Jeremia 6:10 - O Debleskro Lab 2024 (Sinte-Manouche)

¹⁰ Koneha rakrap me? Koneske penap toutar? Koon shounella koy pre? Lengre kanda hi pandlo. Yon nay shounenn gar, hoy tou lenge kameh te penell, oun san pral tire laba, oun rhoyrenn pen pral lende.

O Debleskro Drom 2021 (Sinte)

¹⁰ Koneha rakrap me? Koneske penap tutar? Koon shunella koi pre? Lengre kanda hi pandlo. Jon nai shunenn gar, hoi tu lenge kameh te penell, un san pral tire laba, un choirenn pen pral lende.

Jeremia 6:10 Iomraidhean Croise

Debleskri gili 1:2

Kova hi barhtelo, kay kamell o baro Debleskre laba, oun moukell kol laba peske an o shero trouyel te djal ap o dives oun an i rat.

Debleskri gili 119:16

Mange hi shoukar, te krap, hoy tou mandar kameh, oun bistrau tire laba gar.

Debleskri gili 119:174

Baro Devel, miro tselo djiyeha kamau, te čivess man an o čačepen. Me hom barhtelo te djap tiro drom.

Debleskri gili 119:24

Tire laba, hoy sikrenn mange, har te djivap, krenn man barhtelo. Yon hi mange har i lačo maal, ap koleste me shounau.

Debleskri gili 119:35

Ab mange ap i rig, te rikrap tire laba! Shoukar hi le mange.

Debleskri gili 119:70

Kolla menshe pandan pengre djia, te hayvenn le gar tiro lab. Me hom barhtelo, te djap tiro drom.

Debleskri gili 119:77

Kre tiro dji mange pre, te djivap! Me hom barhtelo, te djap tiro drom.

Debleskri gili 40:8

Doleske penom touke: Ake hom. Me krau, hoy mandar činlo hi an o liil:

2. Mose 6:12

O Mose penas ap o baro Debleste: “Dik, i Israelitarya shounan gar ap mande. Har shounell palle o Farao ap mande? Ninna hayvau gar mishto te rakrell.”

Jesaja 42:20

Ninna te dikan t'mer boud koova, lan les gar an o dji. Ninna te his t'mare kanda pre, shounan gar.

Jesaja 53:1

Koon patsals kova, hoy mer kanna shounam! Koon hi kova, ap koleste sikras o baro Devel savi zoor?

Jeremia 35:13

Kava penell o baro Devel, ko ray pral o bolepen oun i phoub, kay o Israeleskro Devel hi: Dja oun rake i menshentsa dran o them Youda oun dran o foro Yerusalem: Har rah kamenn t'mer gar ap mire laba te shounell, poučell o baro Devel t'mendar.

Jeremia 4:4

Rikrenn t'men ap i laba, hoy t'mentsa vin krom! Oun krenn t'mare djia mange pre, t'mer menshe an Youda oun Yerusalem. Te krenn kova gar, vell miri rholi pral t'mende har yag, oun rhačella yaake, te nay krell kek koy yag vin.

Jeremia 5:21

Shounenn kay, t'mer menshe, kay t'men či an o shero hi, kay len yaka hi, oun dikenn či, kay len kanda hi oun shounenn či!

Jeremia 7:13

T'mer kran ninna lauter savo koova, penell o baro Devel. Oun me rakrom pale te pale t'mentsa, oun t'mer kaman gar te shounell. Oun me dom t'men gole, oun t'mer penan koy pre či.

Jeremia 7:26

T'mer shounan gar ap mande, oun dan kek garda ap mire laba. T'mer djan pal t'maro shero, oun kran boudeder čilačepen har t'mare phoure.

Ezekiel 3:7

Kolla dran o kheer Israel kamenn gar ap mande te shounell. Doleske shounenn le vitar gar ap toute. Yon lauter djan pal pengro shero. Oun lengre djia hi har dran bar.

