Jeremia 7:18 - O Debleskro Lab 2024 (Sinte-Manouche)

¹⁸ Kol čave rodenn kasht, kol dada krenn yag, i djouvya krenn merklia koy bolepaskri rayetsake. Oun kol vavar deblenge anenn yon pipaske, te rhoyrap me man koy pral.

O Debleskro Drom 2021 (Sinte)

¹⁸ Kol tchawe rodenn kasht, kol dada krenn jag, i djuwja krenn merklia koi bolepaskri rajetsake. Un kol wawar deblenge anenn jon pipaske, te choirap me man koi pral.

Jeremia 7:18 Iomraidhean Croise

1. Rajengro liil 14:9

Djungleder koova kral tou har halauter, kay glan toute his: tou kral touke vavar debla, figure dran lolo saster. Kova kral, te rhoyress man, oun sikral man o doumo.

1. Rajengro liil 16:2

Me hadom tout pre dran i čik, oun krom, te vess o ray pral mire menshende Israel. Oun tou hal har o Yerobeam: oun aneh mire menshen Israel miro dromestar tele. Te dikau kova, vau rhoyedo koy pral.

Debleskri gili 16:4

Boud hi i douka kolendar, kay nashenn i vavar debleske palla. Me kamau kol rhorhene deblenge kek rat vin te čorell. Vitar gar kamau lengro lab an miro mouy te lell.

Jesaja 3:8

O foro Yerusalem peras, oun o them Youda hi koy čiddo. Hoske? Yon doukran o baro Debles pengre labentsa, oun ninna koleha, hoy le kran. Kova, hoy o zorelo Devel lenge penas, kaman le gar te krell.

Jesaja 57:6

Oun ap kol lače platse an i tala čorenn t'mer lenge rhapen oun pipen vin. Doleske vell ko dives, kay venn kote maredo čiddo! Patsenn čačepah, te dau yekes, kay savo koova krell, kova gar pale?

Jesaja 65:11

T'menge, kay o baro Debles moukan, vell vavarčandes: T'mer bistran miri berga, kay vau an-mangedo, oun čivan o rhorheno debleske, o Gad, rhapen glan. Oun glan o rhorheno debleste, o Meni, čoran mool vin.

Jesaja 65:3

Kol menshe moukenn gar tele, te krenn le kova, hoy man rhoyrell: Yon anenn firhen i vavar deblenge ap lengre shoukar platse, oun rhačrenn lenge soungepaskro koova ap barra.

Jeremia 1:16

Oun me dau i menshen an Youda i phagi lengro čilačepaske, hoy yon kran. Yon djan krik mandar oun anan firhen vavar deblenge oun mangan kol figuren an, hoy le pengre vastentsa kran.

Jeremia 11:17

Me, o baro Devel, ko ray pral o bolepen oun i phoub, krom dran o kheer Israel oun dran o kheer Youda i natsyona. Oun yon kran čilačo koova oun rhoyran man, har rhačran le firhen o debleske Baal. Doleske dau len trad, te vell bari bibarht pral lende.

Jeremia 17:2

Ninna lengre čave vitsrenn pen tele glan kol rhačepangren oun glan kol figuren, hoy sikrenn i debletsa Ashera, oun hoy le pre čivan tel kol zenele rouka, oun ap i tikne oun bare berge oun ap o them. Me dau t'maro tselo bravlepen oun kouč koova vavarende, te čorenn le kova t'mendar. Koya hi koy phagi ko čilačepaske, hoy t'mer an kava tselo them kran.

Jeremia 19:13

Oun kol khera an Yerusalem oun kol khera kol bare rayendar an o them Youda, kolla venn ninna pale-čiddo har koy platsa Tofet, – i tsele khera, kay yon pral pre i tsele bolepangre momelenge soungepaskro koova rhačran oun i vavar rhorhene deblenge mool vin čoran.

