Jeremia 9:19 - O Debleskro Lab 2024 (Sinte-Manouche)

¹⁹ Shounenn, t'mer djouvya, o baro Debleskro rakepen! Denn garda ap leskre laba! Sikrenn t'mare čende, har te givenn le koy ropaskri gili; yek te anell i vavarat kay gili pashel:

O Debleskro Drom 2021 (Sinte)

¹⁹ Shunenn, tumer djuwja, o baro Debleskro rakepen! Denn garda ap leskre laba! Sikrenn tumare tchende, har te giwenn le koi ropaskri gili; jek te anell i wawarat kai gili pashel:

Jeremia 9:19 Iomraidhean Croise

Jesaja 32:9

Shounenn mishto, t'mer djouvya, kay t'menge kek shero krenn pral kova, hoy vella! T'mer ča, kay dikenn kokres ap t'mende, krenn t'mare kanda pre oun shounenn, hoy me rakrau!

Jeremia 15:1

Oun o baro Devel penas ap mande: Ninna te vals o Mose oun o Samuel glan mande tardo, kroms me kal menshenge miro dji gar pre. Trade len krik mandar, oun mouk len te djal!

Jeremia 2:14

Hi o Israel i ginlo boudepaskro? Hi lo i boudepaskro, kay pandles boldo vas, kay nay hakeno krell leha, hoy kamella?

Jeremia 4:13

Dik, har volke vell ko marepaskro. Leskre kourepangre vourdya hi sik har i phourdepen, oun leskre graya hi sikeder har i adlari. Havi bibarht! Mer ham nashedo!

Jeremia 4:20

Yek foro pal i vavar vell dino. O tselo them denn le paash. Ap yek kopo hi mire oun plarhtene khera khetne dino.

Jeremia 7:15

Oun me tradau t'men mandar krik, har me t'mare phralen krik tradom, oun kol tsele menshen dran Efrayim.

Jeremia 7:19

Mange krenn yon koveha kek douka, penell o baro Devel. Ap pende kokres anenn le ladj.

Jeremia 7:29

Čin tire lengste balla tele, oun vitse len toutar krik! Gib i ropaskri gili ap i berge! O baro Devel hi rhoyedo pral kal menshende, oun tradell len pendar krik, oun kamell lendar či te djinell.

Ropaskre gilja 4:15

“Djan t'menge, t'mer pale-čidde”, dan le lenge gole. “Djan t'menge, djan t'menge! Ma taprenn ap čomone!” Yaake nashan le penge, oun djinan gar, kay te djan. An i vavar themma vas lenge penlo: “Pash mende nay ačenn gar!”

Ropaskre gilja 5:2

Ko them, hoy men dal, hi an i vavarengro vast. Oun an mare khera djivenn vi-themarya.

Ezekiel 27:2

Tou mensho, gib i ropaskri gili pral o foro Tirus!

3. Mose 18:25

O tselo them vas koleha pale-čiddo kerdo. Me anau lengri doosh ap lende pale, oun krau, te venn kol menshe vin tradedo dran ko them, kay le djivenn.

3. Mose 18:28

Te krenn t'mer kava them ninna pale-čiddo, venn t'mer dran kava them vin tradedo har kol vavar menshe, kay glan t'mende kay his.

3. Mose 20:22

Krenn kova, hoy me t'mendar kamau oun rikrenn t'men ap miro čačepen, te venn gar vin tradedo dran ko them, an kova me t'men anau, te djivenn koy dren.

Micha 2:10

Stenn pre, djan t'menge! An kava them nay ačenn t'mer gar! T'mer kran les pale-čiddo. Kate ačell kek bar ap o vavar.

Micha 2:4

An ko tsiro givenn le i sapaskri gili pral t'mende, oun krenn t'men palla, har t'mer rovenn: “Halauter hi nashedo. Mer ham khetne maredo! Maro them las o Devel mendar, oun das les kolende, kay lan men pandlo.”

5. Mose 28:29

Ap o dives, kay o kham pralstounes tardo hi, rikrenn t'mer t'mare vasta glan t'mende, te rodenn t'maro drom, har korele, kolenge hako tsiro har i rati hi. T'men vell kek barht an t'maro djipen. Vavar menshe djan zoryah ap t'mende pre oun čorenn t'men pale te pale vin. Oun kek vell ap t'mari rig.