Jeremia 9:16 - O Debleskro Lab 2024 (Sinte-Manouche)

¹⁶ O baro Devel, ko ray pral o bolepen oun i phoub, penell: Denn garda ap kova, hoy vella! Denn kol djouvyen gole, kay i baro ropen krenna! Bičrenn pal kolende, kay hayvenn ropaskre gilya te givenn!

O Debleskro Drom 2021 (Sinte)

¹⁶ O baro Dewel, ko rai pral o bolepen un i phub, penell: Denn garda ap kowa, hoi wella! Denn kol djuwjen gole, kai i baro ropen krenna! Bitchrenn pal kolende, kai haiwenn ropaskre gilja te giwenn!

Jeremia 9:16 Iomraidhean Croise

Nehemia 1:8

Ma biste tiro lab, hoy dal tou leske, har tou penal: T'mer te phagenn mantsa, palle tradau me t'men dran t'maro them, oun t'mer hounte djivenn mank vavar menshende.

Debleskri gili 106:27

oun tradell lengre čaven an vavar themma, te djivenn yon mank vavar menshende.

Sikepaskro 12:5

Tout hi traash glan i treppa. Oun ap o drom nay pereh. Tire balla venn parno. Oun tou tserdeh tout yek rigyatar ap i vavar. Tout hi bouder gar boud bok. O mensho hounte djal peske kote, kay ačell lo hako tsiro. Oun i vavar paskrenn les oun rovenn ap o drom.

Jeremia 13:24

Doleske tradau t'men kate te kote, te ačenn gar bouder khetne, yaake har phourdell o dourho dran o moulo tato them o phouss kate te kote.

Jeremia 24:10

Me anau kourepen, bok oun nasslepen mank lende, bis te kek lendar pral ačas an kava them, hoy dom len oun lengre phourende.

Jeremia 25:27

Oun o baro Devel penas mange: Pen lenge: Kova hi, hoy penell o baro Devel, ko ray pral o bolepen oun i phoub, kones i Israelitarya an-mangenn: Piyenn, te venn mato oun hounte čadenn, bis te perenn tele oun nay stenn gar bouder pre! Perenn an o rharo, hoy bičrau mank t'mende!

Jeremia 29:17

O baro Devel, ko ray pral o bolepen oun i phoub penell: Me bičrau kourepen, bok oun nasslepen mank lende, oun krau lentsa, har te vans le djoungele fayge, hoy nay rhal kek.

Jeremia 44:27

Me dau garda, te vell bibarht ap lende oun kek barht: Koon dran o them Youda hi, oun an o them Egiptia vas, kova merell o rhareha oun i bokatar, bis te hi kek lendar bouder koy.

Jeremia 7:29

Čin tire lengste balla tele, oun vitse len toutar krik! Gib i ropaskri gili ap i berge! O baro Devel hi rhoyedo pral kal menshende, oun tradell len pendar krik, oun kamell lendar či te djinell.

Jeremia 8:19

Dran o tselo them shounau me, har denn mire menshe gole. Kamell o baro Devel bouder gar o Devel an Sion te vell? Hi o fores Sion bouder kek baro ray? Hoske kran yon man yaake rhoyedo [penell o baro Devel], har mangan le pengre figuren oun rhorhene deblen an, kay kekeske ap i rig venna?

Ezekiel 11:17

Me, o baro Devel, lengro ray, lau len khetne dran kol tsele themma oun natsyone, an kolende yon tradedo van, oun dau len o them Israel pale.

Ezekiel 12:15

Palle, te tradom len an vavar themma oun mank vavar menshende, dikenn oun hayvenn le, te hom me o baro Devel.

Ezekiel 14:17

Te moukoms me i kourepen vin te phagell an ko them, oun moukoms menshen oun firhen kote moulo te dell,

Ezekiel 20:23

Me hadom miro vast pre, oun dom man sovel kote an o moulo tato them, te tradap len an vavar themma oun mank vavar menshende,

Ezekiel 27:2

Tou mensho, gib i ropaskri gili pral o foro Tirus!

