Jeremia 9:20 - O Debleskro Lab 2024 (Sinte-Manouche)

²⁰ An mare khera vas o merepen, an i vorhya djas lo dren. I čave ap i dromma meran, oun i terne morsha hi moulo čiddo ap i platse.

O Debleskro Drom 2021 (Sinte)

²⁰ An mare khera was o merepen, an i wochja djas lo dren. I tchawe ap i dromma meran, un i terne mursha hi mulo tchiddo ap i platse.

Jeremia 9:20 Iomraidhean Croise

Hiob 22:22

Mouk touke dran leskro mouy čomone te penell, oun rike leskre laba an tiro dji!

Jesaja 3:16

Oun o baro Devel penas: Dikenn, har pre-phourde yon hi, kol djouvya an o foro Yerusalem! Lengre sherya hidjrenn le pre, vitsrenn pengre yakentsa trouyel, te dikenn len hakeno. Yon khelenn pash o naashepen. Lengre pire hadenn le yaake, te bashrenn kol verklia, hoy le troul pengre pire čivan.

Jesaja 3:4

Yob penell: Me moukau terne morshen pral lende ray te vell, kay lentsa krenn, hoy le kamenn.

Jeremia 14:16

Yaake djal ninna kol menshenge, kay shounenn ap lende. Yon hi moulo čiddo ap i dromma an Yerusalem. I bok oun o rharo maras len. Oun kek paskrell len, lengre romyen oun lengre čaven. Me anau čilačepen pral lende, yaake har yon čilačepen kran.

Jeremia 23:16

Kova penell o baro Devel, ko ray pral o bolepen oun i phoub: Ma shounenn ap i laba, hoy kol rakepangre penenn! Yon rhorhenn t'men, oun rakrenn pral dikepen, hoy vell dran lengre djia oun gar o baro Deblestar.

Jeremia 23:28

Te dell i rakepaskro souni, mou penell lo peskri souni! Kova, kay lell i lab mandar, kova te penell ko lab mishto doureder! Me, o baro Devel penau t'menge: O phouss oun o djob hi gar o emligo koova. Yaake hi vitar gar emligo ko rakepen, hoy kol rhorhene rakepangre rakrenna, oun o rakepen, hoy mandar vella.

Jeremia 6:11

Tiri rholi pral lende rhačell ninna an mande. Me nay rikrau lat gar pale. Koy penas o baro Devel ap mande: Palle čore miri rholi pral lende vin: pral kol čavende ap o drom, oun pral kol terne morshende. Yon lauter, morsha oun djouvya, ninna kol phoure oun an-dikle, venn pandles krik anlo.

Jeremia 7:29

Čin tire lengste balla tele, oun vitse len toutar krik! Gib i ropaskri gili ap i berge! O baro Devel hi rhoyedo pral kal menshende, oun tradell len pendar krik, oun kamell lendar či te djinell.

Jeremia 8:2

Oun kol kokale venn koy trouyel vitsedo glan o kham oun o čon oun i tsele bolepangre momlia, kolen kaman kol menshe, oun mangan len an, oun nashan lenge pal. Kolendar poučan yon oun sharan len. Kol kokale venn gar pre hadedo oun venn gar paskedo. Yon venn foul i phoubyake.

Jeremia 9:12

O baro Devel penell koy pre: Me sikrom len miro drom, oun yon moukan les, oun shounan gar ap mire laba, oun djivan gar koy pal.

Ropaskre gilja 2:19

Ste pre an i rati, oun de gole pale te pale ap o baro Debleste! Čore tiro dji vin glan o Debleste. Rike tire vasta glan leste pre oun mange lestar o djipen tire terne čavendar, kay i bokatar merenna ap hako dromeskri ekka.

Ropaskre gilja 2:21

Čave oun phoure hi čiddo an i dromma. Terne ča oun terne morsha van o rhareha maredo. Ap ko dives kay tiri rholi pral mende vas, hi tout kek dji lenge, oun maral len halauteren.