Jeremia 51:36 - O Debleskro Lab 2024 (Sinte-Manouche)

³⁶ Doleske penell o baro Devel ap o foro Yerusalem: Dik, me kamau tiro koova an miro vast te lell. Me krau, te vell lengro lengsto pani Eufrat trouk, oun te nashell an lengre vavar panya bouder kek pani.

O Debleskro Drom 2021 (Sinte)

³⁶ Doleske penell o baro Dewel ap o foro Jerusalem: Dik, me kamau tiro koowa an miro wast te lell. Me krau, te well lengro lengsto pani Eufrat truk, un te nashell an lengre wawar panja buder kek pani.

Jeremia 51:36 Iomraidhean Croise

Debleskri gili 107:33

Dran o them, kay pani nashell, kras lo i moulo them, oun moukas kol lengste panya bouder gar te nashell.

Debleskri gili 140:12

Koles i čilači čip hi, koles te vell kek barht an kava them! Oun i marepangre, te venn le tradedo i bibarhtyatar oun hounte perenn!

Gosewe laba 22:23

O baro Devel lell lengro koova an o vast. Oun kova, kay len vin randas, koleske lell yob o djipen krik.

Gosewe laba 23:11

O baro Devel vell lenge zoreles ap i rig, oun lell lengro koova an o vast, oun krell o čačepen pral toute vin.

Jesaja 19:5

O pani an o Nil vell krik rhalo, ko lengsto pani hi gar bouder.

Jesaja 43:14

O Israeleskro Devel hi o baro Devel, kay t'men dran o pandepen vin lell, oun penell: T'menge, kay an o them Babilonia han, bičrom yekes koy, te anell lo t'men, kay pandle han, vin. Oun kol Babilonarya, kay kanna i barhteli gole denn, rovenna palle.

Jesaja 44:27

Me hom kova, kay ap o baro pani penell: “Ab trouk!” Oun kol lengste panya, hoy nashenn an o baro pani, krau me trouk!

Jeremia 50:38

O brishin te vell pale rikedo, te nashenn kek panya bouder an o them! O them Babilonia hi pherdo moule debla, oun lengro patsepen ap kal čilače moule debla kras i menshen narvelo.

Jeremia 51:11

I Babilonarya kran o baro Debleskro kheer paash. Doleske las pes o baro Devel glan, te phagell lo o foro Babilon tele. Yob das i rayende dran o them Media boud zoor an lende, te djan le ap o foro Babilon pre. Činenn t'mare fayle! Lenn t'mare sasterne bečeskre patria an o vast!

Jeremia 51:6

Nashenn sik dran o foro Babilon, nashenn t'maro djipaske! te djan gar halauter tele an koy doosh, hoy kava foro ap peste anas! Kova hi o baro Debleskro tsiro, kay dell lo i Babilonaryen ko čilačepen pale, hoy kolla kran.

Ezekiel 25:14

Mire menshe Israel hi kolla, kay denn i Edomaryen pengri phagi. I Israelitaryen moukau lentsa yaake trouyel te djal, te vell miri bari zoreli rholi ap lende. Oun i Edomarya dikenn oun hayvenn, kay me kova hom, kay anell lengro čilačepen pale ap lengre sherya. Kova penell o baro Devel, maro ray.

Hosea 13:15

Ninna te hi o Efrayim mank peskre phralende har i zenelo rouk, hoy hidjrell lače roukengre, bičrell o baro Devel i tato dourho, hoy vell kotar, kay o kham pre djal. Dran o moulo tato them vell lo, oun krell, te venn i tsele panya trouk. Oun yob lell leskro tselo bravlepen lestar krik, – ko tselo kouč koova.

Remarja 12:19

Mire kamle phrala oun phenya, ninna te kras yek t'menge čilačo koova, ma denn leske pale! Moukenn les! O Devel dell les i phagi. An o Debleskro lab hi činlo: O Devel penas: Me dau len pale. Me dau len i phagi.

5. Mose 32:35

Yob penell: Me hom kova, kay dau len halauter ap lengro shero pale an ko tsiro, kay trissenn lengre herya. Gar dour hi o dives, kay vell lengri bibarht pral lende. Oun kova, hoy ap lende vell, kova vell sikepah.

5. Mose 32:43

T'mer menshe dran i vavar themma, sharenn o baro Debleskre menshen! Kolla, kay maran leskre boudepangre, kolenge dell yob halauter pale ap lengre sherya. Oun yob dell kolen halauter pale, kay kouran pen leha. Oun lell krik o praasepen, hoy ap o them peskre menshendar hi.

Debleskro tsiro 16:12

Oun o shobto bolepaskro čoras peskro čaro vin pral o baro pani, hoy kharella Eufrat. Oun ko pani djas pale. Yaake vas i drom kerdo kol rayenge, kay venna dran o them, kay o kham pre djal.