Jeremia 7:28 - O Debleskro Lab 2024 (Sinte-Manouche)

²⁸ Doleske pen ap lende: t'mer han kal menshe, kay shounan gar ap lengro baro Debleste. Oun t'mer moukenn t'men či te penell. O čačepen hi moulo. Kek rakrell bouder pral o čačepen.

O Debleskro Drom 2021 (Sinte)

²⁸ Doleske pen ap lende: tumer han kal menshe, kai shunan gar ap lengro baro Debleste. Un tumer mukenn tumen tchi te penell. O tchatchepen hi mulo. Kek rakrell buder pral o tchatchepen.

Jeremia 7:28 Iomraidhean Croise

Debleskri gili 12:2

Baro Devel, ab ap miri rig! Tire menshe hi bouder gar boud. Ava, kolla, kay patsle hi mank i menshende, hi gar boud.

Debleskri gili 50:17

Kova rhoyrell tout, te hounte rikress tout ap mire laba. Kova, hoy touke penom, kameh tou gar te krell.

Gosewe laba 1:7

Glan halauter hounte djivess o baro Debleha, te kameh gosevo te vell. Koneske o gosvepen či moldo hi, oun koon kamell či te djinell, hi dinelo.

Jesaja 30:9

Kal menshe peran mandar tele. Har čave hi le, kay rakrenn rhorhepen, oun kamenn gar mire laba te shounell.

Jeremia 11:10

Yon krenn savo čilačo koova har lengre phoure kran, kay glan lende his, oun kaman ap mire laba vitar gar te shounell, oun nashan kol vavar deblen palla oun mangan len an. Yaake rikran kol menshe dran o kheer Israel oun dran o kheer Youda kol laba gar dren, hoy krom lengre phourentsa vin.

Jeremia 17:23

Yon shounan gar ap mande, oun dan gar yak ap mire laba, djan pal pengro shero, oun rikrenn pen gar ap kova, hoy lenge penom.

Jeremia 2:30

Koy tseli phagi, hoy dom t'men, his čičeske. T'mer moukan t'men gar te tserdell. Mire rakepangren, kay pash t'mende bičrom, maran t'mer. T'maro rharo rhas len har i rhoyedo levo.

Jeremia 32:33

kolla lauter sikran mange pengro doumo oun gar lengro mouy. Ninna te dom me lenge an hako tsiro sikepangre, kay sikran len miro drom, kaman yon gar te shounell, oun moukan gar pengro phouro djipen.

Jeremia 5:1

Djan kol dromma an Yerusalem pral oun tele! Krenn t'mare yaka pre oun rodenn ap kol dromma o forestar! Te hatsenn yekes, kay djivell an o čačepen, oun rikrell pes ap o Debleste, palle bistrau i doosh o tselo forestar.

Jeremia 5:3

Baro Devel, tire yaka dikenn ap i djipen an o čačepen. Tou dal len i phagi. – Yon hayvenn kova gar. Tou kral len paash moulo. – Oun yon ačan, har yon hi. Yon djan pal pengro shero. oun kamenn gar pengro čilačo drom te moukell.

Jeremia 6:17

Ninna dom t'men menshen, kay denn yak ap t'mende. Denn garda koy pre, te phourdenn le i phourdepaskri, hoy sikrella: Bibarht vella … Yon penan: Mer kamah len gar te shounell.

Jeremia 6:28

Yon djan lauter penge krik mandar, oun rakrenn djoungeles yek pral o vavareste. Djia dran saster hi len. Yon lauter djivenn an o rhorhepen.

Jeremia 6:8

Yerusalem, mouk tout trad te dell! Te shouneh tou gar, krau me miro dji touke pandlo. Oun dran toute krau i nango them, kay kek nay djivell bouder.

Hosea 4:1

T'mer Israelitarya, shounenn, hoy o baro Devel t'menge penell! O baro Devel hounte čingrell t'mentsa, kay djivenn an o them Israel. T'mer rikrenn gar khetne, han gar kamles yek o vavareha oun prindjrenn o Debles gar.

Zefanja 3:2

Te dell yek kol menshen kote trad, shounenn le gar, oun moukenn penge či te penell. Ap o baro Debleste rikran le pen gar, pengro Deblestar kamenn le či te djinell.

Zefanja 3:7

Me penom mange: Te dikenn mire menshe kova lauter, dikenn le pre ap mande, oun moukenn penge mandar čomone te penell! Palle vals lengro foro gar paash kerdo! Oun či vals pral lende, hoy me penom, kay kamau te krell. Kanna vas vavarčandes: Lauter čilačepen krenn le oun moukenn gar tele.