Jeremia 7:9 - O Debleskro Lab 2024 (Sinte-Manouche)

⁹ T'mer han čorepangre oun marepangre, kay denn vavaren moulo, t'mer morsha rhorhenn t'mare romyen vavar djouvyentsa, t'mer djouvya, rhorhenn t'mare romen, vavar morshentsa, t'mer denn t'men sovel oun rikrenn koya gar dren, t'mer rhačrenn firhen o rhorheno debleske Baal oun nashenn pal vavar deblende.

O Debleskro Drom 2021 (Sinte)

⁹ Tumer han tchorepangre un marepangre, kai denn wawaren mulo, tumer mursha chochenn tumare romjen wawar djuwjentsa, tumer djuwja, chochenn tumare romen, wawar murshentsa, tumer denn tumen sowel un rikrenn koja gar dren, tumer chatchrenn viechen o chocheno debleske Baal un nashenn pal wawar deblende.

Jeremia 7:9 Iomraidhean Croise

1. Rajengro liil 18:21

Har yon lauter khetne his, djas o Eliya glan i tsele Israelitaryen oun penas: “Har dour kamenn t'mer gomme ap douy rigya te djan? Hi o baro Devel o čačo Devel, palle nashenn leske pal, te hi o Baal, palle nashenn leske pal!” I menshe penan leske kek lab pale pale.

2. Mose 20:3

Oun tout vell kek vavar Devel har man.

Jesaja 1:13

Ma anenn bouder kek rhapen rhačepaske! Kova hi čičeske. Ma rhačrenn mange bouder kek soungepaskro koova! Man hi o nak doha. T'mer venn mange khetne ap o nevo čon, ap o Debleskro dives oun ap vavar bare divessa. Kova hi mange gar mishto, yaake rah har moukenn t'mer gar t'maro djoungelo koova.

Jesaja 58:2

Yon venn hako dives, har te rodans le man, oun penenn, te kamans le mire dromma te djinell, har te vans le menshe, kay o čačepen krenn, oun pengro Debles gar moukan. Oun yon kamenn, te krap me o čačepen lenge vin, oun te vap pash lende.

Jeremia 1:16

Oun me dau i menshen an Youda i phagi lengro čilačepaske, hoy yon kran. Yon djan krik mandar oun anan firhen vavar deblenge oun mangan kol figuren an, hoy le pengre vastentsa kran.

Jeremia 11:13

Yaake boud forya t'men hi, yaake boud deblen hi t'men, t'mer menshe an Youda. Oun yaake boud dromma an Yerusalem hi, yaake boud rhačepangre kran t'mer, kay rhačrenn firhen o djoungelo debleske Baal.

Jeremia 11:17

Me, o baro Devel, ko ray pral o bolepen oun i phoub, krom dran o kheer Israel oun dran o kheer Youda i natsyona. Oun yon kran čilačo koova oun rhoyran man, har rhačran le firhen o debleske Baal. Doleske dau len trad, te vell bari bibarht pral lende.

Jeremia 13:10

Kalla čilače menshe, kay kamenn mire laba gar shounell, djan pal pengro shero, oun djan vavar deblenge pal, anenn lenge firhen, oun mangenn len an. Yon hounte venn har ko pereskro pandepen, hoy bouder či molella.

Jeremia 18:15

har mire menshe man bistran. Yon anenn firhen oun soungepaskro koova kol deblenge, kay kek hi. Kolla anan len o phoureder drom tele, oun moukenn len ap i djoungele dromma te djal.

Jeremia 19:4

Mire menshe moukan man oun kran kava kotar them pale-čiddo, har rhačran le soungepaskro koova vavar deblenge, kolen prindjrenn yon gar oun vitar gar lengre phoure. Ninna kol bare raya pral o them Youda prindjran len gar. An kava foro maran le menshen, kay kek čilačepen kran.

Jeremia 32:29

Oun kol lourde dran o them Babilonia, kay troul kava foro tardo hi, venna dren, oun rhačrenn kava foro tele kol tsele kherentsa, kay vas ap i dache soungepaskro koova rhačedo o rhorheno debleske Baal, oun mool vin čoredo kol vavar rhorhene deblenge. Doleske vas i rholi an mande.

Jeremia 44:3

Oun kova krom doleske, kay yon boud čilačepen kran, oun yon man rhoyedo kran, har mangan le vavar deblen an, oun rhačran lenge soungepaskro koova. Kolla his save debla, kolen yon glan kova gar prindjran, vitar gar t'mer oun vitar gar t'mare phoure.

Jeremia 44:8

T'mer rhoyrenn man koleha, hoy krenn kote an o them Egiptia, kay djan, te djivenn koy. T'mer rhačrenn soungepaskro koova vavar deblenge. Kamenn t'mer halauter te merell? Kamenn, te praasenn t'men i menshe dran i tsele vavar themma oun san pral t'mende?

Jeremia 44:9

Bistran t'mer koy doosh, hoy t'mare phoure ap pende anan, i doosh i bare rayendar dran o them Youda, oun i doosh lengre romyendar, ninna t'mari doosh, kay anan pral t'mende, oun ko čilačo koova, hoy t'mare romya kran an o them Youda oun ap i dromma an o foro Yerusalem?

