Jeremia 7:32 - O Debleskro Lab 2024 (Sinte-Manouche)

³² “Doleske vell ko tsiro”, penell o baro Devel, “kay penenn le gar bouder Tofet oun Ben Hinnom ap koy tala. Palle kharell koy tala tala, kay van le maredo. Kote paskrenn le pengre moulen, kek vavar platsa hi bouder koy.

O Debleskro Drom 2021 (Sinte)

³² “Doleske well ko tsiro”, penell o baro Dewel, “kai penenn le gar buder Tofet un Ben Hinnom ap koi tala. Palle kharell koi tala ‘tala, kai wan le maredo’. Kote paskrenn le pengre mulen, kek wawar platsa hi buder koi.

Jeremia 7:32 Iomraidhean Croise

2. Rajengro liil 23:10

O Yosia kras ninna koy platsa pale-čiddo, hoy kharella Tofet, oun hi an i tala Hinnom čiddo. Kova kras lo, te nay rhačrell kek peskro čaves vitar gar peskri čay an i yag o rhorheno debleske Molok.

Jeremia 19:11

Pen ap lende: Kova penell o baro Devel, ko ray pral o bolepen oun i phoub: Me dau paash kal menshen oun kava foro, har deh zoryah i khoro yaake paash, kay nay kreh kova gar bouder tselo. Oun i menshe paskrenn i moulen ap i platsa Tofet, – kek vavar platsa hi lenge koy.

Jeremia 19:13

Oun kol khera an Yerusalem oun kol khera kol bare rayendar an o them Youda, kolla venn ninna pale-čiddo har koy platsa Tofet, – i tsele khera, kay yon pral pre i tsele bolepangre momelenge soungepaskro koova rhačran oun i vavar rhorhene deblenge mool vin čoran.

Jeremia 19:2

Oun dja vin an koy tala Ben-Hinnom, kay glan ko foreskro voudar hi, kay i paash-dine pirya čiddo hi. Oun pen i menshenge kol laba, hoy me touke penau.

Jeremia 19:6

Doleske vell i tsiro, kay penenn yon ap kay platsa gar bouder Tofet oun tala Hinnom. Yon penenn koy pre marepaskri platsa.

Jeremia 31:40

Oun koy tseli tala, kay i moule paskedo hi, oun i yagakri čik vin čoredo vas, tele bis pash o pani Kidron, pral bis pash o grayengro voudar, hoy ap koy rig hi, kay o kham pre djal, koy tseli tala hi o baro Debleske. Oun ko foro vell bouder gar tele phagedo oun paash kerdo – an kek tsiro.

Jeremia 7:31

Oun kran an koy tala Ben Hinnom i rhačepaskri, hoy kharell Tofet, te rhačrenn yon pengre čaven oun čen. Savo koova penom me lenge gar. Oun kova vas mange gar an o shero.

Ezekiel 6:4

Kol rhačepangre, kay firhe rhačedo venn, ninna kol boba, kay soungepaskro koova rhačedo vell, venn khetne phagedo. Oun kolla, kay t'mendar moulo dino venn, vitsrau glan t'mare rhorhene deblen ap i phoub. Oun i kokale kol moule Israelendar vitsrau troul kol rhačepangre, kay mangan kol rhorhene deblen an.

3. Mose 26:30

Me krau kol moulne platse paash, kay t'mer t'mare deblenge firhen rhačrenna. Oun kol boba, kay t'mer lenge soungepaskro koova rhačrenn, phagau khetne. T'mare moulen vitsrau ap kol paash-dine figuren, oun t'mendar kamau bouder či te djinell.