Jeremia 7:19 - O Debleskro Lab 2024 (Sinte-Manouche)

¹⁹ Mange krenn yon koveha kek douka, penell o baro Devel. Ap pende kokres anenn le ladj.

O Debleskro Drom 2021 (Sinte)

¹⁹ Mange krenn jon koweha kek duka, penell o baro Dewel. Ap pende kokres anenn le ladj.

Jeremia 7:19 Iomraidhean Croise

Esra 9:7

Ko tsirestar, kay mare phoure djivan, bis ap kava dives anam mer boud doosh ap mende, oun dran maro djounglepen dal men, mare rayen oun rashayen an i vavar rayengre vasta, kay an i themma troul mende djivenn. O rhareha maran le men, an o stilepen vitsran le men, oun yon čoran men vin, oun anan ladj ap mende, yaake har ninna kava dives hi.

Hiob 35:6

Koy doosh, hoy tou ap toute leh, kolah nay kreh tou či ap o Debleste. Te kral boud čilačo koova, nay kreh tou leske či koleha.

Jesaja 1:20

Kamenn t'mer gar te shounell, oun pandenn t'mare djia glan mande, palle venn o rhareha moulo dino. Kova penau me, o baro Devel!”

Jesaja 1:24

Doleske penell o baro Devel, ko ray pral o bolepen oun i phoub, kay hi o Israeleskro zorelo Devel: Dikenn t'men glan! Me dau t'men pale, hoy ap mande kran, t'men, kay kamenn man gar. Miri bari rholi vell pral t'mende, kay krenn lauter vavarčandes, har me kamau.

Jesaja 45:16

Yon halauter, kay pen rhorhene deblen kran, hounte venn vi-ladjedo koy tardo, oun hounte venn lolo i ladjatar.

Jeremia 15:9

Koy djouvyat, kay efta čave his, lake ačas kek bouder djido. Lakro dji phagas. Lakro kham djas tele mashkral ap o dives. Lakro sharepen oun lakri barht hi bouder gar koy. Oun hoy kol menshendar pral ačas, dau me an i vasta kolendar, kay denn len moulo o rhareha. Kova penell o baro Devel.

Jeremia 2:17

Kova lauter hi tiri doosh! Boud kope kamas o baro Devel, tiro ray, tout ap o čačo drom te anell. Oun tou moukal les!

Jeremia 2:19

Dran tiro čilačepen vell kova ap toute. Tou shounal gar. Doleske leh tou savi phagi. Tou hounte djiness oun hayvess, havo pharo koova oun douka ap koleste venna, kay djal peskro baro Deblestar krik, oun kamell lestar bouder či te djinell. Kova penell o baro Devel, ko ray pral o bolepen oun i phoub.

Jeremia 20:11

O baro Devel hi pash mande oun dell ap mande garda har i zorelo morsh. Doleske perenn kolla, kay man palla lenn oun hounte tserdenn pen pale. Kova, hoy len glan hi, nay krenn yon gar. Oun vavar san pral lende. Hako tsiro hi kova lenge i ladj oun vell lenge gar bistedo.

Jeremia 22:22

Tire pralstoune venn krik anlo, har te vans le krik phourdedo i zorelo dourhestar. Oun tire mala hounte djan pandles an i vavar them. Yaake vell ladj pral toute, oun tou veh sapaske i vavarenge. Kova vell pral toute tiro tselo čilačepaske.

Jeremia 25:7

T'mer kaman gar ap mande te shounell, penell o baro Devel. T'mare deblentsa, hoy kran t'menge, rhoyran man yaake boud, te dap t'men t'mari phagi.

Jeremia 3:25

Mer hounte ladjams men, oun mari ladj hounte čakrals men har i plarhta! Maro tselo djipen djivam yaake, har o baro Devel, maro ray, gar kamas. Mer oun mare phoure djivam yaake, oun shounam gar ap kova, hoy yob menge penas, te kras mer.

Jeremia 44:3

Oun kova krom doleske, kay yon boud čilačepen kran, oun yon man rhoyedo kran, har mangan le vavar deblen an, oun rhačran lenge soungepaskro koova. Kolla his save debla, kolen yon glan kova gar prindjran, vitar gar t'mer oun vitar gar t'mare phoure.

Jeremia 8:19

Dran o tselo them shounau me, har denn mire menshe gole. Kamell o baro Devel bouder gar o Devel an Sion te vell? Hi o fores Sion bouder kek baro ray? Hoske kran yon man yaake rhoyedo [penell o baro Devel], har mangan le pengre figuren oun rhorhene deblen an, kay kekeske ap i rig venna?

Jeremia 9:19

Shounenn, t'mer djouvya, o baro Debleskro rakepen! Denn garda ap leskre laba! Sikrenn t'mare čende, har te givenn le koy ropaskri gili; yek te anell i vavarat kay gili pashel:

Ezekiel 16:26

Tou loubras trouyel i Egiptarentsa, kolen bari rhanč hi, oun kolengro them pash tiro them čiddo hi. Oun kral boud loubyengro koova, te tapras man i rholi.

1. Korintarja 10:22

Ma rhoyrenn o Debles! Mer ham gar zorleder har yob.

5. Mose 32:16

O Debleskre menshe nashan vavar deblen palla, oun doukan pengro Debles. Ko djoungelo koova, hoy le kran, kras les rhoyedo.