Jeremia 48:35

Me, o baro Devel, kamau bouder gar, te djan i Moabarya ap i moulne platse, te rhačrenn le firhen pengre deblenge. Me moukau kova bouder gar te krell.

Jeremia 5:2

Ninna te denn yon pen sovel pash o djido Debleste, hi kova rhorhepen.

Jeremia 5:7

Hoske bistrap i doosh mire menshendar? Yon djan mandar krik, oun denn pen sovel pash koleste, kay kek devel hi. Har me len čalo krom, phagan le mantsa, oun djan an i loubyengro kheer.

Jeremia 7:6

Ma rikrenn kolen tele, kay hi dran i vavar them, vitar gar kol čaven, kay len kek dad bouder hi, oun kol romyen, kay len kek rom bouder hi! Ma denn kol menshen ratles, kay kek čilačepen kran! Ma nashenn vavar deblenge palla. Yon anenn t'men an i bibarht.

Ezekiel 18:18

Leskro dad, kova, kay rhorhras i vavaren, oun las peske zoryah, hoy i vavares hi, oun kras vavar čilačo koova mank peskre menshende, kova hounte merell ko tselo čilačepaske, hoy lo kras.

Ezekiel 20:30

Doleske pen ap i Israelitarya: Kava penell o baro Devel, maro ray: Kamenn t'mer har t'mare phoure te krell, kay mantsa phagan, oun djoungele figuren an-mangan? Oun doleske van le pale-čiddo. Kamenn t'men ninna pale-čiddo te krell?

Ezekiel 5:11

T'mer kran miro kheer pale-čiddo kol rhorhene deblentsa oun djoungelo koveha, hoy kote kran, penau me, o baro Devel, t'maro ray. Doleske dau man sovel, me o djido Devel, te dap t'men paash. T'mer khaytenn man bouder gar oun me krau miro dji bouder gar t'menge pre.

Hosea 2:13

Me krau, te venn i Israelitarya bouder gar barhteles khetne ap kol bare divessa. Ap kek Debleskro dives, ap kek dives, kay vell o nevo čon diklo, oun ap kek vavar baro dives venn le bouder khetne.

Hosea 6:9

Oun i rashaya krenn pen khetne har čorepangre, kay lourenn an o khatepen, te vell yek, koles nay le vin randenn. Ap o drom an o foro Sichem marenn le. Savo čilačo koova krenn le!

Amos 4:5

Anenn shoutlo maro o Debleske, te parkrenn pen pash leste! Denn vin gole, te anenn i menshe pendar čomone o Debleske! Oun palle denn vin gole, hoy hakeno anas. Savo koova kamenn t'mer yaake, t'mer Israelitarya! Kova penell o baro Devel, maro ray.

Zefanja 1:5

Me marau lauteren, kay pral ap pengre khera i bolepangre momlia an-mangenn. Ninna kolen marau, kay vitsrenn pen tele glan mande, oun denn pen sovel ap mande, oun ap i vavar rig denn le pen sovel ap ko moulo debleste, kay kharell Milkom.

Maleachi 3:5

Oun me kamau pash t'mende te vell, te vap t'maro čačepaskro ray. Oun mange nay patsenna, me rakrau o čačepen vin pral i menshende, kay hadenn man gar: kolla, kay dourkrenna, kol morsha, kay rhorhran pengri romyat, oun kol djouvya, kay rhorhran pengri romes, kolla, kay phagenn pengri sovel, oun kolla, kay djan djoungeles kolentsa trouyel, kay boudrenn lenge, oun kolla, kay rhorhenn kol djouvyen, kolengro rom meras, oun kolla, kay rhorhenn kol čaven, kolen bouder kek dad hi, oun kolla, kay rikrenn kol vi-themaryen tele, kay djivenn mashkral t'mende. Ko penell o baro Devel, ko ray pral o bolepen oun i phoub.

Remarja 2:2

Mer djinah, o Devel djal pal o čačepen, te dell lo kolen i phagi, kay savo čilačo koova krenna.

5. Mose 32:17

Yon anan firhen save deblenge, kay kek debla hi. Kolen prindjran yon glan kova gar. Kolla van neves pre. I phoure mangan len gar an.

Debleskro tsiro 21:8

Kol vavar djan an i bari yag, hoy zoreles rhačella oun khandella. Kote merenn le o douyto kopo. Yon hi kolla, kay i daryatar gar mantsa djan, kolla, kay phoukran ap pengro patsepen, kolla, kay djoungelo koova kran, kolla, kay maran vavaren, kolla, kay loubran pen trouyel, kolla, kay bengeskro koova kran, kolla, kay mangan vavar koova an har o Debles, oun i tsele rhorhene.

Debleskro tsiro 22:15

Vin hi kolla, kay moukan o Debleskro drom, kolla, kay kran bengeskro koova, kolla, kay loubran trouyel, kolla, kay maran vavaren, kolla, kay mangan vavar koova an har o Debles, oun hakeno, kay kamell oun krell o rhorhepen.

Čačepangre 5:8

Mire menshe rodan penge vavar debla! Kote vas o kourepen glan lengre voudya. Oun pash 40.000 (star-deesh-zerya) morsha an Israel vas kek rharo hatslo, vitar kek shilto.