Jeremia 52:12 - O Debleskro Lab 2024 (Sinte-Manouche)

¹² O baro rayes pral o them Babilonia, o Neboukadnezar, his i baro lourdo, koles boud penepaske his. Koleskro lab his Nebouzaradan. Yob his o pralstouno pral i lourdende. Har his o Neboukadnezar an o deesh-te-enyato bersh o baro ray pral o them Babilonia, koy vas o Nebouzaradan ap o deshto dives an o pančto čon an o foro Yerusalem.

O Debleskro Drom 2021 (Sinte)

¹² O baro rajes pral o them Babilonia, o Nebukadnezar, his i baro lurdo, koles bud penepaske his. Koleskro lab his Nebusaradan. Job his o pralstuno pral i lurdende. Har his o Nebukadnezar an o deesh-te-enjato bersh o baro rai pral o them Babilonia, koi was o Nebusaradan ap o deshto diwes an o pantchto tchon an o foro Jerusalem.

Jeremia 52:12 Iomraidhean Croise

1. Mose 37:36

Oun i parepangre dran o them Midian bikran o Yosefes an o them Egiptia ap yekeste kol rayendar, kay an o baro rayeskro kheer hi. Leskro lab his Potifar. Yob his o pralstouno kolendar, kay denn garda ap o baro rayeste pral o them Egiptia.

2. Rajengro liil 24:12

Oun o Yoyakin, ko ray pral o them Youda, das pes an i vasta ko rayestar dran o them Babilonia, oun djas vin pash leste: yob oun leskri day oun leskre pralstoune boudepangre oun bare lourde, ninna kol raya, kay an leskro kheer his. Oun o Neboukadnezar, ko baro ray dran o them Babilonia, čivas les stildes. An ko tsiro his o Neboukadnezar an o orhtato bersh baro ray.

2. Rajengro liil 25:8

O baro rayes pral o them Babilonia, o Neboukadnezar, les his i baro lourdo an peskro kheer. Koleskro lab his Nebousaradan. Yob his o pralstouno pral i lourdende. Har his o Neboukadnezar an o deesh-te-enyato bersh o baro ray pral o them Babilonia, koy vas o Nebousaradan ap o eftato dives an o pančto čon an o foro Yerusalem.

Esra 5:12

Mare phoure rhoyran o bolepaskro Debles; oun palle das lo len an o vast o baro rayestar dran o them Babilonia. Kova his o Neboukadnezar, ko Kaldeari. Yob moukas kava kheer khetne te phagell, oun anas i menshen, kay kate djivan, an o them Babilonia.

Nehemia 2:3

Oun me penom ap o rayeste: “Baro ray, te djivess hako tsireske! Har nay vell mange gar ropaske? Ko foro, kay mire phoure paskedo hi, hi paash kerdo. Oun leskre bare voudya hi pre rhačedo.”

Debleskri gili 79:1

I gili, hoy o Asaf kras. Maro Devel, menshe dran vavar themma peran an tiro them dren; tiro kheer, hoy touke kokres his, kran le pale-čiddo. Oun o foro Yerusalem dan le paash.

Jeremia 1:3

An ko tsiro pal kova, har koleskro čavo, o Yoyakim, o baro ray his, rakras o baro Devel pale ap o Yeremia bis ko tsiro vas, kay i menshe dran Youda pandles an i vavar them anlo van. Kova his an o pančto čon an ko deesh-te-yekto bersh, har o Sedekya, koleskro dad o Yosia his, o baro ray pral Youda his.

Jeremia 32:29

Oun kol lourde dran o them Babilonia, kay troul kava foro tardo hi, venna dren, oun rhačrenn kava foro tele kol tsele kherentsa, kay vas ap i dache soungepaskro koova rhačedo o rhorheno debleske Baal, oun mool vin čoredo kol vavar rhorhene deblenge. Doleske vas i rholi an mande.

Jeremia 39:11

Oun o Neboukadnezar, ko ray dran o them Babilonia, rakras o pralstuneha i lourdendar, o Nebouzaradan, oun penas leske, hoy te krell lo o Yeremiyeha:

Jeremia 39:9

O pralstouno i lourdendar – leskro lab his Nebouzaradan – kova anas kolen, kay gomme an o foro his, ninna kolen, kay pash lende vergel nashan, pandles an o them Babilonia.

Jeremia 52:14

Oun kol tsele lourde dran o them Babilonia, kay leha van, phagan i tsele massurya troul o foro Yerusalem tele.

Jeremia 52:29

har lo an o deesh-te-orhtato bersh baro ray his: 832 (orhta-sheel-triyanda-te-douy) menshe dran o foro Yerusalem.

Daniel 1:1

An ko tsiro, har o Yoyakim an o triinto bersh o baro ray pral o them Youda his, vas o baro ray pral o them Babilonia – leskro lab his Neboukadnezar – glan o foro Yerusalem, oun čivas pes peskre lourdentsa troul o foro.

Daniel 2:14

Koy djas o Daniel pash o pralstouno lourdeste kolendar, kay dan yak ap o baro rayeste. Leskro lab his Aryok. Yob his kova, kay vin djas, te marell lo i sikle morshen an o them Babilonia. Oun o Daniel rakras goseve labentsa leha oun poučas lestar:

Zakarie 8:19

Kova penell o baro Devel, ko ray pral o bolepen oun i phoub: “Kol divessa an o starto, pančto, eftato oun deshto čon, kay i menshe či rhan, te rodenn le man, kal divessa venn i barhtelo tsiro o khereske Youda. An kal divessa givenn oun khelenn le i barhtyatar. T'menge penau, rodenn o čačepen! Oun denn yak, te vell kek čingepen mank t'mende!”