Jeremia 7:11 - O Debleskro Lab 2024 (Sinte-Manouche)

¹¹ Kava kheer, hoy mange kerdo vas, hi kava t'menge i kheer, kay i čorepangre pengro čoredo koova khatrenn? Mishto, palle dikau me kova ninna yaake, penell o baro Devel.

O Debleskro Drom 2021 (Sinte)

¹¹ Kau kheer, hoi mange kerdo was, hi kawa tumenge i kheer, kai i tchorepangre pengro tchoredo koowa khatrenn? Mishto, palle dikau me kowa ninna jaake, penell o baro Dewel.

Jeremia 7:11 Iomraidhean Croise

2. Familjakro liil 6:33

palle shoun tou, kay djiveh an bolepen, oun kre halauter, hoy ko vi-themari toutar mangell, te nay hayvenn i menshe an i tsele themma ap kay phoub, koon tou hal, oun mangenn tout an yaake har tire menshe Israel. Palle djinenn le, kay tou djiveh an kava kheer, hoy touke krom.

Jesaja 1:12

Te venn t'mer glan mande, glan miro kheer, stakrenn t'mer i platsa glan miro kheer khetne. Koon penas t'menge te krenn t'mer kova?

Jesaja 56:7

kolen anau pash miri berga, kay me djivau, oun krau len barhteles an miro kheer, kay mangenn man i menshe an. Yon nay anenn mange firhen: save, hoy venn mange rhačedo ap miri rhačepaskri, ninna save, hoy rhan le glan mande. Oun me dikau lačes ap kova. Miro kheer vell kharedo: Kheer, kay i menshe dran hake themma o Debles an-mangenn.

Jeremia 2:34

Ninna hatsan le ap tire koola o rat i čorvelendar, kay kran kek čilačepen, oun kay tou gar koy pashel tapral, kay phagan le an tiro kheer dren. Ninna te kral tou kova lauter,

Jeremia 23:24

Kek nay khatrell pes yaake čorrhanes, te dikau les gar, penell o baro Devel. Kek platsa hi an o bolepen oun ap i phoub, kay me gar hom. penell o baro Devel.

Jeremia 29:23

Koy phagi vas ap lende doleske, kay kran le i vi-ladjedo koova an Israel, oun lan penge romyen, kay romedino hi, oun penan an miro lab čomone glan-vi, hoy rhorhepen his, hoy me lenge gar an o mouy čivom. Me djinau, hoy le kran, me dikom les, penell o baro Devel.

Jeremia 7:10

Oun palle venn t'mer glan mande an kava kheer, hoy mange kerdo vas, oun penenn: Menge nay djal či. Oun krenn savo koova doureder, hoy rhoyran man.

Ezekiel 35:13

Yaake phourdan t'men pre, oun t'maro baro mouyeha hadan t'men pral mande. Me shounom halauter.

Daniel 9:18

Miro Devel, shoun miro mangepen! Kre tire yaka pre oun dik i tele-phagede barra ko forestar, hoy pal tiro lab kharedo hi. Glan toute ham čiddo maro mangepah oun dikah gar ap o čačepen hoy mer krams, na-a mer dikah ap toute, te kress tou tiro baro dji menge pre.

Mateo 21:13

Oun yob penas ap kol tsele menshende: “O Devel penas: Miro kheer te vell i kheer, kay sharenn man i menshe oun mangenn man an. T'mer kran lestar i kheer, kay i menshe rhorhenna oun randenna.”

Markus 11:17

Oun yob penas lenge, hoy an o Debleskro lab činlo hi, oun penas: O Devel penella: Miro kheer te vell i kheer, kay i tsele menshe ap i phoub nay venna, te sharenn le man, oun te mangenn le man an. T'mer kran lestar i kheer, kay i menshe rhorhenna oun randenna.

Johanni 2:16

Ap kolende, kay bikrenn parne čirklen, penas yob: “Hidjenn len vin oun krenn dran miro dadeskro kheer kek bikepaskro kheer!”

Hebrearja 4:13

O Devel dikella lauter. Či an mende hi khatedo glan leskre yaka. Lauter hi pre čakedo glan leste. Oun leske hounte penas mer halauter, hoy kram.