Jeremia 7:29 - O Debleskro Lab 2024 (Sinte-Manouche)

²⁹ Čin tire lengste balla tele, oun vitse len toutar krik! Gib i ropaskri gili ap i berge! O baro Devel hi rhoyedo pral kal menshende, oun tradell len pendar krik, oun kamell lendar či te djinell.

O Debleskro Drom 2021 (Sinte)

²⁹ Tchin tire lengste balla tele, un witse len tutar krik! Gib i ropaskri gili ap i berge! O baro Dewel hi chojedo pral kal menshende, un tradell len pendar krik, un kamell lendar tchi te djinell.

Jeremia 7:29 Iomraidhean Croise

2. Rajengro liil 17:20

Doleske vitsras o baro Devel kol tsele menshen Israel ap i rig, oun kras lengro djipen phares, oun das len an i vasta kol menshendar, kay lendar čoran, bis te his le dour lestar krik tradedo.

Hiob 1:20

Kote stas o Hiob pre, oun zoryah tserdas lo peskre pralstoune koola pestar tele, oun kras len paash, yaake boud doukas leskro dji. Yob činas peskre balla tele, moukas pes ap i phoub te perell oun mangas o Debles an.

Jesaja 22:12

Oun ap ko dives das o baro Devel, ko ray pral o bolepen oun i phoub gole: “Rovenn oun denn gole, činenn t'menge i balla tele, oun rivenn t'men an ripya dran gone, te sikrenn, kay khaytell t'men t'mari doosh!”

Jeremia 12:7

Me moukom mire menshen, ko kheer Israel. Kolen, kay mange vin rodom, tradom mandar krik. Kol menshen, kay o djiyestar kamau, dom an i vasta kolendar, kay kamenn len te marell.

Jeremia 14:19

Dal tou kol menshen an Youda pre? Kameh tou o forestar Sion či bouder djinell? Hoske dal tou men yaake, kay nay krell men kek bouder sasto? Mer patsam, kay vell lauter mishto. Či vas mishto! Mer kamam, te vell i tsiro, kay kova, hoy an mende nasselo hi, sasto vals. Kova vas gar. I daar vas.

Jeremia 16:6

Kol bare oun kol tikne hounte merenn an kava them, oun venn gar paskedo. Oun kek rovell pral lende. Oun kek činell pes ratles lenge oder činell peskre tsele balla lenge tele.

Jeremia 3:2

Ap havi berga hals tou gomme gar i morsheha čiddo? Ap o drom hal tou beshdo, oun loureh ap lende, har i Arabari an o moulo tato them. Oun tou kreh ko them pale-čiddo tiro vi-ladjedo oun djoungelo koveha.

Jeremia 3:21

I gole oun i ropen vell shounlo ap o pralstouno them: Kolla hi i Israelitarya, kay djivan i čilačo djipen, oun bistran lengro baro Debles.

Jeremia 47:5

Pral o foro Gaza vell o ropen, oun o foro Ashkelon vell khetne dino. T'mer, kay ačan pral o menshendar Anak, har rah kamenn t'men an o mass te činell?

Jeremia 48:37

I morsha činan o tselo baal ap pengre shere tele, ninna pengre čora, te sikrenn le, kay lenge ropaske hi. Lengre vasta hi pre činle. Oun hakeno rivas i gono pral peste.

Jeremia 6:30

Doleske venn le kharedo: Ko roup, hoy molell či. O baro Devel kamell bouder či lendar te djinell.

Jeremia 9:10

O baro Devel penell: Me kamau Yerusalem tele te phagell, yaake te ačenn kokres barra pral, oun kay divye djoukle dren djivenna. Oun dran kol forya an Youda krau i moulo them, kay nay djivell kek bouder dren.

Jeremia 9:16

O baro Devel, ko ray pral o bolepen oun i phoub, penell: Denn garda ap kova, hoy vella! Denn kol djouvyen gole, kay i baro ropen krenna! Bičrenn pal kolende, kay hayvenn ropaskre gilya te givenn!

Ropaskre gilja 5:22

Vitsral men toutar krik hako tsireske? Nay djal tiri rholi pral mende gar krik?

Ezekiel 19:1

O baro Devel penas mange: Tou, gib i ropaskri gili pral i rayende dran o kheer Israel.

Ezekiel 28:12

Tou, mensho, gib i ropaskri gili pral o baro rayeste o forestar Tirus, oun pen leske: Kava penell o baro Devel, maro ray: Ap toute vas diklo, har yek hi, koleske lauter mishto djas. Baro gosvepen his tout oun hals yaake shoukar, te djals gar shoukeder.

Amos 5:1

Shounenn t'mer menshe an Israel, shounenn koy ropaskri gili, hoy givau pral t'mende:

Micha 1:16

Tou, Youda, mouk touke i balla tele te činell, te ačenn touke kek balla ap o shero. Tire čave, kolen tou yaake kameh, venn pandlo oun toutar krik anlo.

Mateo 12:39

Kote penas lo ap lende: Har čilačo hi kol menshe, kay djivenn an kava tsiro. Yon moukan o Debles, oun kamenn i baro Debleskro koova te dikell. Oun o Devel sikrell len či vavar har kova, hoy i menshe ninna ap o Debleskro rakepaskro, o Yona, dikan.

Mateo 16:4

Har čilačo hi kol menshe, kay djivenn an kava tsiro! Yon moukan o Debles, oun kamenn i baro Debleskro koova te dikell. Oun o Devel sikrell len či vavar har kova, hoy i menshe ninna ap o Debleskro rakepaskro, o Yona, dikan. Oun o Yezous moukas len, oun djas peske.

Mateo 23:36

Čačepah, me penau t'menge: Kalla menshe, kay kanna djivenna, kolla lenna i tseli phagi.

Mateo 3:7

Ninna boud Farisarya oun Sadducarya van pash leste, te moukenn le pen lestar te taufrell. Har yob kolen dikas, penas lo ap lende: “T'mer čilače sapa! T'mer nay nashenn gar krik glan o Debleskri rholi, hoy vella pral i menshende.

Bičepangre 2:40

Oun boud vavar labentsa rakras o Petro lentsa, oun mangas len, oun penas ap lende: “Moukenn t'men vin te lell dran o čilačepen, te lenn gar koy phagi, hoy vell pral kal čilače menshende, kay djivenn an kava tsiro.”

5. Mose 32:5

T'mer moukan leskro drom, oun han bouder gar moldo te kharenn leskre čave. Pherdo čilačepen oun rhorhepen han t'mer.