Jeremia 6:2 - O Debleskro Lab 2024 (Sinte-Manouche)

² Tou, shoukar foro Yerusalem, ko tsiro hi koy, kay veh paash dino.

O Debleskro Drom 2021 (Sinte)

² Tu, shukar foro Jerusalem, ko tsiro hi koi, kai weh paash dino.

Jeremia 6:2 Iomraidhean Croise

Jesaja 1:8

Kokres o foro Yerusalem ačas pral, i foro troul koleste i lourde tardo hi. Ko foro hi kokres har i tikno kheer an i drakengro them, har i kheer, kay yek yak dell an i rati ap kova, hoy ap peskri phoub bares vell.

Jeremia 4:31

Me shounau i gole, har i djouvyatar, kay lell o ersto kopo i ternepen. Kaya hi koy gole o forestar Sion, kay taprell pal dourho, oun peskre vasta pre hadell, oun gole dell: Me hom nashedo! Kolla venna oun denn man moulo!

Ropaskre gilja 2:1

Ah, o baro Debleskri rholi hi čiddo ap o foro Sion har i kali rati! Yerusalem, hoy sharedo vas bis an o bolepen, vas tele vitsedo ap i phoub. Ap ko dives, kay leskri rholi pral i berga Sion vas, his leske či, te his o foro i banko peskre pirenge.

Ropaskre gilja 2:13

Ah, Yerusalem, hoy te penap touke? Miro foro, hoy yaake kamau, har nay dap tout kamle laba? Kekeske djas yaake djoungeles har touke! Hoy nay penoms touke, te djal touke feteder? Tiri douk hi yaake baro har o baro pani. Koon nay krell tout sasto?

Ropaskre gilja 4:5

Kolla, kay boud lačo rhapen rhayan, merenn kanna i bokatar vin ap i dromma. Kolla, kay ap kouč pernitse hidjedo van, hi kanna an i khandli čik čiddo.

5. Mose 28:56

Oun i djouvel t'mendar, kolat hako tsireske doha ap halauter his, oun yaake rayles djivas, te moukas pes li te hidjrell, oun peskre pire gar ap i phoub čivas, – yaake rayles vas li peske glan, oun sau bravelo djipen djivas li – ninna koy djouvel rhal peskro ternepen oun kova hoy gomme pal kova vin vell dran late, har anas li o ternepen ap i phoub. Čorrhanes rhal li kova oun dikell pherdo zilvepen ap peskro romeste oun peskri čat, te lenn yon či kolestar. Či vavar ačas lake rhapaske. Yaake baro hi koy daar oun koy bok an t'mare tsele forya, kay han dren pandlo kolendar, kay kourenn pen t'mentsa.