Jeremia 8:7 - O Debleskro Lab 2024 (Sinte-Manouche)

⁷ O storko tel o bolepen djinell peskro tsiro, oun kol vavar čirkle rikrenn o tsiro dren, kay venn le pale.

O Debleskro Drom 2021 (Sinte)

⁷ O storcho tel o bolepen djinell peskro tsiro, un kol wawar tchirkle rikrenn o tsiro dren, kai wenn le pale.

Jeremia 8:7 Iomraidhean Croise

Kamlepaskri gili 2:12

I bloume djan pre an o them, O tsiro o gipaske hi koy, oun i čirkle moukenn pen te shounell an maro them.

Jesaja 1:3

Haki groumni prindjrell koles, koneske yoy hi. Oun haki bourika djinell koy platsa, kay lakro ray dell lat te rhal. O Israel prindjrell kova gar. Mire menshe hayvenn kova gar.

Jesaja 27:11

Oun lengre kashta venn trouk oun phagenn tele. Oun djouvya venn oun lenn len, te krenn le i yag. Kal menshe hayvan či. Doleske vell koles, kay len kras, kek dji lenge, oun hi lenge gar lačo.

Jesaja 5:12

Yon moukenn penge mishto te djal oun krenn bashepen ap doryengre bashepangre oun phourdepangre oun vavar bashepangre. Oun mool hi ninna pashel. Ap kova, hoy o baro Devel krell, dikenn le gar. Kolestar kamenn le či te djinell.

Jeremia 4:22

O baro Devel penell: Mire menshe hi divyo, oun patsenn man gar. Dinelo hi le, man prindjrenn le gar. Har dinele čave hi le, kay či hayvenn. Gosevo doha hi le, te krenn le čilačepen. Har yon lačepen krenna, djinenn le gar.

Jeremia 5:6

Doleske venna leve dran o veesh oun marenn len; divye djoukle dran o divyo oun trouk them dandrenn len an kotya, oun bare divye margodje lourenn glan lengre forya. Hakeno, koon vin vella, vella an kotya dandedo. Lengri doosh hi boud oun phari. Boud kope djan le mandar krik.

Habakuk 1:4

O čačepen nashrell peskri zoor, oun vell bouder gar vin rakedo. Kova hoy i čačepangre morsha penenn, dell i čilačenge čačo oun gar i lačenge. Yaake vell dran o čačepen rhorhepen.

Zakarie 5:9

Oun me dikom pre oun dikom douy djouvyen, kay van pash mande. Kolen his moussya har kol bare čirkle, hoy kharenn storke. Oun o dourho djas an lengre moussya oun tradas len glan. Oun kal djouvya hidjran koy korba mank i phoub oun o bolepen krik.