Jeremia 7:34 - O Debleskro Lab 2024 (Sinte-Manouche)

³⁴ Oun o them Youda vell i moulo them. An lengre forya oun ap kol dromma an Yerusalem givell oun sal kek bouder i barhtyatar. Oun koy barhteli gole o pirnestar oun i pirnyatar shounah mer bouder gar.”

O Debleskro Drom 2021 (Sinte)

³⁴ Un o them Juda well i mulo them. An lengre forja un ap kol dromma an Jerusalem giwell un sal kek buder i bachtjatar. Un koi bachteli gole o pirnestar un i pirnjatar shunah mer buder gar.”

Jeremia 7:34 Iomraidhean Croise

Hiob 3:7

Kek djouvel te vell vavarčandes an koy rat, Kek te dell gole i barhtyatar an koy rat!

Debleskri gili 78:63

I terne morshen rhas i yag. Oun i terne ča nay hatsan bouder kek romes.

Jesaja 1:7

T'maro them hi i moulo them, t'mare forya van tele rhačedo. Glan t'mare yaka rhan i vi-themarya kova, hoy ap t'mari phoub bares vas. Lauter hi moulo oun paash, har te perans i divye koy pral.

Jesaja 3:26

I menshe an tiro foreskre voudya, Yerusalem, denn palle gole oun rovenn. Oun o foro hi palle vi-čoredo oun mouklo.

Jesaja 6:11

Oun me poučom: “Har rah, ray?” Oun yob penas: “Bis te bouder kek menshe an i forya djivenn, vitar kek mensho an i khera, oun ko harhetikri phoub har i moulo them vas.”

Jeremia 16:9

O baro Devel, ko ray pral o bolepen oun i phoub, kay ninna o Israeleskro Devel hi, penell: Me moukau o tsiro te vell, kay khelell oun givell kek bouder i barhtyatar an o them Youda. I barhteli gole o pirnestar oun leskri pirnyatar shounenn bouder gar. Kova vell glan t'mare yaka oun yaake rah har djivenna.

Jeremia 22:6

Oun kova hi, hoy o baro Devel penell pral o kheer o baro rayestar pral o them Youda: Ninna te kamau kava kheer yaake har i vesha an o them Gilead oun i berge Libanon, krau kava foro har i moulo foro, kay kek bouder djivell.

Jeremia 25:10

Me krau, te dell bouder kek barhtelo gipen. Oun koy barhteli gole o pirnestar oun i pirnyatar shounenn bouder gar. Vitar gar shounenn t'mer, har i djouvya djob tiknes krenna mank douy barra. Oun kek momeli rhačell an t'mare khera.

Jeremia 27:17

Ma denn garda ap lengre laba! Moukenn o baro rayes dran Babilonia t'maro ray te vell! Palle ačenn djido! Hoske te vell kava foro i moulo foro?

Jeremia 33:10

Kova penell o baro Devel: T'mer penan: Kava them hi i moulo them, kek menshe oun kek firhe djivenn kote. Djinenn, kal forya an o them Youda oun i dromma o forestar Yerusalem, kay kanna yaake paash dino hi, te hi kote bouder kek mensho oun kek firho dren,

Jeremia 33:11

kote vell pale sapen shounlo oun barhteli gole. O pirno oun leskri pirni, kay i biyab krenn, givenn pale. Oun vavar anenn firhen an miro kheer, te parkrenn le pen pash mande, oun givenn koy pashel: Parkrenn t'men pash o baro Debleste, ko rayeste pral o bolepen oun i phoub; yob hi kamles ap mende. Hako tsiro hi leskro lačepen menge koy. Me krau te djal kava themeske pale yaake mishto, har leske glan kova djas.

Jeremia 4:26

Me dikom pal ko lačo them. Kova vas i moulo them. Oun i tsele forya his paash čiddo glan o baro Debleste oun leskri zoreli rholi.

Jeremia 4:27

O baro Devel penas: Ninna te vell kay tseli phoub har i moulo them, kamau gar lauter paash te krell.

Jeremia 44:6

Doleske vas miri rholi yaake baro, oun rhačas har i yag an i forya an o them Youda oun ap i dromma an o foro Yerusalem, te ačas lendar či har barra pral. Oun kek nay djivell kote, yaake har ap kava dives hi.

Ropaskre gilja 5:14

I pralstoune hi bouder gar beshdo an o foreskro voudar. Oun i terne morsha bashrenn bouder gar ap i doryengre bashepangre.

Ezekiel 26:13

Me krau, te vell bouder kek gipen an toute shounlo, vitar kek doryengro bashepen.

Ezekiel 7:11

Kolla, kay djan čilačes i vavarentsa trouyel, van čilače raya. Či ačell lendar pral. Lengro bravlepen ačell gar, vitar gar lengro raylepen oun an-dikepen.

Hosea 2:11

Doleske kamau miro djob oun mire drake pale te lell an ko tsiro, kay le baro van, oun dren anlo vans. Ninna lau latar mire bakrengre balla, oun miro layntikre thaba lakre ripyenge.

Hosea 2:13

Me krau, te venn i Israelitarya bouder gar barhteles khetne ap kol bare divessa. Ap kek Debleskro dives, ap kek dives, kay vell o nevo čon diklo, oun ap kek vavar baro dives venn le bouder khetne.

3. Mose 26:33

T'men tradau me mank i menshende an i vavar themma, oun lau t'men o rhareha palla. T'maro them vell i moulo them, oun t'mare foryendar ačell či pral har barra.

Micha 7:13

An ko tsiro hi i phoub i moulo them dran kova, hoy i menshe ap late kran.

Debleskro tsiro 18:23

I tsele momlia djan vin. Oun kek krella pale i momeli an. Tou shouneh bouder kek pirno peskri pirnyah khelell oun givell. I bikepangren oun i parepangren an ko foro his boud penepaske ap kay phoub. Oun ko bengeskro koova, hoy kran le an o foro, anas i menshen an i tsele themma ap o bengeskro drom.