Jeremia 7:14 - O Debleskro Lab 2024 (Sinte-Manouche)

¹⁴ Doleske krau me kava khereha, har me ko foreha Shilo krom, ninna te vas kava kheer mange kerdo, oun t'mer patsenn, kote nay djal t'menge či. Me krau koy platsa paash, hoy dom t'men oun t'mare phouren.

O Debleskro Drom 2021 (Sinte)

¹⁴ Doleske krau me kau khereha, har me ko foreha Shilo krom, ninna te was kau kheer mange kerdo, un tumer patsenn, kote nai djal tumenge tchi. Me krau koi platsa paash, hoi dom tumen un tumare phuren.

Jeremia 7:14 Iomraidhean Croise

2. Rajengro liil 25:9

Oun yob rhačras o baro Debleskro kheer tele, ninna ko kheer o baro rayestar oun kol vavar khera an o foro Yerusalem; ava, hako baro kheer rhačras lo tele.

2. Familjakro liil 7:21

Oun hakeno kay djal kate, oun dikell, hoy pral ačas kava kherestar, hoy kanna yaake baro oun raylo hi, koleske ačell o rakepen krik i trashatar, oun yob penell: “Hoske kras o baro Devel savo koova kava themeha oun kava khereha?”

Debleskri gili 78:60

Oun yob moukas peskro kheer an o foro Shilo, kote, kay yob mank peskre menshende djivas.

Jesaja 64:11

Baro Devel, kameh tout pash kava lauter kanna gomme pale rikrell? Kameh tou či penell, oun mari ladj gomme doureder oun bareder te krell?

Jeremia 12:7

Me moukom mire menshen, ko kheer Israel. Kolen, kay mange vin rodom, tradom mandar krik. Kol menshen, kay o djiyestar kamau, dom an i vasta kolendar, kay kamenn len te marell.

Jeremia 23:39

palle djinenn, me hadau t'men pre har i pharo koova, oun vitsrau t'men krik mandar, t'men oun t'maro foro, hoy dom t'mende oun t'mare phourende.

Jeremia 26:18

“Har o Hiskiya o baro ray pral Youda his, penas o Debleskro rakepaskro, o Mika dran o foro Moreshet, ap i tsele menshende an Youda: Kova penell o baro Devel, ko ray pral o bolepen oun i phoub: I dives vell, kay vell o foro Sion yaake trouyel vitsedo har i harhetikri phoub, te vell o pralstouni phoub tele oun i telstouni phoub pral. O forestar Yerusalem ačell či pral har barra. Oun ap koy berga, kay kanna o Debleskro kheer tardo hi, vell i divye bourra bares.

Jeremia 26:4

Pen lenge: Kova hi, hoy o baro Devel penell: Me bičrom t'menge mire rakepangre, kay mange boudrenn, te penenn le t'menge, hoy te krenn. Boud kope bičrom len pash t'mende. T'mer dan gar yak ap kova, hoy le penan. Te shounenn t'mer gar ap mande oun djan gar ap miro drom, hoy t'mende sikrom, oun denn gar yak ap i laba, hoy mire rakepangre t'menge penenn,

Jeremia 7:10

Oun palle venn t'mer glan mande an kava kheer, hoy mange kerdo vas, oun penenn: Menge nay djal či. Oun krenn savo koova doureder, hoy rhoyran man.

Jeremia 7:12

Djan pash ko foro Shilo, kay glan rah tsiro miro kheer tardo his. Oun dikenn, hoy me kote krom doleske, kay mire menshe Israel čilačepen kran.

Jeremia 7:4

Ma patsenn kol rhorhene laba, te penenn yon: Kate hi o baro Debleskro kheer, kay djivell lo. Ava, kate hi o baro Debleskro kheer!

Ropaskre gilja 2:7

Foun peskro altaro kamell lo bouder či te djinell. Peskro khereske sikrell lo o doumo. Leskre massurya das lo kolenge an o vast kay maro foro paash kran, oun koy pashel i bari gole dan an o baro Debleskro kheer, har an kol bare divessa, kay kote boud menshe khetne van.

Ropaskre gilja 4:1

Har vas o sonakay yaake kalo, oun o lačo sonakay yaake djoungelo! Har nay van i kouč barra trouyel čiddo ap i dromma!

Ezekiel 23:31

Ap o drom tiri phenyatar djal tou, doleske dau tout ko emligo khoro an tiro vast, har late dom, te piyess les vin har yoy hounte piyas les vin.

Ezekiel 24:21

Kava penell o baro Devel, maro ray: Djinau, t'menge hi miro kheer o kamleder koova. Oun t'maro dji nashell pal leste. T'mer han pre-phourdo oun patsenn, kolenge, kay kote hi, nay djal kek čilačepen. Čačepah, me dau miro kheer kolenge an o vast, kay krenn les pale-čiddo. Oun t'mare morsh čave oun ča, kolen t'mer kote an Yerusalem pale moukan, kolla venn o rhareha moulo dino.

5. Mose 12:5

Mangenn o baro Debles ap i platsa an, hoy yob peske vin rodell mashkral an o them Israel, te djivell lo kote. Kote djan, te mangenn les an.

5. Mose 28:52

Oun yon čivenn pen troul t'mare forya, oun moukenn kekes dren oun kekes vin, bis te kol bare oun zorele foryengre massurya tele phagedo hi, kolendar t'mer patsan, te vell kek vergel. Kova krenn le t'mare tsele foryentsa an t'maro tselo them, hoy t'maro baro Devel t'men das.