Ezekiel 33:3

oun yob dikell lourden te vell, palle phourdell lo an i phourdepaskri, te djinenn i menshe, hoy vella.

Ezekiel 33:9

Tou te dal les trad, oun penal leske, te hounte djal lo tele peskro čilačo dromestar, oun yob krell kova gar, palle lell lo peskri phagi, oun hounte merell. Tiro djipen lal tou dran o merepen vin.

Amos 7:10

Oun o rashay o forestar Betel – leskro lab his Amazya – bičras morshen pash o Yerobeam, ko baro rayeste an Israel, oun moukas leske te penell: “O Amos krell i menshen divyo, te hadenn le pen pral toute. Leskro rakepen nay shounah mer bouder gar.

Mateo 3:7

Ninna boud Farisarya oun Sadducarya van pash leste, te moukenn le pen lestar te taufrell. Har yob kolen dikas, penas lo ap lende: “T'mer čilače sapa! T'mer nay nashenn gar krik glan o Debleskri rholi, hoy vella pral i menshende.

Louka 11:45

Koy penas i biboldengro čačepaskro: “Sikepaskro, te peneh tou kal laba, praaseh tou men ninna.”

Louka 20:19

Oun i biboldengre čačepangre oun i bare rashaya hayvan, kay rakras o Yezous lendar. Oun yon kaman te taprenn le les sik pal leskro rakepen, te čivenn le les an o stilepen. Yon trashan i menshendar. Doleske tapran le les gar.

Johanni 7:7

I menshe hi gar čilačo ap t'mende. Ap mande hi le čilačo. Me penom lenge, kay kova, hoy yon krenna, čilačo hi.

Johanni 9:40

Kova shounan i Farisarya, kay his kote pashel tardo. Kolla poučan lestar: “Ham mer ninna korelo?”

Bičepangre 7:51

Oun o Stefano penas doureder ap lende: “T'mer kamenn či te hayvell. T'maro dji hi har bar. T'mare kandentsa shounenn či, oun kamenn gar ap o Debleskro Dourho te shounell. Yaake kran t'mare phoure. Yaake krenn ninna t'mer.

Bičepangre 7:60

Oun yob peras ap i phoub tele, oun das pale gole: “Ray, le koy doosh lendar!” Har yob kova penas, meras lo.

Remarja 7:22

Miro dji kamell te krell, hoy o Devel penella.

5. Mose 29:4

40 (star-deesh) bersha djas lo glan t'mende an o moulo tato them: T'mare koola djan gar paash, oun t'mare kirrha ap t'mare pire nashan pen gar tele.

Kolossarja 1:28

Oun kava Yezouseskro drom sikrah mer i menshende, oun penah hakeneske an o dji, te djal lo ap kava drom. Mer penah lenge o Debleskro lab yaake, te hayvenn le les mishto. O Devel kamella, te vell hakeno baro oun zorelo an o patsepen ap o Yezous Kristeste.

2. Timoteo 4:3

Vell i tsiro, kay kamenn le o Debleskro čačepen bouder gar te shounell. Yon djivenna, har yon kamenna, oun rodenn penge save sikepangre, kay kova len sikrenna, hoy yon kamenn te shounell.

Hebrearja 11:7

Ninna o Noah patsas, hoy o Devel penas, har yob leha rakras, oun leste sikras, hoy pral i tsele menshende vella. Ninna te dikas o Noah kova gomme gar, shounas lo ap o Debleste, oun kras i baro panyeskro kheer. Yaake hounte meras yob peskre menshentsa gar. Har o Noah ko panyeskro kheer kras, vas diklo, te patsas yob, hoy o Devel penas. Ninna vas diklo, i vavar menshe patsan gar, hoy o Devel penas. Doleske hounte meran le. Ap o Noah penas o Devel: Tou patsal man. Tou hal kanna an o čačepen tardo glan mande.