Ezekiel 5:12

O triinto kotar t'mendar merell ap i pharo nasslepen oun i bokatar. Oun i triinto kotar t'mendar vell glan o foro o rhareha moulo dino. Oun i triinto kotar t'mendar tradau vin ap hake rigya, oun me lau len palla o rhareha.

Ezekiel 5:2

Ap ko tsiro, kay vell o foro dren lino, rhače yek triinto kotar foun kol balla mashkral an o foro. Oun i vavar triinto kotar de ko rhareha paash vin glan kol foreskre voudya. Oun ko vavar triinto kotar vitse pre, te lell len o dourho peha! Yaake lau me i menshen dran Yerusalem palla o rhareha.

3. Mose 26:33

T'men tradau me mank i menshende an i vavar themma, oun lau t'men o rhareha palla. T'maro them vell i moulo them, oun t'mare foryendar ačell či pral har barra.

Amos 5:16

Oun pral t'mari doosh penell o baro Devel, ko ray pral o bolepen oun i phoub: Ap i tsele platse venn ropaskre gilya shounlo, oun ap i tsele dromma denn le gole: Havi grerha, havi grerha! Ninna i harhe venn dren gole dino, te rovenn le pral kolende, kay meran. Oun lauter, kay ropaskre gilya hayvenn, venn kharedo, te givenn le ropaskre gilya!

Micha 2:4

An ko tsiro givenn le i sapaskri gili pral t'mende, oun krenn t'men palla, har t'mer rovenn: “Halauter hi nashedo. Mer ham khetne maredo! Maro them las o Devel mendar, oun das les kolende, kay lan men pandlo.”

Zakarie 7:14

Doleske tradom len an vavar themma, hoy prindjran le gar. Oun lengro them vas mouklo. Kek boudras oun djivas bouder gar koy. Yaake kran le dran kava lačo them i moulo them.

5. Mose 28:25

O baro Devel krell, te venn kolla zorleder har t'mer, kay kourenn pen t'mentsa. Ap yek drom djan t'mer ap lende pre, oun ap hake rigya hounte nashenn t'menge lendar. Oun i menshenge an hake themma ap i phoub ačell o rakepen krik i trashatar, te dikenn le, har t'menge djala.

5. Mose 28:36

O baro Devel tradell t'men oun ko rayes, koles t'mer pral t'mende čivan, pash i menshende an i vavar them, kay t'mer an kek tsiro djivan, vitar gar t'mare phoure. Oun kote mangenn t'mer oun barrengre deblen an.

5. Mose 28:64

Oun yob tradell t'men mank i menshende an i tsele themma ap kay phoub, kolen kate, oun kol vavaren kote. Lengre deblen dran kasht oun bar mangenn t'mer kote an. Kol deblen prindjrenn t'mer gar oun prindjran vitar gar t'mare phoure.

5. Mose 32:26

Te daroms me gar o sapen kolendar, kay hi rhoyedo pral lende, penoms me: “Me marau len halauteren, te vell lengro lab bistedo ap i phoub.” Kova krau gar, te phourdenn pen kolla gar pre, kay kouran pen lentsa, te nashte penenn yon gar: “Dran mari zoor vas kova. O baro Devel kras kava gar.”

5. Mose 4:27

O baro Devel tradell t'men mank i menshende an i tsele themma, yekes kate oun ko vavares kote. Gar boud menshe ačenn t'mendar djido mank kol menshende an i vavar themma, kay o baro Devel t'men tradas.

Jakobo 1:1

Kava liil činau me, o Yakobo, kova, kay boudrell o Yezous Kristeske oun o Debleske. Me penau lače laba kolenge, kay patsenn ap o Yezous Kristeste oun djivenn mashkral kolende, kay gar patslo hi.