penau me, o baro Devel. Me bistrau koy doosh, hoy le ap pende anan, oun lengro čilačepen vell bouder gar an miro shero.

Jeremia 48:14

T'mer morsha dran o kheer Moab, har nay penenn t'mer t'mendar: Mer ham zorele kourepangre oun čače morsha?

Jeremia 48:7

Tou Moab, patsal, kay taprell tout kek čilačepen an tire zorele khera oun pash tiro baro bravlepen. Doleske veh tou ninna dren lino. Tiro devel, o Kemosh, leskre rashaya oun pralstoune hounte venn pandles anlo an i vavar them.

Jeremia 49:4

Rabba, tou foro, hoy hadal tout pral o baro Debleste, hoske shareh tout tiro themeha, kay yaake boud pani nashell? Tou rikreh tout ap tiro bravlepen oun peneh touke an tiro dji: Koon nay djal ap mande pre?

Ezekiel 29:9

Oun i tseli Egiptia vell i moulo them, kay či har barra pral ačenn. Oun yon dikenn oun hayvenn palle, te hom me o baro Devel. Tou, Farao, penal: “Kava baro lengsto pani hi miro. Me hom kova, kay kras les.”

Ezekiel 7:19

Lengro roup vitsrenn le ap o drom, oun lengro sonakay hi lenge har čik. Lengro roup oun lengro sonakay nay lell len gar dran o merepen vin, ap ko dives, kay i rholi o baro Deblestar pral lende vell. Lengro roup oun sonakay vas či-moldo. Yon nay rhan les gar, oun nay krenn gar pengro per lestar pherdo. Lengro bravlepen his kova, hoy anas len yaake dour, te peran le o baro Debleskro dromestar tele.

Daniel 3:15

Kanna shounenn: Yaake sik, har shounenn t'mer o phourdepaskro bashepen oun bashepen ap i doryengre bashepangre oun ko tselo vavar bashepen, vitsrenn t'men tele ap i phoub, oun mangenn koy figura an, hoy me krom! Te vitsrenn t'men gar glan late ap i phoub, palle venn t'mer gomme kate an i bobeskri yag vitsedo! Oun koon hi ko devel, kay nay lell t'men vin dran miro vast?”

Micha 6:8

Na-a, o baro Devel penas menge, hoy lačo hi, oun hoy lo mendar kamella: Kova hi: Rike tout ap o čačepen, ab lačes ap o vavareste, oun dja o tselo djiyestar tiro Debleha!

Zefanja 1:18

Lengro roup oun sonakay nay lell len gar vin dran koy bibarht ap ko dives, kay o baro Debleskri rholi pral lende vella. Leskri bari rholi vell har i yag pral o tselo them oun krell halauter paash. Sik vell o merepen pral halauter, kay kote djivenn.

Markus 10:24

Pral kal laba ačas o Yezouseskre malenge o rakepen krik. Koy penas o Yezous pale ap lende: “Mire čave, har pharo hi i menshenge, te venn le ap o Debleskro drom!

Remarja 1:22

Kal menshe penenn pendar, te hi le gosevo. Dran kova peran le an o dinlepen.

1. Korintarja 1:31

Kanna vell kova yaake, har o Debleskro lab penella: Te kamell pes yek te sharell, nay sharell lo kova, hoy o Devel leske kras.

5. Mose 8:17

Oun t'mer te nay penenn gar an t'mare djia: Miri zoor oun mire vastengri boudi anas mange kava tselo bravlepen!

Filiparja 3:10

Kamoms te prindjrap či vavar har o Yezous Kristes oun o Debleskri zoor, kay kras les i moulendar djido. Oun me lau douka ap mande, yaake har yob douka ap peste las, te vap yaake har yob bis ap o merepen,

Filiparja 3:8

Ava, kova lauter, hoy me ap ko tsiro patsom oun krom, hi mange kanna bouder či moldo. Me prindjrau kanna o Yezous Kristes. Yob hi miro ray. Doleske hi ko tselo vavar koova mange har čik, oun či moldo. O Yezous Kristes kokres kamau te prindjrell boudeder.

1. Timoteo 6:10

Koon pal i love hi, perell an hako čilačepen. His menshe koy, kay kaman i love yaake boud, kay peran le o Debleskro dromestar tele, oun doukran pen kokres.

1. Samuel 17:42

Oun har o Goliat gomme i kotar krik his, dikas lo, te his o David i terno morsh lole čamentsa oun shoukar. Oun glan leskre yaka his o David har čik.