Jeremia 7:17 - O Debleskro Lab 2024 (Sinte-Manouche)

¹⁷ Dikeh tou gar, hoy yon krenna an kol forya an Youda oun ap kol dromma an Yerusalem?

O Debleskro Drom 2021 (Sinte)

¹⁷ Dikeh tu gar, hoi jon krenna an kol forja an Juda un ap kol dromma an Jerusalem?

Jeremia 7:17 Iomraidhean Croise

Jeremia 1:16

Oun me dau i menshen an Youda i phagi lengro čilačepaske, hoy yon kran. Yon djan krik mandar oun anan firhen vavar deblenge oun mangan kol figuren an, hoy le pengre vastentsa kran.

Jeremia 32:29

Oun kol lourde dran o them Babilonia, kay troul kava foro tardo hi, venna dren, oun rhačrenn kava foro tele kol tsele kherentsa, kay vas ap i dache soungepaskro koova rhačedo o rhorheno debleske Baal, oun mool vin čoredo kol vavar rhorhene deblenge. Doleske vas i rholi an mande.

Jeremia 32:32

Kova hounte krap dran ko tselo čilačepen, hoy i menshe dran Israel oun Youda kran, te rhoyrenn le man. Yon, lengre bare raya, pralstoune, rashaya oun rakepangre, ninna kolla, kay djivenn an o foro Yerusalem,

Jeremia 44:17

Mer kamah kova te rikrell, hoy mer penam, oun koy bolepaskri rayetsake soungepaskro koova te rhačrell, oun lake mool vin čorell. Kova kram mer, oun kran mare phoure, mare bare raya oun pralstoune an i forya o themestar Youda oun an i dromma o forestar Yerusalem. Har kova kram, his men ninna doha maro, oun menge djas mishto, oun mer dikam kek bibarht.

Jeremia 44:4

Oun me bičrom lenge pale te pale mire rakepangre, kay mange boudran, oun moukom lenge te penell: “Ma krenn sau djoungelo koova, kay man zoryah rhoyrenna!”

Jeremia 44:6

Doleske vas miri rholi yaake baro, oun rhačas har i yag an i forya an o them Youda oun ap i dromma an o foro Yerusalem, te ačas lendar či har barra pral. Oun kek nay djivell kote, yaake har ap kava dives hi.

Jeremia 6:27

O baro Devel penas ap mande: Me kamau, te djas tou pash mire menshende, oun dikess, hoy yon krenna, oun har yon djivenna.

Jeremia 7:16

Tou, Yeremia, mangess gar oun rovess gar glan mande kal menshenge, vitar gar peness mange, hoy len ap o dji hi, oun hoy len hounte vell, oun stakress lenge pash mande vitar gar dren. Me kamau t'men gar an-shounell.

Jeremia 7:18

Kol čave rodenn kasht, kol dada krenn yag, i djouvya krenn merklia koy bolepaskri rayetsake. Oun kol vavar deblenge anenn yon pipaske, te rhoyrap me man koy pral.

Ezekiel 14:23

Te dikenn t'mer, har le djivenn, oun hoy le krenn, hayvenn t'mer, hoske me kova yaake o foreha Yerusalem hounte krom. Oun t'mari douk koy pral vell krik lino dran t'mare djia. Kova penau me, o baro Devel, t'maro ray.