Jeremia 9:10 - O Debleskro Lab 2024 (Sinte-Manouche)

¹⁰ O baro Devel penell: Me kamau Yerusalem tele te phagell, yaake te ačenn kokres barra pral, oun kay divye djoukle dren djivenna. Oun dran kol forya an Youda krau i moulo them, kay nay djivell kek bouder dren.

O Debleskro Drom 2021 (Sinte)

¹⁰ O baro Dewel penell: Me kamau Jerusalem tele te phagell, jaake te atchenn kokres barra pral, un kai diwje djukle dren djiwenna. Un dran kol forja an Juda krau i mulo them, kai nai djiwell kek buder dren.

Jeremia 9:10 Iomraidhean Croise

Jesaja 41:15

Yaake har dell i harho o djob vin peskro činepaskro vourdineha, yaake krau toutar i nevo činepaskro vourdin, koles sasterne danda hi har čourya, te dess i berge khetne, te venn le čik, oun i tikne berge har phouss, hoy i dourho krik phourdell.

Jesaja 49:19

Čačepah, i gaba oun forya an tiro them van paash dino oun tele rhačedo. Oun bouder gar boud menshe djivenn koy. Ko tsiro vell, kay hi kava them gar bares doha kol boud menshenge, kay djivenn kote. Oun kolla, kay kaman tout pre te rhal, ačenn dour krik toutar.

Jeremia 12:10

Boud raya dran vavar themma van, oun kran miro drakengro them paash, oun stakran miro kotar phoub khetne. Dran miro shoukar kotar them kran yon i moulo them.

Jeremia 12:11

Hi ropaske, har paash ko them glan mande čiddo hi, kek djivell bouder koy. O tselo them hi paash, oun kek khaytell les.

Jeremia 12:4

I rah tsiro hi kava them kek brishineha, oun ko tselo zenlepen meras tele. I firhe oun i čirkle meran. Kova lauter vas dran o čilačepen kol menshendar, kay kate djivenn. Yon penenna: O Devel dikell gar, hoy krah.

Jeremia 14:6

Kol divye bourike hi tardo ap nange berge, oun lenn pharo dourho, har divye djoukle, kay troushenna. Yon hatsenn kek zenlepen bouder, oun lengre yaka venn korelo.

Jeremia 2:15

O levo dell gole pral leste, dell zorelo gole oun krell leskro them paash. Oun leskre forya venn pre rhačedo yaake, kay nay djivenn kek koy dren.

Jeremia 2:6

Oun poučan pen gar: Kay hi o baro Devel, kay anas men dran o them Egiptia vin, oun djas glan mende an o moulo tato them, an ko divyo oun trouk them, kay či har santa oun barra hi, kay kek drom hi, oun kek mensho djivell?

Jeremia 23:10

O tselo them hi pherdo kolentsa, kay moukan o baro Debles. Doleske hi i praasepen ap o them čiddo: Kek brishin dell, oun o zenlepen merell tele. Či har čilačepen hi an lengro shero, oun an o rhorhepen hi le zorelo.

Jeremia 50:3

Lourde venna dran ko them, hoy kote hi, kay norden hi, oun djan an o kourepen lentsa. Kolla krenn, te vell lengro them i moulo them, yaake kay kek nay djivell kote. I Menshe oun i firhe hounte nashenn penge dran ko them.

Jeremia 7:29

Čin tire lengste balla tele, oun vitse len toutar krik! Gib i ropaskri gili ap i berge! O baro Devel hi rhoyedo pral kal menshende, oun tradell len pendar krik, oun kamell lendar či te djinell.

Jeremia 8:18

Miro dji phagell. Man hi ropaske. Hoy nay krell man pale zorelo?

Ropaskre gilja 1:16

Doleske rovau, oun mire yaka hi pherde sva. Man hi kek, kay penell mange lače laba, te lell miro dji pale nevi zoor. Mire čave hi kokres koy tardo, Kolla, kay dan men khetne, van i zorleder.

Ropaskre gilja 2:11

Mire yaka hi pherde sva, i douk an mande rhačella. Miro dji phagell, te dikau koy bibarht, hoy pral i menshende an miro them vas. Kol terne čave oun ternepen merenn i bokatar ap i dromma an o foro.

Ropaskre gilja 5:18

te dikah mer ap i berga Sion, kay li yaake moulo koy čiddo hi, oun i divye djoukle pral late nashenna.

Ezekiel 14:15

Te anoms divye firhen an o them, kay marenn kolen, kay kote djivenn, oun o tselo them vals i moulo them, kay kek bouder ap o drom hi i daryatar kol divye firhendar,

Ezekiel 27:2

Tou mensho, gib i ropaskri gili pral o foro Tirus!

Ezekiel 29:11

An o tselo them Egiptia djal bouder kek mensho trouyel, vitar kek firho. 40 (Star-deesh) bersha djivell bouder kek an o them.

Ezekiel 33:28

Oun me krau o them, te vell lo i vi-meredo them, te nay venn t'mer bouder gar pre-phourdo oun zorelo. I berge an Israel venn i moulo them, kay bouder kek pral vergel djal.

Ezekiel 6:6

An o tselo them ačell t'mare foryendar či har barra pral. T'mare moulne platse venn paash kerdo, oun i rhačepangre tele phagedo, te ačell lendar či har barra pral. T'mare rhorhene debla venn khetne dino, oun nay venn bouder gar an-mangedo. Oun kol boba, kay soungepaskro koova rhačran, venn tele dino. Kova, hoy kran t'menge, hi kanna paash.

Hosea 4:3

Doleske troushell o them, oun i menshe merenn; ninna i divye firhe, i čirkle oun i mače hounte merenn.

Joel 1:13

T'mer rashaya, kay han tardo pash o Debleskri rhačepaskri, rivenn t'men an gone, oun denn gole i bibarhtyatar! Ninna ratsyake rivenn ko gono gar vin, t'mer, kay boudrenn miro Debleske! Hi kek djob koy oun kek mool, hoy nay anans t'maro Debleske an leskro kheer.

Joel 1:19

Baro Devel, ap toute dau gole! I yag rhačras o khass an o divyo them, oun i tsele rouka an o veesh.

Amos 5:1

Shounenn t'mer menshe an Israel, shounenn koy ropaskri gili, hoy givau pral t'mende:

Amos 5:16

Oun pral t'mari doosh penell o baro Devel, ko ray pral o bolepen oun i phoub: Ap i tsele platse venn ropaskre gilya shounlo, oun ap i tsele dromma denn le gole: Havi grerha, havi grerha! Ninna i harhe venn dren gole dino, te rovenn le pral kolende, kay meran. Oun lauter, kay ropaskre gilya hayvenn, venn kharedo, te givenn le ropaskre gilya!

Micha 2:4

An ko tsiro givenn le i sapaskri gili pral t'mende, oun krenn t'men palla, har t'mer rovenn: “Halauter hi nashedo. Mer ham khetne maredo! Maro them las o Devel mendar, oun das les kolende, kay lan men pandlo.”

Micha 3:12

Doleske vell o Debleskro foro trouyel vitsedo har i harhetikri phoub. Oun an o foro Yerusalem ačell kek bar ap o vavar. Ap i berga, kay o Debleskro kheer tardo hi, venn divye bourra baro. Kova lauter vell yaake dran t'mari doosh.