Jeremia 6:29 - O Debleskro Lab 2024 (Sinte-Manouche)

²⁹ Mire menshe hi har čiklo roup. O bob rhačas zoreles, kay o roup djoudjo kerdo hounte vals. Ko čik vas gar vin. Djoudjo roup ačas gar pral. Lauter his čičeske. Mire menshe hi yaake čilačo, te vell nay o čilačepen gar dran lende vin.

O Debleskro Drom 2021 (Sinte)

²⁹ Mire menshe hi har tchiklo rup. O bob chatchas soreles, kai o rup djudjo kerdo hunte wals. Ko tchik was gar win. Djudjo rup atchas gar pral. Lauter his tchitcheske. Mire menshe hi jaake tchilatcho, te well nai o tchilatchepen gar dran lende win.

Jeremia 6:29 Iomraidhean Croise

Gosewe laba 17:3

Yaake har o roup an i yag čiddo vell, oun o sonakay an i bob, yaake lell o baro Devel i menshengre djia an o yak.

Jesaja 49:4

Mange vas kova vavarčandes glan. Oun me penom: Čačepah, his čičeske koy phari boudi, hoy ap mande lom. Dom čičeske miri tseli zoor kolake. Djinau, miro čačepen hi pash o baro Debleste, oun kova, hoy lau koleske, hoy krom, vell miro Deblestar.

Jeremia 15:19

Doleske penell o baro Devel: Te rikreh tou tout ap mande, rikrau me man ap toute, oun tou ačeh miro rakepaskro. Te rakreh tou, hoy mishto hi, oun rakreh gar, hoy či-moldo hi, hal tou miro mouy. Yon hounte venn pash toute, tou djas gar pash lende!

Jeremia 9:7

Lengro rakepen hi har fayle, hoy anenn o merepen. Peskro mouyeha rakrell hakeno kamles, an o dji lourell yob, har te taprell lo o vavares.

Ezekiel 24:12

Čičeske his koy tseli boudi! Ninna te vas koy piri an i yag yaake tato, djas lakri čik gar tele!

Ezekiel 24:13

Yerusalem, kova, hoy kras tout pale-čiddo, hi tiro vi-ladjedo koova. Har kamom me ko pale-čiddo koova toutar krik te lell, kamal te ačell har hals. Doleske ačeh pale-čiddo, yaake rah me miri rholi ap toute vin moukom!

Hosea 11:7

Mire menshe ačenna krik mandar, oun kamenn gar pash mande te vell. Ninna te venn le pash mande, o pralstuneste, hadenn le man gar.

Zakarie 13:9

Oun kolenge, kay pral ačenn, venn phare tsirya, kay hounte djan le dren, te venn le djoudjo kerdo, yaake har roup oun sonakay djoudjo kerdo vell an i yag. Palle denn le ap mande gole, oun me shounau len. Me penau: Yon hi mire menshe. Oun yon penenn: Tou baro Devel, hal maro Devel.”

1. Petro 1:7

Kova vella pral t'mende, te vell t'maro patsepen zorelo. Yaake har o sonakay an i yag djoudjo oun kouč kerdo vella, yaake hounte vell t'maro patsepen ninna djoudjo oun kouč kerdo. T'maro patsepen hi boudeder moldo har o sonakay, hoy ačell gar. Te ačell t'maro patsepen zorelo, palle sharell t'men o Devel oun krell t'men bares oun rayles ap ko dives, kay vell o Yezous Kristo pale.

1. Petro 4:12

Kamle mala, t'maro dji vell gar dareno, te venn t'mer zoreles palla lino. Savo koova djal kolenge, kay patsle hi. Kote vell diklo, har t'maro patsepen hi.

Čačepangre 17:4

Yob kamas gar oun das ko roup peskri date pale pale. Koy las leskri day 200 (douy-sheel) roupene love, oun das len ko morshes, kay shoukar koova dran sonakay krella. Oun kova kras i kashteni figura, oun čoras roup pral kolate. Oun koy figura vas čiddo an o Mikaeskro kheer.