Jeremia 6:14 - O Debleskro Lab 2024 (Sinte-Manouche)

¹⁴ oun krenn yaake, har te vans kol douka mire menshendar gar yaake pharo. Yon penenna: Lauter hi mishto, lauter hi mishto, ninna te hi či mishto.

O Debleskro Drom 2021 (Sinte)

¹⁴ un krenn jaake, har te wans kol duka mire menshendar gar jaake pharo. Jon penenna: ‘Lauter hi mishto’, lauter hi mishto, ninna te hi tchi mishto.

Jeremia 6:14 Iomraidhean Croise

2. Samuel 17:3

oun kol tsele lourden pale pash toute te anell, yaake har i terni djouvel pash peskro romeste pale djala. Tou rodeh yek morshes kokres. Ma an čingepen pral kol tsele vavar morshende!”

Jesaja 1:6

Foun o shero bis pash i pire hi kek kotar ap t'mende, hoy sasto vals. T'maro mass hi pherdo doukepen, phouro oun nevo doukepen, kay dino van. T'maro činepen hi gar vi-thodo, vitar gar dren pandlo. Kek djet vas pre čiddo.

Jesaja 30:10

Ap i dikepangre penenn le: “Ma dikenn i dikepen.” Oun ap o Debleskre rakepangre penenn le: “Ma penenn menge, hoy o Devel t'mende sikras oun hoy čačo hi! Penenn menge kova, hoy pes menge shoukar an-shounell! Oun sikrenn men sau koova, har mari djia les kamenn.

Jesaja 30:26

An ko tsiro, kay pandell o baro Devel i pandepen troul o doukepen peskre menshendar, hoy yob len das, oun krell lengro nasselo oun ratlo mass pale sasto, hi o čon yaake zorelo har o kham. Oun o kham hi efta kope zorleder har kanna.

Jeremia 14:13

Koy penom me: Baro Devel, miro ray, tire rakepangre penan lenge: Kek kourepen oun kek bok vell pash t'mende. O baro Devel krell, te vell kek kourepen pash t'mende an kek tsiro.

Jeremia 14:17

Oun tou peness lenge kal laba: Me rovau ap o dives oun ap i rati, oun nay moukau gar tele. Mire menshe, kolen kamau har miri čay, hi khetne dino, oun lengro doukepen vell gar bouder sasto.

Jeremia 23:17

Kolenge, kay san pral o baro Debleskro lab, penenn le: T'menge djal mishto an ko tsiro, hoy vella! Oun kolenge, kay djan pal pengro shero, penenn le: Kek bibarht vell pral t'mende.

Jeremia 28:3

Glan douy bersha trouyel hi, anau ko tselo kouč koova pale pale, hoy an o baro Debleskro kheer his, oun hoy o baro ray dran Babilonia, o Neboukadnezar, kotar krik las, oun an o them Babilonia anas.

Jeremia 4:10

Koy penom me: Baro Devel, miro ray, tou rhorhral kol menshen an Yerusalem an, har tou penal, kay kek kourepen mashkral lende vell. O rharo hi koy oun kamell len moulo te dell.

Jeremia 5:12

Yon penan rhorhepen pral o baro Debleste, oun penan: Kova krell yob gar! Yaake djoungelo djal menge gar! Kourepen oun bok vell gar pash mende.

Ropaskre gilja 2:14

Kolla, kay hounte penans touke o Debleskre laba, penan touke rhorheno koova glan-vi, hoy či moldo hi. Oun sikran touke gar tiri doosh. Kova te krans le, perals gar yaake har kanna peral. Na-a, yon moukan tout rhorhene laba te shounell, oun anan tout o čačo dromestar tele.

Ezekiel 13:10

Yon anenn mire menshen o čačo dromestar tele, oun penenn: “Lauter hi mishto.” Oun čačepah, či hi mishto. Mire menshe kran pen i massouri dran barra, hoy rikrenn gar. Oun i rakepangre van, oun makan lat parnes.

Ezekiel 13:16

Kolla hi i rakepangre an o them Israel, kay dan glan, te vals len i lab o Deblestar oun penan i menshenge an Yerusalem glan-vi “lauter hi mishto”, ninna te hi či mishto. Kova penau me, o baro Devel, t'maro ray.

Ezekiel 13:22

T'mare rhorhene labentsa doukran i djia kolendar, kay an o čačepen djivenn, oun kolenge kamom kek daar te krell. Oun t'mer kran i vasta kolendar zorelo, kay čilačo koova krenn. Yaake kran t'mer, te djan le gar tele lengro čilačo dromestar, te ačenn le djido.

Ezekiel 14:9

Te moukell pes i Debleskro rakepaskro yaake dour te anell, te dell lo les i lab mandar doureder, palle krau me, o baro Devel, te dell lo i rhorheno lab doureder. Oun me hadau miro vast pral leste, oun krau les pale-čiddo, te djivell lo bouder gar mank mire menshende Israel.

Micha 2:11

Te voms me i morsh, kay nashell o dourho palla, oun rakroms o rhorhepen, oun me penoms: “Piyenn boud mool oun vavar pipen!” Palle penans t'mer mandar: “Havo lačo rakepaskro hi kava morsh!”

Micha 3:5

Kava penell o baro Devel ap i rakepangre, kay penenn, te vell len i lab o baro Deblestar, oun kova hi gar yaake. Yon rhorhenn i menshen oun penenn kolenge, kay denn len rhapaske: Halauter vell mishto t'mentsa! Kolenge, kay denn len či te rhal, penenn le: I čilačo tsiro vell pral t'mende.

1. Tessalonikarja 5:3

Te penenn i menshe: “Lauter hi mishto, kek kourepen hi kay, oun men hounte vell kek daar”, palle vell i bibarht pral lende, oun yon nay nashenn gar krik. Koy bibarht vell pral lende yaake sik, har i douka venn pral i djouvyate, kay lell i ternepen.

2. Petro 2:1

Glan i rah tsiro his rhorhene rakepangre an o them Israel, kay kran, har te bičras len o Devel. Yaake venna ninna mashkral t'mende rhorhene sikepangre, kay sikrenn t'men i rhorheno drom, kay anell t'men krik o Deblestar. Kol sikepangre denn o Yezouses, maro rayes, bourhoste, kay playsras peskro rateha lenge, te lell lo len dran o čilačepen vin. Yon nashenn an pengri bibarht.