Jeremia 25:7

T'mer kaman gar ap mande te shounell, penell o baro Devel. T'mare deblentsa, hoy kran t'menge, rhoyran man yaake boud, te dap t'men t'mari phagi.

Jeremia 32:29

Oun kol lourde dran o them Babilonia, kay troul kava foro tardo hi, venna dren, oun rhačrenn kava foro tele kol tsele kherentsa, kay vas ap i dache soungepaskro koova rhačedo o rhorheno debleske Baal, oun mool vin čoredo kol vavar rhorhene deblenge. Doleske vas i rholi an mande.

Jeremia 44:25

Kova penell o baro Devel, ko ray pral o bolepen oun i phoub, kay o Israeleskro Devel hi: T'mer oun t'mare romya penan: “Mer kamah mari sovel te rikrell, hoy mer i bolepaskri rayetsake dam, te rhačras soungepaskro koova lake oun te čoras mool glan late vin.” Oun kova kran t'mer ninna. Palle mishto, palle rikrenn t'mari sovel, oun krenn, hoy dan lake sovel!

Jeremia 44:4

Oun me bičrom lenge pale te pale mire rakepangre, kay mange boudran, oun moukom lenge te penell: “Ma krenn sau djoungelo koova, kay man zoryah rhoyrenna!”

Jeremia 7:17

Dikeh tou gar, hoy yon krenna an kol forya an Youda oun ap kol dromma an Yerusalem?

Ropaskre gilja 5:13

Terne morsha hounte hidjran yarrengre barra, oun čave peran tel o boud kasht, hoy hounte hidjran le.

Ezekiel 16:26

Tou loubras trouyel i Egiptarentsa, kolen bari rhanč hi, oun kolengro them pash tiro them čiddo hi. Oun kral boud loubyengro koova, te tapras man i rholi.

Ezekiel 20:28

Har me len an o them anom, kolestar man sovel dom, te dap les lende, mangan le vavar deblen an. Hako kopo, kay dikan le i tikni berga oder i baro rouk boud patyentsa, rhačran le firhen i rhorhene deblenge, oun kran man rhoyedo koleha, hoy le lenge anan. Yon rhačran soungepaskro koova lenge, oun čoran mool vin lenge.

Ezekiel 8:16

Oun yob anas man dren ap koy tikni platsa glan o baro Debleskro kheer. Oun glan o voudar o kherestar mashkral i glanstouni halla oun i sasterni rhačepaskri his 25 (biish-te-panč) morsha tardo. Kolla rissran pengre dume khatar o baro Debleskro kheer, oun dikan ap koy rig, kay o kham pre djal. Oun yon moukan pen ap i phoub te perell, oun mangan o kham an.

Ezekiel 8:17

Oun yob penas ap mande: Tou mensho, dikal tou kava? Hi i menshenge dran o kheer Youda gar doha, te krenn le ko tselo djoungelo koova kate? O tselo them kran le pherdo čilačepen. Hounte rhoyrenn le man pale te pale? Dik, har rikrenn le penge zenele patria glan pengre naka!

1. Korintarja 10:22

Ma rhoyrenn o Debles! Mer ham gar zorleder har yob.

5. Mose 32:16

O Debleskre menshe nashan vavar deblen palla, oun doukan pengro Debles. Ko djoungelo koova, hoy le kran, kras les rhoyedo.

5. Mose 32:21

Yon doukan oun rhoyran man, har mangan le kolen an, kay kek debla hi. Yaake kamau me les ninna lentsa te krell, oun lau mange vavar menshen, te zilverenn le oun rhoyrenn pen pral menshende, kay prindjran man gar.

5. Mose 4:19

Te hadenn t'mare yaka pre pash o bolepen oun dikenn o kham oun o moonto oun i tsele bolepangre momlia, ma moukenn t'men kolendar krik te tserdenn, te čivenn t'men tele glan lende oun mangenn len an. T'maro baro Devel das len i menshenge an i vavar themma ap i phoub.