Jeremia 8:13 - O Debleskro Lab 2024 (Sinte-Manouche)

¹³ Te kamau pash mire menshende lačepen te hatsell, hom har i harho, kay kamell drake oun fayge dren te lell, oun kay hatsell kek drake oun kek fayge ap i rouka. Ninna kol patria peran tele, penell o baro Devel. Doleske dom kal menshen pre. Vavar menshe lenn penge lengro them.

O Debleskro Drom 2021 (Sinte)

¹³ Te kamau pash mire menshende latchepen te hatsell, hom har i hacho, kai kamell drake un faige dren te lell, un kai hatsell kek drake un kek faige ap i ruka. Ninna kol patria peran tele, penell o baro Dewel. Doleske dom kal menshen pre. Wawar menshe lenn penge lengro them.

Jeremia 8:13 Iomraidhean Croise

Jesaja 5:10

Ap deesh hektarya drakengro them venn drake bares, hoy denn gar boudeder har orhta litarya mool. Oun sheel kilogramme djob, hoy vi-vitsedo van an i phoub, anenn gar boudeder har deesh kilogramme djob.

Jeremia 14:12

Yon nay rikrenn pen pale o rhapastar, oun rovenn ap mande yaake boud har kamenn le, me shounau len gar. Ninna te rhačrenn yon mange firhen oun rhapen, dikau gar lačes ap lende. Me marau len an o kourepen, ninna i bok oun o nasslepen marenn le.

Jeremia 14:15

Kova hi, hoy me, o baro Devel, krau ap kol rakepangre, kay penenn, te rakrenn le an miro lab, ninna te bičrom len gar. Yon penenn ninna, te vell kek kourepen oun kek bok an kava them. Save rakepangre hounte merenn an o kourepen oun i bokatar.

Jeremia 17:8

Kova hi har i rouk, kay pash o pani tardo hi, oun čivell peskre draba an o pani. Ninna te vell o baro tatepen, hi les kek traash. Leskre patria ačenn zenelo. Te vell i bersh, kay dell kek brishin, hounte vell les kek daar. Yob moukell gar tele, te hidjrell lo roukengre.

Jeremia 5:17

Yon rhan tiro djob oun tiro maro, tire čaven, tire čen, tire bakren oun groumyen, tire drake, tire faygetikre rouka. T'mer patsenn, te djal t'menge či an t'mare zorele forya. Kolen lenn yon t'mendar o rhareha krik.

Jeremia 7:20

Doleske penell o baro Devel, maro ray: Miri bari rholi vell pral kava foro, pral i menshende oun pral i firhende, pral kol rouka an o veesh oun pral ko djob an kava them. Miri rholi hi har i yag, hoy kek nay krell vin.

Ezekiel 22:31

Doleske čorau miri rholi vin pral lende. Miri tati rholi vell pral lende har i yag, oun yon merenn. Yaake anau lengro čilačepen pale ap lengro shero. Kova penell o baro Devel, maro ray.

Hosea 2:12

Glan lakre pirnengre yaka rivau lat nanges vin. Oun kek nay lell lat dran miro vast vin.

Joel 1:7

Či hi bouder ap mare drakengre rouka, kek patria hi bouder ap mare faygetikre rouka. Ninna lengro kasht hi nango oun parno, lauter hoy ap lende his, rhan le tele.

3. Mose 26:20

T'mari phari boudi hi čičeske. Ap t'mari harhetikri phoub vell či bares. Oun i rouka an o them hidjrenn kek roukengre.

Habakuk 3:17

O faygetikro rouk hi gomme gar zenelo, oun ap i drakengre rouka hi kek drake. O djeteskro rouk hidjrell kek djeteskre drake. oun ap i harhetikri phoub vell kek djob baro. Kek bakre hi vin, oun kek groumya hi tarde an i stanya.

Haggai 1:11

Doleske penom, te vell kek brishin pral t'maro them, pral i berge, pral o them, kay o djob, i drake oun i djeteskre rouka bares venna, oun pral halauter, hoy dran i phoub vell, ninna pral i menshende oun i firhende. Kova, hoy t'mare vastentsa krenn, djal t'menge bouder gar mishto.

Haggai 2:17

Me rikrom o brishin pale, t'maro djob meras tele, brishineskre barra moukom ap t'mari harhetikri phoub te perell. Pal ko tselo koova van t'mer gar pale pash mande, oun mangan t'men gar tele pash mande.

Maleachi 3:11

Oun me rikrau i stepangren dour krik t'mari phoubyatar, te rhan le gar kova pre, hoy kote baro vas. Oun t'mare drakengre rouka venn pherde drake. Ko penell o baro Devel, ko ray pral o bolepen oun i phoub.

Mateo 21:19

Oun har yob i faygetikro rouk dikas, djas lo kote oun hatsas či har i patria kokres ap leste. Koy penas lo ap ko rouk: “Kek tsireske venna pale fayge ap toute!” Oun ap yek kopo meras kava rouk tele.

Jakobo 1:11

O kham djal pre oun rhačrell o zenlepen. Oun koy blouma perell tele, oun nashrell peskro shoukapen. Yaake har koy blouma, yaake merella ninna ko bravelo ap peskro drom.