Jeremia 7:22 - O Debleskro Lab 2024 (Sinte-Manouche)

²² Ap ko dives, har anom t'mare phouren dran o them Egiptia, penom lenge gar, te anenn yon mange firhen rhačepaske, vitar kek, hoy hounte rhan le glan mande.

O Debleskro Drom 2021 (Sinte)

²² Ap ko diwes, har anom tumare phuren dran o them Egiptia, penom lenge gar, te anenn jon mange viechen chatchepaske, witar kek, hoi hunte chan le glan mande.

Jeremia 7:22 Iomraidhean Croise

Debleskri gili 40:6

Miro baro Devel, har boud hi ko baro koova, hoy tou ap mende kral, hoy kek vavar nay krals, har tou kokres. Te kamoms pral kova lauter te rakrell, nay kroms kova gar, yaake boud hi kova.

Jeremia 32:30

I menshe dran o kheer Israel oun dran o kheer Youda kran, hoy glan mire yaka djoungelo hi, yaake rah har yon i natsyona hi:

Hosea 6:6

Dikenn, hoy kamau: Kamau, te rikrenn t'mer i lačo djiyeha ap mande, oun kamau gar, te anenn mange firhen. Kamau te prindjrenn man čačepah, oun kamau gar, te rhačrenn mange firhen.

Mateo 9:13

Kova hounte djinenn t'mer: O Devel penas: Me kamau gar, te marenn mange firhen. Na-a! Me kamau, te hi t'men i baro dji i vavarenge. Me vom gar, te dap kolen pash mande gole, kay djan ap o čačo drom. Na-a! Me vom, te dap kolen pash mande gole, kay hi ap o čilačo drom.”

Markus 12:33

Te kamah mer les o tselo djiyeha, an lauter hoy krah oun djinah, oun te ham yaake lačo ap koleste, kay pash mende hi, har ham lačo ap mende kokres, palle hi kova feteder, har i tsele bakre oun groumya, hoy mer marah oun rhačrah o Debleske.”

5. Mose 17:3

oun djal koy oun mangell vavar deblen an, oun vitsrell pes tele glan o kham, o čon oun i bolepangre momlia, oun krell yaake savo koova, kolestar me penom, te krenn kova gar,

1. Samuel 15:22

O Samuel penas: “Hoy patseh, hi shoukar o baro Debleske: Fiche, hoy leske maredo venn, save hoy leske tseles rhačedo venn oun save, kolengre feteder kotya mass leske rhačedo venn? Kamell lo gar boudeder, te shounell yek ap kova, hoy lo penell? Djin, te shouneh tou ap o baro Debleste, hi kova leske feteder, har te deh les firhen. Te shouneh tou mishto ap leste, hi kova feteder, har te deh les thoulle kotya i bakrestar.